Mateo 12:7 - La'aqtaqa Ñim Lo'onatac 'Enauacna 2013

⁷ Qami' saishet da qauaỹachiñi cam naiguilo naua ñiyigui'she la'aqtaqa Ñim Lo'onatac 'Enauacna maye, 'eeta': «Aỹem ñeshetaique da qami' qauchoxonnataxañi, qaq saishet da nachera da qaỹa'añiiuo da qaỹavigaxat ca shiguiỹac da qarachetaqtaxanaqche.» Cha'aye da qami' qauaỹaañita de'era, qaq saishettaxa da qauauo'oi ca lasouaxashet cam qaica ca ỹasouaxat.

Nuevo Testamento Toba Sur

⁷ Qaq qami' sa ishit ÿoqta da qauaÿachiñi cam naiguilo naua ñiyigui'shi l'aqtaqa ñi Dios, mayi 'eeta': “Aÿim ñishitaique da qami' qauchoxonnataxañi, qaq sa ishit da nachida da qai'añiiuo da qaÿavigaxat ca shiguiÿac da qadachitaqtaxanaqchi.” Cha'ayi da qami' qauaÿajñiita de'eda, qaq sa ishíttaxa da qauauo'oi ca lasouaxashit cam qaica ca ÿasouaxat.

Nuevo Testamento Toba Sombrero Negro

⁷ Ami auayachiñe ga'me yelo'tegueta naa'me naajo' 'naqataqa: «Jepaquetapega ta'le yataqachiñe ami choĝodenataĝanaĝayaqa, ja naqaeda ta'le auauoyi adajaqajequi jo'ne auequiyoue nale.» Ta'le auayachiñe qama'le ja auachiyalo'te da'me laviyaĝaje't jogaa'me jo'ne ja yauote gamachaqaega ja no'en.

Mateo 12:7 Referans Kwoze

Oseas 6:6

Cha'aye aỹem ñeshetaique da aỹem qauauochec, qaq saishet da nachena nam qarachetaqtaxanaxache da ñeshetaique da aỹem qandoitapegueua'a. Qataq ñeshetaique da aỹem qauauattoñi da aỹem Qanatamnaxala'ai, qaq saishet da choche aỹem qaỹa'añeetacot anam nachetaqtaxanaqte qaỹavigaxatta.

Mateo 9:13

'Onaxaic da qoqui, nache qanpogoxoiñiỹapegue' da qauchemaxache cam ỹoqta 'eetapeguec Ñim Lo'onatac 'Enauacna co'ollaq nasaxauec de'era la'aqtac, 'eeta': «Aỹem ñeshetaique da qami' qauchoxoyiñi na shiỹaxauapi, qaq saishet da nachera da Aỹem qandoiua'a aca qarachetaqtaxanaqche.» Cha'aye Aỹem ñanac da seỹaxana nam 'etaxaloxoicpi, da yaqto' sauo'o ỹapaxaguenatacpi, qaq saishet da nachena nam 'eetega da no'on da lataxac.

Proverbios 17:15

Da choche qaichoxoren ca huo'o ca lasouaxashet qataq da qaỹo'ot ca nhuaxanaguec ca qaica ca ỹasouaxat, qaq ne'enaua dos ỹataqta saishetegueta Ñim Nataxala'.

Hechos 13:27

Saỹatenaq da nam netaña ye nỹecpi ye Jerusalén qataq nam nataxala'pi saishet da ỹauatton se'eso Jesús. Na'aictaxa da 'enauaque naua mataxaqui' da itaxaỹaxaatrac ana lereguishe so na'aqtaxanaxanecpi, qalaxaye ñaqaiyeta saishet da tagui ye lauel da ana'ana nere ỹa'axattac So Jesús. Qaq ỹoqo'oye damaxasoxoolec da qaỹalauat Somaye, qaq sa ỹaỹaten de'era ỹo'ot, damaye ipacchigui da ỹa'axattac co'ollaxa so na'aqtaxanaxanecpi.

Mateo 22:29

Nache So Jesús 'enapeco': –Qami' qausomiỹapec, cha'aye saishet da qauaỹachiñi' naua ñiyigui'she maye nanettaleguete ana nere maye huetalec na la'aqtacpi Ñim Lo'onatac 'Enauacna, qataq da la'añaxac Ñimaye.

Salmos 94:21

nam dataỹa'aguet na shiỹaxauapi maye no'on da lataxac, qataq ỹaneguet da l-leuaxa na qaica ca ỹasouaxat.

Santiago 5:6

Qami' qauasaqailec ca lasouaxashet ca shiỹaxaua maye qaica ca ỹasouaxat qataq qaualauache nam sa ỹañoxot da qami' dataỹa'agueta.

Salmos 109:31

Cha'aye Ñimaye iueelec na choxoraq, da yaqto' nca'alaxateeguesop nam ỹo'ottac da nhuaxanaguec namayepi.

Da na'aqtaguec so Job 32:3

Nataqa'en dalemataỹalo soua tres nauochaxau' so Job, souaxat da sa ỹaỹate'n ca 'eetec da ỹasatreguet somaye, nache choche ỹo'o't da Ñim Lo'onatac 'Enauacna ỹauo'o da nhuaxanaguec somaye.

1 Samuel 15:22

Huaña nache so Samuel, 'enapeco': «Ñim Nataxala' ỹataqta ỹactec da ỹaỹamaxareeta da qaỹalaxaguet, saq 'ena'am da qoỹanot aca nachetaqtaxanaqte qaỹavigaxatta qataq 'onaxaic naqa'en da qaỹalaxalec qataq da qailoolec ca 'enapec Ñimaye saq 'ena'am da qoỹanot aca nachetaqtaxanaqte huo'otaq da qaỹavigaxat na lcheta ca qagueta.

Marcos 12:33

Qataq iuen da sauotaxac Ñimaye, imauec da qarquiyaqteỹaxac, qataq sauotaxac na qarqaỹañicpi, 'eeta'am da 'eetec da qarauotaxanaqtaic da maiche qanachaalataxac. Qaq ne'enaua namaxasoxonaxaco ỹataqta qaica ca 'ena'ama da la'amaqche'c, saq 'ena'am da qaỹalaxaguet nam maiche lapaxañipi na shiỹaxauapi.

Josué 5:5

Qaq nache 'enauac somayepi da mashe huo'o co'ollaxa so la'anaxat na lo'oc, qalaxaye som dalaxaicpi maye ñiguiñi co'ollaq huaña ye toolec 'alhua, huo'otaq som huangui so nqa'aic nache ñaq saxanaxa da qaỹo'ot ca la'anaxat na lo'oc.