Mateo 13:19 - La'aqtaqa Ñim Lo'onatac 'Enauacna 2013

¹⁹ Huo'o na na'axaỹaxaatega da na'aqtaguec da lo'onataxanaxac Ñim Lo'onatac 'Enauacna, qalaxaye ye saishet da ỹaỹaten, nache so pa'aguenataxanaxaic anac, nache ỹo'otec da icoua'ai de'era na'aqtaxanaxac. Qaq 'ena nam 'eeta'am aso nañiguishe ala maye tatelec so nqa'aic.

Nuevo Testamento Toba Sur

¹⁹ Ca n'axaÿaxaatega da n'aqtaguec dam l'onataxanaxac ñi Dios mayi neta'ague da piguem, qalaq sa ishit da ÿaÿaten, camayi 'eeta'am aso nanguishi ala mayi tajlec so nqa'aic. Ime, qaq anac so shiÿaxaua lma'na, nachi deuotaxanec som n'aqtac mayi huetaigui añi lquiyaqte.

Nuevo Testamento Toba Sombrero Negro

¹⁹ jogaa'me jo'ne domachita da'me qo'yaĝatetac joda'me nejaliaĝa qama'te ja yayate'n, eda'am jaga'me nepeta jo'ne tachi'ñgui ga'me naq'aec; novi' ñe'me payac qama'le doĝotaĝanec da'me 'naqataĝanaĝac jo'ne qoyanoue ga'me lauel.

Mateo 13:19 Referans Kwoze

Mateo 13:38

Qaq som nanaxanaqa', qalaq nachena nam shiỹaxauapi maye netalec ana 'alhua. Qaq aso no'on nañiguishe maye ala na trigo, qalaq nachena nam shiỹaxauapi maye huetaigui da lo'onataxanaxac Ñim Lo'onatac 'Enauacna. Qaq aso huoue maye le'enaxat cizaña, qalaq nachena nam ỹalaxaguet so pa'aguenataxanaxaic,

Hebreos 2:1

Qaq ỹoqo'oye qomi' iuen da ỹataqta sauoqo'o da qarqochoxo da na'aqtaxanaxac maye chegaqaigui da nca'alaxa maye sa'axasoqchigui, yaqto' saishet da qolaqa'ai so nqa'aic maye qomi' ỹachaxanalo Ñim Lo'onatac 'Enauacna.

1 Juan 5:18

Saỹatenaq da nam llalaqpi Ñim Lo'onatac 'Enauacna saishet da ỹo'ot ca lasouaxashet, cha'aye So Jesucristo maye Llalec Ñim Lo'onatac 'Enauacna ntela'a namayepi, qaq som pa'aguenataxanaxaic saishet da ishet da huo'o ca ỹo'otec qauem namayepi.

Mateo 4:23

Nache So Jesús coleetapeguelec 'enauac ye Galilea da dapaxaguenataxaatapoigui ana napaxaguenaxaquipi na judiopi yi'iye 'alhua, ỹa'axattac da no'on na'axaỹaxac maye ỹa'axat da Ñim Lo'onatac 'Enauacna ilo'ogue 'enauacna, qataq natareetac 'enauac na ỹotta'a't lalolaxa na shiỹaxauapi.

1 Juan 3:12

Saishet da shenaqta'am so Caín maye 'eeta'am ca llalec so pa'aguenataxanaxaic, nache ỹalauat so lqaỹa. Qaq ¿ta'ainco' ye ỹalauat? Qomye da ỹo'ottac so Caín co'ollaxa ỹataqta qauem, qaq dam ỹo'ottac som lqaỹa co'ollaxa qalaq ỹataqta 'onaxaic.

Romanos 1:28

Qaq cha'aye namayepi mashe saishet da ỹauatton qataq ỹalaxaguet Ñim Lo'onatac 'Enauacna, qaq Ñim Lo'onatac 'Enauacna ỹaxanec namayepi da yaqto' ỹo'ot 'enauac na iuennatega maye qaica ca naigui qataq saishet da lataxac.

2 Ts 2:12

Yaqto' ỹataqta lta'araic da nhuaxanaguec 'enauac nam saishet da ỹa'amaqten da 'eesa lataxac. Chaqrata da nqopita na sa ỹaỹamaxañisat.

Romanos 14:17

Da lo'onataxanaxac Ñim Lo'onatac 'Enauacna da ilo'ogue 'enauacna, damaye saishet da ỹectega cam qanallec qataq cam qanỹomgui. Nachaqrata da iuen da qaỹo'ot cam ỹaỹamaqchiguiñi qataq qanayeetaigui da nlagaxayec qataq tonaxac. Qaq 'enauac de'era ishet da qaỹo'ot chegoqchigui So Saqcha'a Na'añaxac Qui'itta.

Romanos 2:8

Qalaxaye na na'amqaanaxaicpi qataq na qauemaicpi maye saishet da huotaique da ỹo'ot ca no'on, namayepi qome ỹauo'o ca nhuaxanaguec.

Hechos 28:23

Qaq ỹoqo'oye qaỹauo'o so naloqnec na'a'q. Qaq co'ollaq ivita se'eso na'a'q, nache ỹataqta qalota na shiỹaxauapi na nvita ca netaña so Pablo. Nache ỹachegoxottot se'eso nte'eta, choche ivitta'a so avit, da ỹa'axattapeguem somayepi da lo'onataxanaxac Ñim Lo'onatac 'Enauacna. Ỹataqta quetapegueua'a somayepi da ỹa'amaqten naqa'en So Jesús, nache ỹa'axattac nam namaxasoxonaxacpi maye chegoqo'ot so Moisés qataq nam la'aqtaxanaxac som la'aqtaxanaxanecpi Ñim Lo'onatac 'Enauacna.

