Mateo 13:2 - La'aqtaqa Ñim Lo'onatac 'Enauacna 2013

² Qaq souaxat da ỹataqta qalota so shiỹaxauapi laponeua'a cam hueta'a Somaye da na'axaỹaxana, nache So Jesús huenooñigui aso nllocta da nso'ootangui asomaye da dapaxaguenataxan. Qaq se'eso shiỹaxauapi hueto'ot na loigue aso lapel.

Nuevo Testamento Toba Sur

² Nachi ÿataqta qalota na shiÿaxauapi laponeu'a cam hueta'a somayi. Nachi so Jesús huenojñigui aso barco, nachi 'enauac se'eso shiÿaxauapi hueto'ot na loigue aso lapel.

Nuevo Testamento Toba Sombrero Negro

² Qanach'e queda'me jalcote ga'me jiyaĝadipi qoyemalegue, Jesús yenochiñgui jaga'me licota, qama'le netañgui qaale ga'me jiyaĝadipi ue'ta ga'me noĝop lae.

Mateo 13:2 Referans Kwoze

Lucas 5:3

Aso 'oonole se'esoua nllocta lalamaqte so Simón Pedro, nache So Jesús huenooñigui asomaye, ime, nache iỹaxanot so Pedro da cara'ac da nquigaxattaxaasom asomaye. Ime, nache So Jesús nso'ooñi netangui aso nllocta, nache cot da ỹapaxaguen so shiỹaxauapi.

Marcos 4:1

Qaq so lỹa na'a'q, nache So Jesús dapaxaguenataxaatac, neto'ot na loigue aso lapel ye Galilea. Qaq cha'aye souaxat da ỹataqta qalota so shiỹaxauapi maye na'axaỹaxaatac, nache So Jesús huenongui aso 'oonole nllocta, nache nso'ooñi da yaqto' dapaxaguenataxan. Qaq so shiỹaxauapi nachattañi neto'ot na loigue aso lapel.

Mateo 15:30

Nache ỹataqta qalota so shiỹaxauapi nauga ca hueta'a Somaye, nauectauo nam qaica ca lche lỹa, qataq nam sanauaañi, qataq na qaicaua naua la'aqtaqa, qataq na qaica ca lhuaq lỹa, qataq qalota na laỹepi sa no'onpi. Nache qairoua'a So Jesús, nache Somaye nataren 'enauac somayepi.

Mateo 4:25

Nache ỹataqta qalota so shiỹaxauapi maye chegaqa'a ye Galilea, qataq ye Judea qataq ye Decápolis, nache ca'attague' So Jesús. Nataqa'en huo'o so chegaqaua'a ye nỹecpi Jerusalén, qataq na laỹepi nma'pi maye hueta'atague da lỹa le'ego so tala Jordán.

Génesis 49:10

Qaica qome ca ishet da deuotaxanec da lamaxasoxonaxac da Judá qataq da lamaxasoxonaxat npon maye nasoqta'a, choche ivitta'a da nvi' cam lalamaxat de'era pon, cam ỹataqta ỹalaxaguet qome na nhuo' le'ecpi.