Mateo 13:17 - La'aqtaqa Ñim Lo'onatac 'Enauacna 2013

¹⁷ Cha'aye qalota co'ollaxa so la'aqtaxanaxanecpi Ñim Lo'onatac 'Enauacna qataq som no'on da lataxac shiỹaxauapi da huotaique da ỹauaachigui de'era maye qami' qaumiiñitac, qataq dam qaua'aqaitega, qalaxaye somayepi saishet da ỹañoxot.

Nuevo Testamento Toba Sur

¹⁷ Qaq ÿataqta 'eesa de'eda qami' sa'axatema, da qalota co'ollaxa so l'aqtaxanaxanecpi ñi Dios qataq som no'on da lataxac shiÿaxauapi da nshitaique da ÿauaachigui de'eda mayi qami' qaumijñiitac, qalaxayi sa ishit da ila'a; qataq nshitaique da hua'axaÿa dam qau'aqaitega, qalaxayi namayipi sa ishit da hua'axaÿa.

Nuevo Testamento Toba Sombrero Negro

¹⁷ Eja ami ja'aĝatema queda'me qayoĝode' gaa'me Dios 'laqataĝanaĝanaqa nataq'aen jiyaĝa'u jo'ne chimadichidiñe jetaque yauata da'me dojo' jo'ne nayi auañiya, qalaĝaja ja yauata; jetaque domachita dojo' jo'ne nayi auomachiiya, qalaĝaja ja domachita.

Mateo 13:17 Referans Kwoze

Juan 8:56

So Abraham maye qarta'ai, somaye ỹataqta huo'o da ntonaxac co'ollaxa da choche iuennatega ca na'a'q da ñevira ana 'alhua. Qaq co'ollaq ilogui, nache somaye ỹataqta nlaqchigui da ntonaxac.

Hebreos 11:13

'Enauac se'eso shiỹaxauapi maye sa'axataqtac somayepi choche ivitta'a da ileu da saishet da ỹaconeguet cam chegoqo'ot Ñim Lo'onatac 'Enauacna maye ỹachaxanapeguem. Qalaxaye somayepi souaxat da huo'o da lpi'iỹaxac Ñim Lo'onatac 'Enauacna, nache ilota'a cam talec somayepi da ñaq qaỹoqta. Qalaxaye nache 'ena'am ỹataqta huo'o da ntonaxac, cha'aye somayepi ỹaỹaten da huetalec ana 'alhua qalaq 'eeta'am da ỹaqa'a ca chegaqa'ague da choche cara'ac da hueta'a anamaye.

Lucas 10:24

Cha'aye qalota co'ollaxa som la'aqtaxanaxanecpi Ñim Lo'onatac 'Enauacna qataq som ilotague' so Israel le'ecpi, huo'o da lyaxa da ỹauaachigui qataq hua'aqchigui dam qami' qauloita'a qataq qaua'aqaichigui nagui, qalaxaye somayepi sa ỹañoxot.»

Lucas 10:23

Qaq So Jesús co'ollaq nda'ato soua lapaxaguenataqa, nache 'enapegalo, 'eeta': «Ỹataqta qauamaichiguiñi qami' maye qauloỹa'a 'enauac nam yo'oq nagui.