Hechos 20:25

Qaq nagui ỹoqta da 'enauac da qoñiita nam sa'aqtaxaatapeguem co'ollaxa da lo'onataxanaxac Ñim Lo'onatac 'Enauacna, da nache tachiguiña nagui da aỹem sa nauane'.

Hechos 18:15

Qalaxaye de'era aỹem qandoiua'a nagui ye choche na'aqtac dam qancotaitapigui, qataq dam ne'enaxat, qataq nam maiche qanqataxaqui maye qami' qoỹanema co'ollaxa, qaq ỹoqo'oye no'on da maiche qauo'oche ca lataxac. Aỹem saishet da saỹapegueua'a da so'ot ca lataxac damaye.

Hechos 17:32

Qaq co'ollaq qaỹa'axaỹa de'era 'eetec da So Jesús qaltaq nca'alec, nache huo'o na lashetac so Pablo. Qataq huo'o na laỹepi 'eeta': –No'on da ña'aqtaxanaxagui de'era que'eca lỹa na'a'q.

Juan 18:38

Nache so Pilato 'enapego' Somaye, 'eeta': –¿Chaq negue't cam 'eesa lataxac? Qaq co'ollaq imat da lnataxanaxac so Pilato, nache qaltaq pa'auec da da'aqtaxanem so judiopi, 'eeta': –Aỹem saishet da huo'o ca sanata lasouaxashet de'era ỹale.

Juan 8:43

Qami' saishet da qauaỹaañi dam qami' sa'axattapeguema, cha'aye saishet da ỹoqta qana'axaỹaxañiỹa dam ỹa'aqtaxanaxac.

Lucas 10:9

qanatayiñi 'enauac nam sa no'onpi maye hueta'a camaye, qataq qaua'aqtaxañim da lo'onataxanaxac Ñim Lo'onatac 'Enauacna da mashe nayeetai'.

Lucas 9:2

Ime, nache ỹama'q soomaye da ỹa'axatre'c da no'on na'axaỹaxac dam lo'onataxanaxac Ñim Lo'onatac 'Enauacna, qataq natare'n na sa no'onpi.

Marcos 4:15

Qaq aso nañiguishe alapi maye tatelec so nqa'aic, naigui nam na'axaỹaxana dam no'on na'axaỹaxac, qalaxaye da anac so pa'aguenataxanaxaic, nache ỹo'otec da icoua'ai 'enauac nam hua'aqchiguipi.

Mateo 5:37

Nachaqrata da 'oonolec ca qarasataxaqui. Qoñiita': aja' huo'otaq saishet. Cha'aye ca choche qaỹachegoxotauec na'aqtac, camaye chegoqo'ot so pa'aguenataxanaxaic.

Proverbios 17:16

Negue'to' ca naigui ca qaica ca ỹaỹaanapec da huo'o aca alom, ye saishet da desheenaxana da naỹaanec cha'aye qaica ca lauattonaxanaxac.

Proverbios 1:7

Da naỹaanec, damaye chegoqchigui da huo'o naq 'enec qanqa'en Ñim Nataxala', cam qaica ca ỹaỹaana'a qalaq ỹo'otan da naỹaanec qataq da napaxaguenataxanaxac.

1 Juan 5:20

Nataqa'en saỹatenaq da So Llalec Ñim Lo'onatac 'Enauacna, Somaye anac da qomi' ỹanema da qaraỹaanec da yaqto' sauattonaqta Ñim Lo'onatac 'Enauacna maye 'eesa. Qataq ña'araqtaua'a som Llalec Jesucristo; Somaye nacheso som ỹataqta 'eesa Lo'onatac 'Enauacna maye chegoqo'ot da nca'alaxa chochaq tatec.

Efesios 3:8

Cha'aye na'aictaxa da aỹem ỹataqta qaica ca ỹa'amaqchec da salectaigui na lalamaxatpi Ñim Lo'onatac 'Enauacna, qalaxaye Ñimaye aỹem ỹami' de'era ña'achecỹaxac da sa'axatem na saishet da judiopi da no'on na'axaỹaxac maye ỹa'axat nam chegoqo'ot lqouagaxanaqtaicpi So Cristo maye qaica ca ishet da naloqten.

Ezequiel 31:18

Qaca co'ollaxa aca qo'oipaq ye Edén da ishet da qanaloqneguet da lyacỹaxac qataq da lalogaxa asomaye, qalaxaye nataqa'en l-llañe' qome ana laỹepi qo'oipaqpi maye naña ye Edén da taña na pa'aguiñi ana 'alhua, da yaqto' ỹalecta'aguet nam ỹaqa'a da la'amqaanataxanaxac, qataq som shiỹaxauapi maye ileuaigui co'ollaxa so alaataxac. Qaq asa'aso qo'oipaq, nacheñi ñi faraón qataq 'enauac na shiỹaxauapi maye ilotague'. Qaq 'era da ỹa'aqtac Aỹem Nataxala'.»

Mateo 12:26

Qaq nache 'eetec nataqa'en so pa'aguenataxanaxaic, da huo'otaq maiche mpa'agueeteguela't, nache maiche nlaxatteguiñi da lo'onataxanaxac.

Mateo 13:20

Qaq aso nañiguishe ala maye tatelec som 'alhua maye ỹalliigui na coma', qalaq asomaye naigui na shiỹaxauapi maye na'axaỹaxaatega da na'aqtaguec da lo'onataxanaxac Ñim Lo'onatac 'Enauacna, nache saqaỹaloq da ỹasateguet qataq ỹataqta lta'araic da ntonaxac.