Mateo 12:4 - La'aqtaqa Ñim Lo'onatac 'Enauacna 2013

⁴ Nache soomaye pa'aroigui so lma' Ñim Lo'onatac 'Enauacna, nache che'c soua nauole maye qoỹanot Ñim Lo'onatac 'Enauacna. Asom saishet da huo'o ca qaỹashenem da chec da huo'otaq 'eeta'ama soomaye. Nachaqnata nam ltaxaỹaxanaxanecpi na shiỹaxauapi da qaitaxaỹapegue' Ñim Lo'onatac 'Enauacna ishet da chec.

Nuevo Testamento Toba Sur

⁴ Nachi somayi huenoxonoigui so lma' ñi Dios, nachi chic aso panpi mayi qoÿanot ñi Dios, asom sa ishit da huo'o ca qaÿashinem da chic, da huo'otaq 'eeta'am somayi, huo'otaq soua lÿa't, chaqnata nam ltaxaÿaxanaxanecpi na shiÿaxauapi da qaitaxaÿapegue' ñi Dios.

Nuevo Testamento Toba Sombrero Negro

⁴ Qa'a taue ga'me Dios 'lemec qama'le yali'j gaa'me pan jo'ne joote ja qoyen 'te 'nalo'te da'me qoyanema joñe'me Dios, ja qoyejeta ta'le yali'j ñe'me nataq'aen jogaa'me naequetedapegue' dite da'me nach'egauate' joga'me tamenaĝaiqui lo'olpi qoyaje'tema.

Mateo 12:4 Referans Kwoze

Éxodo 25:30

Qataq nache 'eetai' qome da qaỹachetalec que'eca nquia'axala' aca nauolepi 'ayiiña maye Aỹem qoỹanot.»

Levítico 8:31

Qaq co'ollaq ime, nache so Moisés 'enapego' so Aarón qataq soua llalqa, 'eeta': «Da ivita da qaỹa'añiiuaq ca lapat maye qaralamaxache, nache huaña ye ñegueuo ñi npe'l, qataq nache huaña yemaye da qollequi camaye, qataq aca nauole maye huetangui aca npaqtole da ivita da huo'o ca qoỹanagui da lo'onataxanaxac, qataq nache ipacchigui da la'aqtac Ñim Nataxala' co'ollaq 'eeta': ‹So Aarón qataq soua llalqa, nache aloq qome ne'ena lapat qataq ana nauole.›

1 Samuel 21:4

Nache so ntaxaỹaxanaxanec 'enapeco': Qaica cam aỹem hueto'ot nallec, nacheyeuate' yeua nauole 'ayiiña maye saqaisheta'ape, qalaxaye ca 'analleppi da saishet co'ollaxa da hue'eguet aca 'alo, nache ishet da 'am sanema.

1 Samuel 21:6

Nache so ntaxaỹaxanaxanec ỹanem so David aso nauolepi 'ayiiña maye saqaishetapec, cha'aye qaca aca lỹa nauole nachaqasota asom qoỹanot co'ollaxa Ñim Nataxala' maye cheta'ague da qanqatec se'eso na'a'q da yaqto' nmeneguet aso dapaqtai'.

Mateo 12:3

Nache Somaye 'enapeco': –¿Saisheto' peta'a da qautaxaỹaxañiỹapec da 'eetec so David co'ollaq huo'o so na'a'q somaye qataq soua lỹata'ape co'ollaq ỹataqta ỹaguec na lqouaqa'?

Mateo 12:5

Qataq qami' ¿saishet peta'a da qautaxaỹaxañiỹa'ape naua lamaxasoxonaxaco so Moisés da na ltaxaỹaxanaxanecpi na shiỹaxauapi maye do'onataxaatapoigui aso atamnaxaqui da namayepi saishet da nmatec ye na'a'q mataxaqui, qalaq ñaqaiyeta saishet da huo'o ca lasouaxashet?

Lucas 6:4

Nache so David pa'aigui so lma' Ñim Lo'onatac 'Enauacna, nache ỹacona aso nauole maye sa qaishetapec, qataq nda'a't ca ntaxaỹaxanaxanec da qaỹasheetem asomaye da chec, qalaxaye, nache 'ena'am chec somaye qataq nataqa'en soua nnaictagueto.

Hebreos 9:2

Som npe'l maye qaỹo'ot co'ollaxa da huaña da qaỹo'oxoren Ñim Lo'onatac 'Enauacna, 'eeta' da lataxac: so hua'auchiguiñi ndaqa', le'enaxat ndaqa' qui'itta somaye hueta'a aso ncoỹaraxanaxaqui qataq so nquia'axala' maye huetaleguete soua nauolel 'ayiiña maye qaiỹotaugalo da lalamaqtel Ñim Lo'onatac 'Enauacna.