Mateo 12:6 - La'aqtaqa Ñim Lo'onatac 'Enauacna 2013

⁶ Qaq Aỹem qami' shenapegalo da huo'o na hueta'a ne'ena, maye ỹataqta napacalec da la'amaqchec acam choche atamnaxaqui.

Nuevo Testamento Toba Sur

⁶ Qaq aÿim qami' shinapegalo da huo'o na hueta'a ne'ena mayi ÿataqta napacalec da l'amaqchic acam chochi n'onaxanaxaqui.

Nuevo Testamento Toba Sombrero Negro

⁶ Chane'eja ami ja'aĝatema queda'me jenjo' 'me jouaqa'te 'uo ñe'me jo'ne yataqachiñe p'ajaye napacalegue ga'me tamenaĝaiqui.

Mateo 12:6 Referans Kwoze

2 Crónicas 6:18

Qalaxaye 'Am Atamnaxala', ¿peta'a 'ausheto' da 'aualectaigui na shiỹaxauapi maye netalec ana 'alhua? Ye na piguem maye ỹataqta qalochiguiñi qalaq saishet da 'am nalo'oguet da 'am nllañi, ¿qaq ca 'eeteco' da 'am nala'aguet da qonetaigui ana'ana atamnaxaqui maye sauotaique da 'arma'?

Malaquías 3:1

Ñim Nataxala' maye Qaica ca Ỹaqalanapec 'enapec: «Mashe huotaique da ñamaq ñim ỹa'aqtaxanaxanec, da yaqto' iqataxanai' cam ñaqa'aic. Ñim Nataxala' maye qanmicheetaique, mashe saqaỹaloq da naỹa añim atamnaxaqui maye lalamaqte. ¡Mashe anacta nam na'aqtaxanaxanec maye ndoi' na aỹamaxataxac maye qanqopicheetaique!»

Colosenses 2:9

So Cristo ỹataqta imauec da lataxac da 'eeta'am Ñim Lo'onatac 'Enauacna,

Isaías 66:1

Ñim Nataxala', 'eeta': «Na piguem nachena na ñeso'ootalec, qaq ana 'alhua qalaq nachana ana ỹapiaxalate. Qaq ¿hua'ague ca qaỹa'añiỹa'ague ca ima' da qano'oxoñiisheguem? Qataq ¿hua'ague ca qaỹa'añiỹaña cam ima' maye ishet da ñemataqa'?

Isaías 66:2

¡Ye Aỹem maiche ỹo'onatac 'enauac nam huo'o, qaq 'era da 'eetec da huo'omshe yo'oq namayepi! Qaq 'era da la'aqtac Ñim Nataxala'. Cam shiỹaxaua maye selotagui nacheca cam choxoraq qataq daquicotac, maye huo'o naq 'eneque naqa'e'n naua ỹa'aqtaqa.

Mateo 12:5

Qataq qami' ¿saishet peta'a da qautaxaỹaxañiỹa'ape naua lamaxasoxonaxaco so Moisés da na ltaxaỹaxanaxanecpi na shiỹaxauapi maye do'onataxaatapoigui aso atamnaxaqui da namayepi saishet da nmatec ye na'a'q mataxaqui, qalaq ñaqaiyeta saishet da huo'o ca lasouaxashet?