Mateo 12:40 - La'aqtaqa Ñim Lo'onatac 'Enauacna 2013

⁴⁰ Cha'aye de'era 'eetec so Jonás co'ollaq ivi' naua tres na'axa'te qataq tres pe' da huetaigui na lauel aso late'e na nỹaq, qaq nachera qome da 'eetec nataqa'en Aỹem Shiỹaxaua Llalec da ivi' caua tres na'axa'te qataq tres pe' da sootaigui ana 'alhua.

Nuevo Testamento Toba Sur

⁴⁰ Cha'ayi de'eda 'eetec so Jonás co'ollaq ivi' naua tres na'axa'te qataq tres pe' da huetaigui na lauel aso late'e na nÿaq, qaq nachida qome da 'eetec nataq'en na shiÿaxaua llalec da ivi' caua tres na'axa'te qataq tres pe' da huetaigui ana 'alhua.

Nuevo Testamento Toba Sombrero Negro

⁴⁰ Qa'a naq'aeta ca'li Jonás uetaue ga'me niyaq tres gaa'me noloqo'ote nataq'aen tres gaa'me pi'yaĝadi qama'le jayem jo'ne yataqachiñe Jiyaĝaua Lec'oĝot jena'am qomle jouetaue jena'me aleua nalo'taguet tres gaa'me noloqo'ote nataq'aen tres gaa'me pi'yaĝadi.

Mateo 12:40 Referans Kwoze

Jonás 1:17

Qalaxaye Ñim Nataxala', mashe ỹaqataxaatai' co'ollaxa aso nỹaq late'e da yaqto' iuoxonañi naqa'en so Jonás. Nache so Jonás ivi' soua tres na'axa'te qataq soua tres pe' da huetaigui na lauel asomaye.

Juan 2:19

Nache So Jesús 'enapeco': –Qomye qanlaxachiiñi ana no'onaxanaxaqui late'erai, nache Aỹem qaltaq ño'oxoosheguem qome; tres na'axa'te, nache qaltaq semat.

Mateo 17:23

Nache Aỹem ỹalauat, qalaxaye Aỹem Shiỹaxaua Llalec qom inoxoore'c caua tres na'axa'te, nache qaltaq ñeca'alec.» Qaq co'ollaq hua'aqchigui de'era soua lapaxaguenataqa, nache ỹataqta daquicote'.

Mateo 27:40

Nache qoỹeetega qoỹeeta': «'Am maye qonetega co'ollaxa da ishet da 'aulaxachigui añi no'onaxanaxaqui late'erai, qaq da 'ano'oxoosheguem, nache tres na'axa'te, nache qaltaq 'aumat. ¡Qaq nagui da 'eesa da lta'araic da 'ara'añaxac, nache maiche 'anca'alaxaala't! ¡Qataq da ỹoqta 'eesa da 'am Llalec Ñim Lo'onatac 'Enauacna, qaq 'aunoteeguesop qome na 'am qaiuaxaata'aguet!»

Mateo 16:21

Qaq huaña, nache So Jesús ỹataqta da'aqtaxaatema soua lapaxaguenataqa dam taỹa'a da ivireguet, 'eeta': «Aỹem iuen da saigue da Jerusalén. Qaq huaña qome yemaye, nache na nqueroxonecpi maye nataxala'pi qataq na lataxala'pi na ltaxaỹaxanaxanecpi na shiỹaxauapi da qaitaxaỹapegue' Ñim Lo'onatac 'Enauacna, qataq nam dapaxaguenataxaatapeguec na namaxasoxonaxacpi maye chegoqo'ot so Moisés, namayepi ỹataqta qalota qome naqa'en da ñeque'eenaxac, qataq Aỹem ỹalauat. Qalaxaye qom mashe inoxoore'c caua tres na'axa'te, nache qaltaq ñeca'alec.»

Salmos 63:9

Qaq nam ỹauotaique da aỹem ỹalauat qalaq huañi qome, nache taigui na pa'aguiñi na 'alhua.

Mateo 8:20

Nache So Jesús 'enapeco': –Anam huaxaỹaxapi huo'o na lauacpi, qataq nam maỹopi huo'o na lpata'cpi, qalaxaye Aỹem Shiỹaxaua Llalec, saishet da huo'o ca ỹalamaxat ima' da ñematec.

2 Reyes 14:25

Qaq so Jeroboán, qaltaq ỹe'eguelaxa co'ollaxa da ỹaỹamaxaañi, som loga'tpi yem 'alhua ye Israel, chegoqchiguiña som ñegueuo ye Jamat, nache ivitta'a aso auaxai Arabá, qaq nache ipacchigui da la'aqtac Ñim Nataxala' maye ỹa'axat co'ollaxa so lamaxashec Jonás, maye llalec so Amitay, som na'aqtaxanaxanec maye lma' ye Gat Jéfer.

Mateo 12:8

Cha'aye Aỹem Shiỹaxaua Llalec, maiche Aỹem chegoqtot cam ishet da qaỹo'ot ye na'a'q mataxaqui, qataq cam saishet da qaỹo'ot.

Mateo 28:6

Qaq Somaye saishet da hueta'a ne'ena. Cha'aye mashe qaltaq nca'alec, ipacchigui co'ollaxa da 'enapec. Qalaxaye qauanaqui ña qaumiiñi nam qaỹachaña co'ollaxa so lo'ocỹaxac.