Mateo 13:15 - La'aqtaqa Ñim Lo'onatac 'Enauacna 2013

¹⁵ Cha'aye namayepi saishet da huo'o ca laỹaanataxanaxac qataq saishet da deuennataxan; qataq ỹapoguilo naua la'ai'te da yaqto' saishet da demeenaxan, qataq ỹapoguilo naua ltela lauaco, da yaqto' saishet da hua'aqa. Cha'ayectaxa da saishet da nache 'eetec de'era, nache ỹaỹaten taxa da ỹa'aqtaxanaxac, nache naralaxat taxa da lataxac, ¡nache Aỹem taxa ñeca'alaxatec!»

Nuevo Testamento Toba Sur

¹⁵ Cha'ayi da lquiyaqteÿaxac ne'ena shiÿaxauapi ÿi'iguelaxalec da ÿataqta qadamchigui, qataq sa ishit da ÿoqta hua'aqa, qataq naua l'ai'te ÿamaqta'a't; da yaqto' sa ishit da huo'o ca ila'a, qataq sa ishit da huo'o ca hua'axaÿa, qataq sa ishit da huo'o ca ÿaÿaten da lquiyaqteÿaxac, qataq sa ishit da aÿim ÿi'iguelaxa da yaqto' ñataden.

Nuevo Testamento Toba Sombrero Negro

¹⁵ Qa'a naa'me lai'li jena'me jenjo' jiyaĝadipi yataqachiñe ja damichiguilo, uo'oe naa'me lequetela laco lapadenaqa'te nataq'aen 'lae'te lapadenaqa'te, qaedi ja yauana'ape nataq'aen ja domachi'y, qaedi ja yayate'n uotaĝa ta'le jayem 'niyelaĝadetot, qaedi ja jen 'te yemedegue.»

Mateo 13:15 Referans Kwoze

Isaías 6:10

Qataq 'auo'otec qome da qaramta da lquiyaqteỹaxac ne'ena shiỹaxauapi, qataq 'auapoguilo naua la'ai'te qataq naua ltela lauaco, da yaqto' saishet da hua'aqa qataq saishet da nauaañi, qataq saishet da huo'o ca ỹaỹaten, yaqto' saishet da aỹem ñe'eguelaxa, nache aỹem saishet da ñataren.»

Marcos 4:12

Yaqto' na'aictaxa da nlotauec, qalaq saishet da ila'a, qataq da hua'aqtac, qalaq saishet da ỹaỹaten. Nachaqrata da ntouen, nache iỹaxanot Ñim Lo'onatac 'Enauacna da ỹapalaxat na lasouaxashetpi.»

Zacarías 7:11

Qalaxaye se'eso nhuo' le'ecpi saishet co'ollaxa da ỹalaq. Nacherata da datatec, nache ỹe'enaxat da saq hua'aqa.

Malaquías 4:2

Qalaxaye qami', maye huo'o naq 'enec qanqa'eñi da ỹe'enaxat, dam no'on ỹataxac qalaq 'eroigui qome, 'eeta'am na le'eraxa añi nala', qaq na le'eraxa qalaq nachetac qome da nca'alaxa. Nache qami' qaparenaxañeetac qome, souaxat da qantonaxaqui, qoñeeta'am ca huaca llalaqpi da parenaxaatague' da chegaqaigui aca laỹe'.

Jeremías 17:14

Aỹem 'anataren, 'Am Nataxala', nache aỹem no'oita qome, aỹem 'anca'alaxatec, nache aỹem ñeca'alec qome, cha'aye nache 'amta da 'am sho'oxoreetac.

Hebreos 5:11

Qalota na qara'aqtaxanaxac da sa'axataq de'era, qalaxaye huo'o da lqalaic da ỹataqta sa'axataqtegue ca llec da qami' sa'axataqtema, cha'aye huo'o qanqa'eñi da lqalaic damaye.

2 Timoteo 4:4

Qataq ỹapoguilo naua ltela lauaco da saishet da na'axaỹaxana da 'eesa lataxac. Nachaqrata da na'axaỹaxaata'ai na ỹotta'a't na'aqtaxanaxac maye qaica ca naigui.

