Mateo 12:44 - La'aqtaqa Ñim Lo'onatac 'Enauacna 2013

⁴⁴ Qaq da saishet da ỹanata cam lanataqa' nache deuennataxan, 'eeta': «Aỹem no'on da she'eguelaxa ñi ima' maye sachegoqtoigui caillaye, nache qaltaq sonaigui ñimaye.» Qaq da ñe'eguelaxa, nache ilalec da qui'itchigui, qui'itta qataq qaỹaỹamaxatta.

Nuevo Testamento Toba Sur

⁴⁴ “Aÿim no'on da shi'iguelaxa ñi ima' mayi sachigoqtoigui caillayi.” Qaq da ivita da ñi'iguelaxa se'eso shiÿaxaua, nachi ilalec da 'eeta'am ca noÿic mayi qaica ca netaigui, qaiquelocta qataq qaÿaÿamaxatta.

Nuevo Testamento Toba Sombrero Negro

⁴⁴ «Ji'iyelaĝague di'me 'yachaqa' 'me jachiyaqa'ña quelqaya.» Qom 'viyelaĝa qama'le yauana ga'me jiyaĝaua queda'me ena'am ga'me emec qom qaya'te netaue, qoyepolequeta't nataq'aen qoyiyamaĝateta't.

Mateo 12:44 Referans Kwoze

1 Juan 4:4

Qami' ỹalqolqa, qami' lalamaqa'ate Ñim Lo'onatac 'Enauacna qaq mashe sogote da qoroxoñiqui ne'ena tenataxanaxaicpi maye 'eetega da la'aqtaxanaxanecpi Ñim Lo'onatac 'Enauacna, cha'aye Ñimaye nache 'eetai' da qami' hueta'agueta, qataq ỹactec da la'añaxac, napacalec da la'añaxac so npa'aguenaxaua.

1 Juan 2:19

Ne'ena ipa'agueetacpi So Cristo qomi' ỹalectaiguilo naxa da llaponaqta'a't, qalaxaye ỹoqta 'eesa da namayepi saishet da qaraỹepi. Cha'ayectaxa da ỹoqta 'eesa da maiche qaraỹepi, nache saishettaxa da qomi' ca'aisalo. Qalaxaye namayepi nỹotec da yaqto' ỹoqta ỹachaxan da saishet da 'enauac naxa nam salegaqta'aguet da ỹoqta qaraỹepi.

1 Corintios 11:19

Qaq damaye iuen da nache 'eetec, yaqto' yo'oq na ỹoqta 'eesa da ca'attague' So Cristo.

Efesios 2:2

Qataq souaxat da qoquiitague' da qauem lataxac maye ỹo'ottac na shiỹaxauapi maye huetalec ana 'alhua. Qataq qauo'ocheetac na 'eetapeguecsat som saqcha'a maye damaxasoxonapec som ilotague' nam qauem saq cha'api na'añaxacpi qataq maiche ỹoiqueetac nam saishet da ỹalaxaguet Ñim Lo'onatac 'Enauacna.

Juan 13:27

Qaq co'ollaq lcopa'a da ỹaconeguet so laỹe aso nauole so Judas, nache so pa'aguenataxanaxaic taigui da lquiyaqteỹaxac somaye. Nache So Jesús 'enapego', 'eeta': –'Am Judas, 'auỹalapegue' dam huotaique da 'auo'ot.

Juan 13:2

Qaq so pa'aguenataxanaxaic mashe sogote da ỹachaigui da lquiyaqteỹaxac so Judas Iscariote, da lhuennataxac da yaqto' ỹaneuo So Jesús. Qaq So Jesús, Somaye ỹaỹateeta da chegoqtot Ñim Lo'onatac 'Enauacna, qataq ỹaỹateeta da ỹe'eguelaxa Ñimaye, qataq da Ñim Lta'a ỹanem Somaye 'enauac da la'añaxac. Nache co'ollaq mashe deque'etacpi somayepi, nache So Jesús nachaañi, nache nqat so lapo', qataq nsaachigui so pilotaxat hualoq laỹe.

Juan 12:6

Qaq so Judas saishet da 'enapec de'era, da souaxat da huo'otaq ichoxoreetac na choxoraqpi, cha'aye somaye choche cachaxaic. Qataq nacheso som ilotague' aso nme anom So Jesús qataq soua lapaxaguenataqa, qalaxaye somaye decachetega naxa anamaye.

Mateo 12:29

Cha'aye da huo'o ca huotaique da decachigui ca lma' ca ỹale maye 'añaxaic, nache iuen da hua'auñi da icoñerai' camaye. Ime, nache ishet da decachiỹa 'enauac na logoxot camaye.

Oseas 7:6

Qaq da lquiyaqteỹaxac somayepi da deque'elaqtaxan, qalaq 'eeta'am aca nqatelaxanaxaqui da 'eroigui, qataq na'aictaxa da palom da do'ocheta so nqatelaxanaxaqui lo'o, qalaxaye ye nte'eta qalaq ñaq 'eetalec da 'ettaigui aso nqatelaxanaxaqui.

Mateo 12:43

Ca saqcha'a na'añaxac leguemaxaic da ivita da huo'o ca ca'ai shiỹaxaua, nache jec, coleetapeguelec ca toolec 'alhua nmittaique ca nmataqa'.

Mateo 12:45

Ime, nache ỹe'eguelaqtec da ỹe'eguena'alo soua lỹa't siete saqcha'a na'añaxac leguemaxaiqa maye ỹataqta napacaleguete somaye, nache taigui que'eca shiỹaxaua. ¡Huaña, nache que'eca shiỹaxaua ỹataqta ỹactec da aloic, saq 'ena'am so hua'auchiguiñi co'ollaq 'oonolec so netaigui saqcha'a na'añaxac leguemaxaic! Qaq 'era da 'eetec nataqa'en qome ca qaviyeeguet, cha'aye qami' qauemaiqa.

Lucas 11:25

Qaq da ivireua'a, nache ilalec da qui'itta qataq qaỹaỹamaxatchiguiñi.