Mateo 13:21 - La'aqtaqa Ñim Lo'onatac 'Enauacna 2013

²¹ Qalaxaye souaxat da saishet da ỹoqta ỹaỹateeta de'era na'aqtaxanaxac, nache saishet da 'eetai' de'era ntonaxac. Cha'aye da huo'o da ivireguet lqalaic, huo'otaq da sa qaiyacnapec souaxat da ỹalaxaguet Ñim Lo'onatac 'Enauacna, nache saqaỹaloq da icoua'ai de'era na'aqtaxanaxac.

Nuevo Testamento Toba Sur

²¹ Qalaxayi souaxat da qaica ca lpa'a'ÿaxac da n'aqtac, nachi sa ishit da 'eetai'. Cha'ayi da huo'o da ñi'iguenataguec, huo'otaq da ncanaguec souaxat da n'aqtac, nachi qoshiuec.

Nuevo Testamento Toba Sombrero Negro

²¹ qalaĝaja queda'me ja jalcote ga'me pata', ja yaqanate't da'me 'nañaĝatela'ajalo; qom naqaeda jouaĝat da'me 'naqataĝanaĝac uo'oe gaa'me napiyenagueco uotaĝa qoyecaa'tape, yaqataqate'n qama'le nepaten.

Mateo 13:21 Referans Kwoze

Mateo 11:6

Ñim Lo'onatac 'Enauacna ỹaalec da nqouagaxa qome cam saishet da ỹaxanec Aỹem souaxat da ỹauaachigui de'era so'ottac.

Oseas 6:4

Qaq Ñim Nataxala', 'eeta': ¿Ca sheeteco', 'am Efraín? Qataq ¿ca sheeteco', 'am Judá? Cha'aye da qarauotaxanaqtaiqui da sheeta, qalaq 'eeta'am na sheue ye nte'eta, qataq na 'aỹa da ña nte'etom nache quiguiñi.

Efesios 3:17

Qataq seỹaxaatacot Ñim Lo'onatac 'Enauacna da yaqto' So Cristo ishet da netaiguilo naua qarquiyaqchilli' souaxat da huo'o da qarpi'iỹaxaqui Somaye, qataq yaqto' qami' ỹataqta qauauochec Ñim Lo'onatac 'Enauacna qataq na laỹepi shiỹaxauapi.

Proverbios 12:3

Da qauem saishet da nache 'eetai' da na'attañi naqa'en ca shiỹaxaua, qaq ca no'on da lataxac qalaq nache 'eetai' da na'attañi qaica ca iraxanai'.

Da na'aqtaguec so Job 19:28

Qaq da nache aỹem qaucañiitac nache maiche qannacheela't ta'ainco', cha'aye 'enauac ne'ena qauempi, maiche aỹem chegaqaigui.

Salmos 36:3

Qataq ỹataqta qauema naua la'aqtaqa qataq shepecaic, cha'aye deqat so no'on ntoonaxac, qataq ỹaxaañi da ỹo'ot da ỹaỹamaqchiguiñi.

2 Timoteo 1:15

Qaq 'am mashe 'auaỹateeta da na 'amqaanataxanaxaicpi maye hueta'a ye Asia aỹem ỹalat. ¡Ivira'alo soua Figelo qataq so Hermógenes aỹem no'onaxatchiguilo!

Filipenses 1:6

Qaq aỹem ỹataqta 'eesa ñaqa'en da Ñim Lo'onatac 'Enauacna maye chegoqchigui da qami' ỹo'oteque da no'on dalaxaic qarataxaqui. Ñimaye queto'ot da ỹo'ottac de'era, choche iviraxatta'a ca na'a'q qom ñe'eguelaq So Jesucristo.

Gálatas 6:15

Cha'aye ỹoqta 'eesa da sa iuen da huo'o ca na'anaxashet ca shiỹaxaua huo'otaq qaica. Cha'aye dam ỹataqta iuen ca shiỹaxaua, damaye nachera da dalaxaic lataxac

Gálatas 6:12

Nam shiỹaxauapi maye qami' ỹamaqtaleguete da qauo'oche ca qana'anaxache, namayepi choche huotaique da qaỹamateguet. Cha'aye saishet da ỹaỹamaxaren da sa qaiyacnapec souaxat da ỹa'axattac da 'eetec co'ollaq So Cristo da qaiuaxaneguet so npe'enaxaqui.

Gálatas 5:6

Ỹataqta huo'o da qana'achecỹaxac chegoqchigui dam ỹo'ot So Cristo, qaq na'aictaxa da huo'o ca la'anaxat na qaro'oc huo'otaq qaica. Cha'aye dam ỹataqta huo'o da naigui nachera da qarpi'iỹaxac So Cristo, qaq de'era qarpi'iỹaxac qomi' ỹo'oteque da sauotaxac na laỹepi shiỹaxauapi.

Romanos 2:7

Cam ỹo'ot ca ỹaỹamaqchiguiñi, cha'aye huo'o da naquitaxac da ỹaconeguet ca laỹamaxannataxanaxac Ñim Lo'onatac 'Enauacna, nache qoỹami' ca llo'oxoyec qataq ca achaalataxac chochaq tatec, nache Ñim Lo'onatac 'Enauacna hua'axaỹa'a qome da chochaq tatec da lmayaxaua camaye.