Hechos 7:57

Qalaxaye so nmit na nasouaxashetpi somayepi, lamaaxa ỹapoguilo naua ltelal, nache ỹa'alqagui, ime, nache ỹataqta qaiparenaxaneua'a somaye da qaỹaconeua'a.

Salmos 119:70

Cha'aye da lhuennataxac namayepi mashe sa ỹaỹamaxañi, qalaxaye naua 'arqataxaco ỹo'ot da samachiguiñi.

Apocalipsis 22:2

Qaq nam laiñi so nqa'aic maye laiñiguishec se'eso nỹecpi, nache nacchiguingui se'eso 'etaxat. Qaq naua loiguiye se'eso tala huo'o ana qo'oipaq maye huo'o ana ala ye 'oonolec ca'agoxoic, qaq damaye 'eeta' doce da huo'o ana ala ye 'oonolec vi'i. Qaq ana ala ỹan da nca'alaxa chochaq tatec, qaq ana laue qalaq natannaxanaqte da nataren na lalolaxapi 'enauac na shiỹaxauapi maye huetalec ana 'alhua.

Hechos 3:19

Qaq ỹoqo'oye qaualache' nagui naua qano'onataxacolli', nache qaualaqaiguet Ñim Lo'onatac 'Enauacna, yaqto' Ñimaye ỹapalaxa't naua qarasouaxashe'echilli'. Nache Ñimaye icoua'ai 'enauac nam sa ỹaỹamaxañi maye qauo'ocheetac, nache qami' ỹanema da qara'añaxaqui.

Oseas 14:4

Da la'aqtac Ñim Nataxala', 'eeta': «Aỹem saỹamaxaañi qome da qauem lataxac namayepi, nache choche sechoxoren, souaxat da sauotec namayepi, cha'aye da ỹayeloxo mashe ca'ai ñaqa'en namayepi.

Jeremías 33:6

Qalaxaye ñataren qome qataq sanem da no'oita, nache so'otec da huetaigui da nlagaxayec qataq da qaica ca ndaqtaique.

Isaías 57:18

Aỹem sauaachigui co'ollaxa da lataxac namayepi qalaxaye Aỹem ñataren qome qataq sanem da nmataxac qataq da lle'emaxa. Aỹem sa'añaqchet qome nam daquicotacpi,

Isaías 44:20

Qaq damaye ỹataqta 'eesa da 'eeta'am da qanallectac ca alo, qaq damaye naigui da qanañanegueta naua nhuennataxaco maye saq'e'n. Qaq ne'ena shiỹaxauapi saishet qome da nca'alec, cha'aye sa ỹaỹaten da na huetaigui na lhuaq aloiguishec, nda'a't da natenataxanaxac.

Jeremías 3:22

Ñaq Aỹem qañe'eguelaqaỹa qami' ñalaqpi maye saqaualaqai, nache Aỹem ñataren da qarataxaqui maye saỹalaq.» «Qomi' souaqtaina'a, 'am she'eguenaqot, cha'aye nache 'am Nataxala' maye Qanatamnaxala'.

Jeremías 17:9

Qaica ca ỹactec da tenataxanaxaic qataq qauemaic da, 'eeta'am añi lquiyaqte ca shiỹaxaua. ¿Qaq negue't ca ishet da ỹaỹaten?

Lucas 19:42

Nache 'eeta': –¡Ỹataqta lta'araic da iyaxa, da nagui qami' qauaỹaañi ca naigui da qoviitaigui da qarlagaxayiqui! Qalaxaye qami' saishet da qauaỹaañi.

Hechos 28:27

Da qarquiyaqteỹaxaqui ỹataqta qaramchigui, qataq saishet da qaua'aqai, qataq sa nauaayiñi naua qara'ai'chilli'. Ỹoqo'oye saishet da huo'o ca qauaỹaañi, qataq saishet da huo'o ca qauloỹa'a, qataq saishet da huo'o ca qaua'aqaỹa. Qataq saishet da aỹem qavi'eguelaqaỹot, da yaqto' Aỹem qami' ñatare'n.›

Proverbios 16:30

Ca naquiaxaalec ana la'aite qache lhuennataxa da ỹo'ot ca qauem, qataq ca inaigui na alac qache mashe ime da ỹo'ot ca qauem.