Mateo 13:14 - La'aqtaqa Ñim Lo'onatac 'Enauacna 2013

¹⁴ Yaqto' ỹataqta ipacchigui co'ollaxa dam ỹa'axat Ñim Lo'onatac 'Enauacna chegoqchigui naqa'en so la'aqtaxanaxanec le'enaxat Isaías co'ollaq, 'eeta': «Ne'ena shiỹaxauapi, na'aictaxa da hua'aqtac, qalaq saishet da ivira da ỹaỹaten; qataq na'aictaxa da demeenaxatac, qalaq 'eeta'am da saishet da nauaañi.

Nuevo Testamento Toba Sur

¹⁴ Qaq de'eda 'eetec namayipi, damayi ÿataqta ipacchigui co'ollaxa da i'axat som l'aqtaxanaxanec ñi Dios l'enaxat Isaías, co'ollaq 'eeta': Qami' ÿoqta da qau'aqaitac, qalaxayi sa ishit da qauaÿajñi ca qai'axat; qami' qanloitauec, qalaxayi sa ishit da huo'o ca qauloÿa'a.

Nuevo Testamento Toba Sombrero Negro

¹⁴ Nach'eda eete' jogaa'me queda'me tachiguilo da'me 'yaĝatetac joca'li ñe'me Dios 'laqataĝanaĝanec Isaías, enaac: «Te'me auomachiiya, qalaĝaja ja auayachiñe, te'me auec'achiñetac, qalaĝaja ja auañiya.

Mateo 13:14 Referans Kwoze

Ezequiel 12:2

«'Am shiỹaxaua, 'am qonetangui na nhuo' le'ecpi maye ỹataqta qauemaicpi. Huo'oi naua la'ai'te, qalaxaye sanauaañi, qataq huo'oi naua ltela lauaco qalaxaye sa hua'aqa, cha'aye ne'ena nhuo' le'ecpi ỹataqta qauemaicpi.

2 Corintios 3:14

Somayepi saishet da ivira da ỹaỹateeteguet. Ỹoqo'oye choche ivitta'a nagui da itaxaỹaxan na lereguishecpi so Moisés, nache saishet da ỹaỹaten. 'Eeta'am da qaỹapotalec da ntoonaxac. Nachaqsota So Cristo da ishet da itaunec da yaqto' ishet da ỹaỹaten.

Lucas 8:10

Nache So Jesús 'enapeco': –Aỹem qami' sa'aqtaxaatema dam saqcha'a lataxac da lo'onataxanaxac Ñim Lo'onatac 'Enauacna. Qalaxaye nam laỹepi shiỹaxauapi, namayepi da sapaxaguen qalaq sauo'o na saloqnaxana. Qaq ỹoqo'oye na'aictaxa da demeenaxatac qalaq 'eeta'am da sanauaañi, qataq na'aictaxa da hua'aqtac, qalaxaye 'eeta'am da saishet da hua'aqa.

Marcos 4:12

Yaqto' na'aictaxa da nlotauec, qalaq saishet da ila'a, qataq da hua'aqtac, qalaq saishet da ỹaỹaten. Nachaqrata da ntouen, nache iỹaxanot Ñim Lo'onatac 'Enauacna da ỹapalaxat na lasouaxashetpi.»

Deuteronómio 29:4

Qalaxaye ivitta'a nagui da Ñim Nataxala', saxanaxa da ỹo'ot da lauattonaxanaxac naua qarquiyaqchilli', qataq saxanaxa da nauaayiñi naqa'en naua qara'ai'chilli', qataq saxanaxa da hua'axai' naua qartelai.

Jeremías 5:21

‹Ñaq qana'axaỹaxañiỹa de'era qami' nhuo' le'ecpi maye qaica ca qarauattonaxanaxaqui, qataq qaica ca qauaỹaañiỹapec, cha'aye huo'oi naua qara'ai'chilli' qalaxaye saishet da qanauañiiñi, qataq huo'oi naua qartelai lauacolli' qalaxaye saishet da qaua'aqai.

Romanos 10:16

Qalaxaye saishet da 'enauac da qaỹaconeguet de'era no'on na'axaỹaxac. Qaq ipacchigui da la'aqtac so Isaías co'ollaq 'eeta': «'Am Nataxala', ¿negue'tom ca ishet da ỹa'amaqten da qara'aqtaxanaxac?»