Juan 6:26

Qalaxaye So Jesús 'enapega somayepi, 'eeta': –Ỹataqta 'eesa de'era qami' sa'axatema, da qami' Aỹem qanmichiitaique, cha'aye qami' qauqui'i, ivira'a da qami' comaraxaiqa, qaq saishet da souaxat da qami' qauaỹaañi ca naigui na na'anecpi maye sa qaỹauanapega.

Lucas 8:13

Qaq asom nañiguishe maye tatelec so 'alhua maye ỹalliigui na coma', qalaq naigui ca shiỹaxaua maye na'axaỹaxaatega da na'aqtac qalaq huo'o da ntonaxac. Qalaxaye ye saishet da ỹoqta ỹaỹateeta, nache da huo'o ye ivireguet lqalaic, nache saqaỹaloq da ỹaxanec da lpi'iỹaxac Ñim Lo'onatac 'Enauacna.

Marcos 4:17

Qalaxaye saishet da ỹoqta ỹaỹateeteguet de'era na'aqtaxanaxac, nache da ntonaxac sa qaỹauec, qataq da nque'elaxatta da huo'o na ivireguet, qaltaq da sa qaiyacnapec souaxat da ỹalaxaguet Ñim Lo'onatac 'Enauacna, nache icoua'ai da na'aqtaxanaxac.

Mateo 26:33

Nache so Pedro 'enapeco': –Na'aictaxa da 'enauac 'am qaỹalata'a't, qalaxaye aỹem saishet da 'am salat.

Mateo 26:31

Qaq co'ollaq ivildesheguemec aso qaỹoqotcheguemec 'alhua maye nanqa' ana Olivo, nache So Jesús 'enapegalo soua lapaxaguenataqa, 'eeta': –Ne'ena pe qami' deqat da qarpi'iỹaxaqui Aỹem. Cha'aye ana nere maye huetalec na la'aqtacpi Ñim Lo'onatac 'Enauacna, 'eeta': «Salauat qome ñim ilotague' ana qagueta nache ana qaguetapi qome nlagaxattac.»

Mateo 24:13

Qalaxaye Aỹem ñeca'alaxatec 'enauac nam Aỹem quetague' qataq saishet da ỹaxanec da lpi'iỹaxac Aỹem choche ivitta'a ca loga't da nachaalataxac.

Mateo 13:57

Qaica da huo'o ca hueta'a yi'iye da huotaique da ỹaconeguet da lapaxaguenataxanaxac So Jesús. Nache Somaye, 'enapeco': «Ca la'aqtaxanaxanec Ñim Lo'onatac 'Enauacna ỹataqta huo'o naq 'enec qanqa'en 'enauac na pa'aiguelo, qalaxaye ca ỹoqta lma' qataq ca lauo' le'ecpi sa qaỹa'amaqten camaye.»

Mateo 13:6

Qalaxaye aso nañiguishe sa qaỹa'ague da lca'alaxa cha'aye qaicaua caua lpa'aye qataq ỹavic co'ollaq nnoxoosheguem añi nala'.

Mateo 10:22

Qataq 'enauac qome nam shiỹaxauapi ỹataqta qami' nquiỹalo, souaxat da Aỹem qoquiitague'. Qalaxaye cam Aỹem pi'iỹa'a choche ivitta'a ca loga't da nachaalataxac nache Aỹem ñeca'alaxatec .

Proverbios 12:12

Na qauem qoỹeetapeguec nachena na loxonaxanaxat na qauemaicpi, qaq na no'on da lataxac qalaq ñaxatec, nache huo'o da alaỹaxac.

1 Pedro 1:5

Qami' huo'o da qarpi'iỹaxaqui Ñim Lo'onatac 'Enauacna, qaq ỹoqo'oye Ñimaye qami' npaxattaleguete, ỹauota'a da la'añaxac, yaqto' qami' ishet da qanca'alliiuec, ipacchigui dam lapaqtañi 'eetapeguec cam pa'atec na'a'q.

2 Timoteo 4:10

Cha'aye so Demas aỹem ca'ai, souaxat da lqopiche da 'onataxac lma'na, nache nqochena ye nỹecpi ye Tesalónica. Qaq so Crescente taigue da 'alhua Galacia, qaq so Tito taigue da 'alhua Dalmacia.

Apocalipsis 2:13

Aỹem saỹaten da qoueta'a nam nỹecpi maye netaña añi nso'onaxaqui so pa'aguenataxanaxaic. Qalaxaye na'aictaxa da nache 'eetec de'era qalaq nache 'ena'am qoqueto'ot da huo'o da qarpi'iỹaxac Aỹem. Qataq saishet da 'axaañi da Aỹem 'aua'amaqteetac, na'aictaxa co'ollaq da huaña ne'ena nỹecpi maye qoueta'a da qaỹalauat so Antipas, som nache 'eetai' naxa da ỹachaxaata da lpi'iỹaxac Aỹem.

Mateo 13:20

Qaq aso nañiguishe ala maye tatelec som 'alhua maye ỹalliigui na coma', qalaq asomaye naigui na shiỹaxauapi maye na'axaỹaxaatega da na'aqtaguec da lo'onataxanaxac Ñim Lo'onatac 'Enauacna, nache saqaỹaloq da ỹasateguet qataq ỹataqta lta'araic da ntonaxac.

Santiago 3:2

'Enauac da shenaqta huo'oi naua qarasouaxashe'ete, qalaxaye nachaqcata ca shiỹaxaua maye ỹaỹaten da nllañi ñi lachaxat, camaye nalochiguiñi da lataxac, qataq ishet da nala'aguet da nllañi da maiche 'eetapeguec da lo'ocỹaxac.