Mateo 12:5 - La'aqtaqa Ñim Lo'onatac 'Enauacna 2013

⁵ Qataq qami' ¿saishet peta'a da qautaxaỹaxañiỹa'ape naua lamaxasoxonaxaco so Moisés da na ltaxaỹaxanaxanecpi na shiỹaxauapi maye do'onataxaatapoigui aso atamnaxaqui da namayepi saishet da nmatec ye na'a'q mataxaqui, qalaq ñaqaiyeta saishet da huo'o ca lasouaxashet?

Nuevo Testamento Toba Sur

⁵ Qataq qami' ¿sa ishit peta'a da qautaxaÿaxañiÿa'pe naua lqataxaco so Moisés da na ltaxaÿaxanaxanecpi na shiÿaxauapi da qaitaxaÿapegue' ñi Dios mayi do'onataxaatapoigui aso n'onaxanaxaqui da namayipi sa ishit da nmateec yi na'a'q mataxaqui, qalaq ñaqyita sa ishit da huo'o ca lasouaxashit?

Nuevo Testamento Toba Sombrero Negro

⁵ Uotaĝa ¿qo'li ja auec'achiñe' jodaa'me namaĝajoĝonaĝaco jo'ne chiyoqodo'ot ñe'me Moisés ca'li, queda'me ja yauote loe'j gaa'me tamenaĝaiqui lo'olpi nale uetedaue ga'me, mate mane'e ja 'nomatedegue di'me nolo' jo'ne niyamaqatac?

Mateo 12:5 Referans Kwoze

Nehemías 13:17

Qaq huaña nache seviraxato'ot so nataxala'pi ye Judá, sheeta': Qami' ỹataqta sa ỹaỹamaxañi da qauo'ocheetac, cha'aye qaica ca 'enec qanqa'eñi ye na'a'q mataxaqui.

Ezequiel 24:21

'aua'aqtaxanem qome na Israel le'ecpi, qoneta': 'Era da la'aqtac Ñim Nataxala': Aỹem seshepaxanaqchet qome añi ỹalamaqte atamnaxaqui, maye qarqopichiỹa naxa da qaualleetaua'a, qataq qarauotaqche, qataq ỹo'ot da qaño'oxonnaxaqui qataq qara'añaxaqui, qaq yem qaỹa'alquipi ỹalleppi, qataq 'alpi maye qano'onaxachiỹaña co'ollaxa ye Jerusalén, qalaq qaỹalauat qome qairolec ca ỹeelonec.

Levítico 24:8

Qaq acamayepi, nache 'enauaque qome naua na'axa'te maye mataxaqui' da ca ntaxaỹaxanaxanec iroua'a ye pa'auo ye lanataqa' Ñim Nataxala'. Qaq aca'aca nauolepi, nache naigui naua doce llalqa so Israel, qaq 'era da nache 'eetai' qome da lataxac acamayepi.

Mateo 12:4

Nache soomaye pa'aroigui so lma' Ñim Lo'onatac 'Enauacna, nache che'c soua nauole maye qoỹanot Ñim Lo'onatac 'Enauacna. Asom saishet da huo'o ca qaỹashenem da chec da huo'otaq 'eeta'ama soomaye. Nachaqnata nam ltaxaỹaxanaxanecpi na shiỹaxauapi da qaitaxaỹapegue' Ñim Lo'onatac 'Enauacna ishet da chec.

Mateo 12:6

Qaq Aỹem qami' shenapegalo da huo'o na hueta'a ne'ena, maye ỹataqta napacalec da la'amaqchec acam choche atamnaxaqui.