Mateo 12:41 - La'aqtaqa Ñim Lo'onatac 'Enauacna 2013

⁴¹ Qaq qom ivita da qanmit 'enauacna, nache so shiỹaxauapi maye lma' ye nỹecpi ye Nínive nachaañi qome da detaqa da qami' dataỹa'agueta, yaqto' Ñim Lo'onatac 'Enauacna ỹauo'o ca qanhuaxanaguiiqui. Cha'aye se'eso shiỹaxauapi naralaxat da lataxac co'ollaq hua'axaỹa da la'aqtaxanaxac so Jonás. Qalaxaye qami' na'aictaxa da qaua'aqaitega da ỹa'aqtaxanaxac, qalaxaye saishet da qanaralaxache da qarataxaqui, na'aictaxa da ỹactec da ỹa'amaqchec saq shena'am so Jonás.

Nuevo Testamento Toba Sur

⁴¹ Qaq ÿoqo'oyi som shiÿaxauapi mayi lma' co'ollaxa yi la ciudad Nínive, somayipi qome nachajñi que'eca na'a'q qom qanmit 'enauac ne'ena shiÿaxauapi, nachi ÿauo'o ca lasouaxashit namayipi. Cha'ayi som lma' yi Nínive ÿaxaadeec co'ollaxa naua n'onataxaco, co'ollaq i'axatem da l'aqtac ñi Dios som l'aqtaxanaxanec l'enaxat Jonás. Qaq nagui mashi qami' huetaiguilo nam ÿataqta napacalec som Jonás.

Nuevo Testamento Toba Sombrero Negro

⁴¹ Joga'me Nínive laje'pi ñedijeguem qomle 'uo da'me nec'atenaĝanaĝac qama'le qoyamaĝaue da'me ne'uaĝanague'j jenjo' jiyaĝadipi qom nach'e ena'am qonemi't; qa'a gaa'me Nínive laje'pi 'viyelaĝadetot ñe'me Dios ca'li domachita da'me Jonás 'laqataĝanaĝac, qama'le da'me joue'tena ñapacalegue ga'me Jonás di'yoĝom ca'li.

Mateo 12:41 Referans Kwoze

Mateo 12:42

Aso nate'e maye neta'ague da taguiñi nataqa'en nachaañi qome da detaqa da qami' dataỹa'agueta. Cha'aye asomaye chegoqta'a co'ollaxa yem ỹataqta qaỹoqta 'alhua da na'axaỹaxana dam laỹaanec so nta'a Salomón. Qalaxaye qami' saishet da qauaỹamaxayiñi da qana'axaỹaxañiỹa da ỹapaxaguenataxanaxac, na'aictaxa da ñapacalec da la'amaqchec so Salomón.

Hebreos 11:7

So Noé huo'o da lpi'iỹaxac co'ollaxa Ñim Lo'onatac 'Enauacna, qaq ỹoqo'oye Ñimaye da'aqtaxanem co'ollaxa cam saxanaxa da yo'oq, nache somaye ỹalaq qataq ỹa'ara't aso nnotaxaqui late'erai maye quiguingui na 'etaxat, da yaqto' ishet da nca'alec so llalaqpi. Qaq souaxat da so Noé huo'o da lpi'iỹaxac Ñim Lo'onatac 'Enauacna, nache somaye ỹaconeguet da lqouagaxanaqtaic Ñimaye maye ỹami' cam ỹa'amaqten Ñimaye. Nataqa'en chegoqchigui da lpi'iỹaxac Ñim Lo'onatac 'Enauacna so Noé da ỹo'oteguet na shiỹaxauapi maye huetalec ana 'alhua da qaỹauo'o ca nhuaxanaguec.

Romanos 2:27

Qaq ỹoqo'oye cam ỹalaxaguet na nqataxacpi, nacheca ca qami' nmi't qome, na'aictaxa da qaica ca na'anaxashet na lo'oc. Cha'aye qami' na'aictaxa da huo'o na qana'anaxache qataq qami' hueto'oto na nqataxacpi, qalaxaye sa ỹauano' da qaualaqailec.

Juan 3:31

Qalaxaye cam chegaqa'ague da piguem, camaye nataỹaña 'enauacna, qaq cam huetalec ana 'alhua camaye 'alhua le'ec, nache ipacchigui da ỹa'axattac nam huetalec ana 'alhua, qalaxaye cam chegaqa'ague da piguem camaye nataỹaña 'enauacna,

Mateo 12:6

Qaq Aỹem qami' shenapegalo da huo'o na hueta'a ne'ena, maye ỹataqta napacalec da la'amaqchec acam choche atamnaxaqui.

