Mateo 12:46 - La'aqtaqa Ñim Lo'onatac 'Enauacna 2013

⁴⁶ Qaq So Jesús ñaq na'aqtaxaatague' se'eso shiỹaxauapi co'ollaq nvireua'a ca hueta'a Somaye aso late'e qataq soua lqaỹa't, qaq soomaye pa'atraue'c, qaq huotraique da detaxairapegue' Somaye.

Nuevo Testamento Toba Sur

⁴⁶ Qaq so Jesús ña detaqtapoigui se'eso shiÿaxauapi, co'ollaq nvideuo aso late'e qataq soua lqaÿa't. Qaq soomayi pa'atrauec, qaq nshitraique da detaxaidapegue' somayi.

Nuevo Testamento Toba Sombrero Negro

⁴⁶ Ca'li Jesús maliaĝa t'aqataĝatapema joga'me jiyaĝadipi, jañe'me lat'e nataq'aen lanoqolqa ueteda'a ga'me p'aye jetaque dojedapegue' joñe'me,

Mateo 12:46 Referans Kwoze

Mateo 13:55

«Damaye nachera da llalec so José maye qo'oipaq lo'o, qataq aso late'e le'enaxat María, damaye nache lqaỹa't soua Santiago, José, Simón qataq so Judas.

Juan 2:12

Qaq co'ollaq ime de'era, nache So Jesús taỹa ye nỹecpi ye Cafarnaúm, lỹatac aso late'e, nataqa'en soua lqaỹa't qataq soua lapaxaguenataqa. Nache ỹataqta huo'oi soua na'axa'te da hueta'a yemaye.

Juan 7:5

Qaq la'aqta'c de'era soomaye, cha'aye nataqa'en saishet da huotaique da ỹa'amaqte'n So Jesús.

Juan 7:3

Qaq ỹoqo'oye soua maiche lqaỹa't 'eetegalo Somaye, 'eetra': –Saishet da qoueta'a ne'ena. No'on da 'anqo'ona ye 'alhua Judea, yaqto' na 'am quetague'pi maye hueta'a yemaye, ishet nataqa'en da ỹauaachigui na lta'araic 'auo'otpi.

Hechos 1:14

Qaq 'enauaque soomaye nache 'eetai' da lapoota'a't da nqouagaxaueeta'ape, ỹalectra'agueta aso late'e So Jesús, qataq soua lqaỹa't, qataq so laỹepi 'alpi.

Marcos 6:3

¿Sa nachero' peta'a da qo'oipaq lo'o, maye llalec aso María qataq lqaỹa so Santiago, José, Judas qataq so Simón? Qataq ¿saq hueta'a peta'a nam souaqta'a soua lqaỹa't 'alol? Nache So Jesús sa ỹaỹaten naqa'en ca 'eetec somayepi.

Gálatas 1:19

Nataqa'en ñauane' so lỹa namaxashec Santiago, som lalamaxat lqaỹa So Qarataxala' Jesús. Qaq so laỹepi namaxashecpi, qalaq qaica ca ñauane'.

1 Corintios 9:5

Qataq nataqa'en ishet da ñenaigaqtague' aca qarhua de'era qoyecỹaxac, 'eeta'am da 'eetec na laỹepi lamaxashecpi So Qarataxala' Jesús, qataq soua lalamaqa'ate lqaỹa't, nataqa'en so Pedro.

Juan 7:10

Qalaxaye co'ollaq mashe ỹoxoguelo soua maiche lqaỹa't, nache So Jesús nataqa'en nqo'oneua'a se'eso naponaxac. Qalaxaye Somaye saishet da huo'o ca da'aqtaxanem.

Lucas 2:48

Nache soua lta'al ỹataqta huo'o da le'elqa' co'ollaxa iloraua'a Somaye, nache aso late'e 'enapego' Somaye, 'eeta': –'Am ỹalcolec, ¿ta'ainco' ye qomi' 'auo'oteque de'era? Da 'arta'a qataq aỹem ỹataqta lta'araic da qarhuogoxo da 'am ñimitaqtaique.

Lucas 8:10

Nache So Jesús 'enapeco': –Aỹem qami' sa'aqtaxaatema dam saqcha'a lataxac da lo'onataxanaxac Ñim Lo'onatac 'Enauacna. Qalaxaye nam laỹepi shiỹaxauapi, namayepi da sapaxaguen qalaq sauo'o na saloqnaxana. Qaq ỹoqo'oye na'aictaxa da demeenaxatac qalaq 'eeta'am da sanauaañi, qataq na'aictaxa da hua'aqtac, qalaxaye 'eeta'am da saishet da hua'aqa.

Marcos 2:21

Da huo'otaq huo'o aca togoshe npoto da huo'otaq colaqa'ague, nache saishet da qaỹapannaxana ca dalaxaicolec. Cha'aye da qaiỹo aca npoto, nache cam lapannaxat maye dalaxaicolec ỹe'eguena't, nache ishet da icolaxata'ague aca npoto ltoxoic. Huaña, nache nquigaxatec ca ltoxo.

Juan 2:5

Qalaxaye asomaye 'enapega som huetapecpi, 'eeta': –Qauo'oche qome 'enauac cam 'enapec Damaye.

Lucas 2:33

Nache so José qataq aso María ỹataqta huo'o da la'aalaqa' nam hua'aqchiyigui la'aqtacpi so Simeón co'ollaq detaqtapeguelec so nogotolec.

Juan 2:1

Qaq co'ollaq mashe inoxoore'c soua tres na'axa'te, nache huo'o so naronaxac huaña ye Caná huaigui ye 'alhua le'enaxat Galilea. Qaq aso late'e So Jesús nache hueta'a yemaye.

Lucas 2:51

Nache So Jesús ỹe'eguelaq nnaicapegueto soua lta'al da ỹe'eguelaxaregue da Nazaret, qataq ỹataqta ỹalaxagueta soomaye. Qaq aso late'e ỹataqta deuennataxaateguelec 'enauac de'era huaiguilo soomaye.

Mateo 2:20

«Qoñisheguem, nache 'arỹa ye nogotolec, qataq nataqa'en aye late'e. Ime, nache 'avi'eguelaxa ye na'alhua na Israel le'ecpi, cha'aye mashe 'enauac da ileu yem huotaique da ỹalauat ye nogotolec.»

Mateo 2:11

Qaq co'ollaq inoxooroigui so nỹec, nache ilora'a so nogotolec qataq aso late'e María. Ime, nache ỹa'alyiñi naua l-llectel, nache ỹo'oxoreetrac. Ime, nache ỹauanguilo soua lachoxonaxaqui', nache ỹachete'c na chegaqaigui na oro, qataq na nchenaxanaxat maye ama na laita, qataq na lcha'q ana qo'oipaq le'enaxat mirra.

Mateo 1:18

Da lañoxoc So Jesús 'eeta': Aso late'e María co'ollaq mashe detaxaỹapegue' so José da huotaique da lhua. Qaq co'ollaq saxanaxa da huarona't, nache asomaye mashe hualaxai, chegoqchigui da la'añaxac So Saqcha'a Na'añaxac Qui'itta.

Juan 19:25

Qaq se'eso npe'enaxaqui So Jesús, nache saqaỹapeque ca huetaua'a aso late'e, qataq aso lỹa María maye lhua so Cleofas asom lasoro So Jesús, qataq aso María maye lma' ye Magdala.

Lucas 1:43

Qaq ¿negue't aỹem da aỹem 'anamaqtega, 'am maye 'am late'e Ñim Ỹataxala'?

Mateo 12:47

Nache huo'o so icoyeguen So Jesús, 'eeta': –Ara 'arate'e qataq daua 'arqaỹa't daamaye pa'atraue'c. Qaq huotraique da 'am detaxairapegue'.

Lucas 2:34

Nache so Simeón ỹan da no'on la'aqtac. Ime, nache 'enapega aso María asom late'e So Jesús, 'eeta': –Ñim Lo'onatac 'Enauacna namaq ne'ena nogotolec da yaqto' qalota na nca'alec na Israel le'ecpi, qaq ca laỹepi na Israel le'ecpi qalaq huo'o ca nhuaxanaguec. Ñim Lo'onatac 'Enauacna namaq namaye da yaqto' qaỹaỹateeteguet da 'eetapeguec Ñimaye, qalaxaye qalota qome na dataỹa'aguet.