Jonás 1:2

«'Aue, 'anqo'ona qome ye 'amaqtaqaic huaqta'a't nỹecpi ye Nínive, nache 'aua'aqtaxanem da ỹataqta aỹem iviro'ot nam qauemsat maye ỹo'ottac yemayepi.»

Jeremías 3:11

Qaq Ñim Nataxala' aỹem 'enapega 'eeta': «Añi qauemai Israel añimaye saq 'amaqtaq da lasouaxashet, qaq saq 'ena'am añim saỹalaq Judá.

Juan 4:12

Som hua'au qarta'a Jacob co'ollaxa qomi' no'onaxata'agueta ana'ana lli'illoxoqui. Anamaye, nachana co'ollaxa ana nỹomtapigui qataq soua llalqa, qataq som na'atetpi. Qaq ¿'am peta'a 'anapacaleco' somaxa?

Lucas 11:32

Que'eca pa'atec na'a'q qom qanmit 'enauacna, nache nataqa'en so shiỹaxauapi lma' ye Nínive, nachaañi qome da qami' dataỹa'agueta. Cha'aye se'eso shiỹaxauapi naralaxat da lataxac co'ollaq hua'axaỹa da la'aqtaxanaxac so Jonás. Qalaxaye qami' qaua'aqaitega da itaxaỹaxac, qalaq saishet da qanaralaxache da qarataxaqui, na'aictaxa da ñapacalec da la'amaqchec so Jonás.» So Jesús nataqa'en 'enapeco':

Mateo 23:36

Qaq ỹataqta 'eesa de'era qami' sa'axatema da 'enauac da qoñiita qaỹauo'o qome ca qanhuaxanaguiiqui souaxat de'era.

Mateo 17:17

Nache So Jesús 'enapeco': –Qami' ỹataqta saishet da qauaỹachiñi ca qoñiitec qataq saishet da huo'o ca qarpi'iỹaxaqui Ñim Lo'onatac 'Enauacna. ¿Peta'a ỹapacteco' da sa qauañoxoche da huo'o ca qauo'oche da saishet da qami' soota'agueta? ¿Cam laguio' nache ishet da qauaỹaanataxañi? ¡Ña qanaviquicna'a da nsoq!

Mateo 16:4

Qami' qauỹaxañiitaique ca na'anec, cha'aye qami' qauemaiqa qataq saishet da qauauoitaique da qaua'amqaanataxañi. Qalaxaye saishet da qami' qoỹanema ca na'anec, nachaqrata dam huaigui co'ollaxa so na'aqtaxanaxanec Jonás. –Qaq co'ollaxa ime da nasaxauec de'era So Jesús, nache ca'ai somayepi.

Mateo 12:45

Ime, nache ỹe'eguelaqtec da ỹe'eguena'alo soua lỹa't siete saqcha'a na'añaxac leguemaxaiqa maye ỹataqta napacaleguete somaye, nache taigui que'eca shiỹaxaua. ¡Huaña, nache que'eca shiỹaxaua ỹataqta ỹactec da aloic, saq 'ena'am so hua'auchiguiñi co'ollaq 'oonolec so netaigui saqcha'a na'añaxac leguemaxaic! Qaq 'era da 'eetec nataqa'en qome ca qaviyeeguet, cha'aye qami' qauemaiqa.

Mateo 12:39

Nache So Jesús 'enapeco': –Qami' maye qami' qauemaiqa, qataq saishet da qaua'amaqchiñi Ñim Lo'onatac 'Enauacna, Aỹem qauỹaxañiitacot da qami' sanema ca la'anaxat da Aỹem Lamaxashec Ñim Lo'onatac 'Enauacna. Qalaxaye nachaqrata dam qami' sanema dam huaigui co'ollaxa so la'aqtaxanaxanec Ñim Lo'onatac 'Enauacna, le'enaxat Jonás:

Isaías 54:17

qalaxaye qaica co'ollaxa ca ỹo'ot ca no'ogoxonaxat maye ishet da 'am ilaxachigui. Qaq 'am 'auo'otec qome da chochaq ñe'emaxat nam 'eetega huo'o ca 'arasouaxashet. Qaq 'era da sanem, nam Aỹem ỹo'oxoreetac, dam lca'alaxa namayepi aỹem chegoqo'ot qome.» Qaq 'era da la'aqtac Ñim Nataxala'.

Jonás 3:4

Nache so Jonás, inoxoneua'a se'eso huaqta'a't nỹecpi, nache imauec so 'oonolec na'a'q da queuotapigui da da'aqtaxaatac, 'eeta': «Qom ivildec naua cuarenta na'axa'te, nache nam Nínive qailaxachigui qome.»