Mateo 12:39 - La'aqtaqa Ñim Lo'onatac 'Enauacna 2013

³⁹ Nache So Jesús 'enapeco': –Qami' maye qami' qauemaiqa, qataq saishet da qaua'amaqchiñi Ñim Lo'onatac 'Enauacna, Aỹem qauỹaxañiitacot da qami' sanema ca la'anaxat da Aỹem Lamaxashec Ñim Lo'onatac 'Enauacna. Qalaxaye nachaqrata dam qami' sanema dam huaigui co'ollaxa so la'aqtaxanaxanec Ñim Lo'onatac 'Enauacna, le'enaxat Jonás:

Nuevo Testamento Toba Sur

³⁹ Nachi so Jesús 'enapeco': –Na shiÿaxauapi mayi qauemaicpi qataq ca'ai ñi Dios, namayipi nagui iÿaxaataique da qai'ot ca n'anec mayi sa qaÿauanapega. Qalaxayi sa ishit qome da qoÿami' camayi, cha'ayi chaqsota som n'anec mayi huaigui co'ollaxa so l'aqtaxanaxanec ñi Dios, l'enaxat Jonás.

Nuevo Testamento Toba Sombrero Negro

³⁹ Jesús 'yategueta joga'me: —Jenjo' jiyaĝadipi jo'ne etaĝaloĝoiquipi nataq'aen ja yataĝalegue ga'me 'nanec jo'ne qoyoqoch'em; qalaĝaja ja yitaĝa qoyaloĝonalo jalgata ga'me 'nanec ca'li qoyeloĝonaĝachigui ñe'me Dios 'laqataĝanaĝanec Jonás.

Mateo 12:39 Referans Kwoze

Mateo 16:4

Qami' qauỹaxañiitaique ca na'anec, cha'aye qami' qauemaiqa qataq saishet da qauauoitaique da qaua'amqaanataxañi. Qalaxaye saishet da qami' qoỹanema ca na'anec, nachaqrata dam huaigui co'ollaxa so na'aqtaxanaxanec Jonás. –Qaq co'ollaxa ime da nasaxauec de'era So Jesús, nache ca'ai somayepi.

Santiago 4:4

Qami' saishet da qauauochec Ñim Lo'onatac 'Enauacna qataq saishet da qaualaqaiguet. Cha'aye ca ỹauotec na huetalec ana 'alhua, nache camaye ỹe'eguelaxa da ipa'agueetac Ñim Lo'onatac 'Enauacna. ¡Qaq damaye nache 'eetec! Da qami' qauauochec na qauem maye huetalec ana 'alhua, nache qavi'eguelaqaỹa da qapa'agueñiitac Ñim Lo'onatac 'Enauacna.

Marcos 8:38

Da qaualliquiitaigui ne'ena shiỹaxauapi maye 'etaxaloxoicpi qataq saishet da ỹaconeguet Ñim Lo'onatac 'Enauacna, nache saishet da Aỹem qaua'aquiiteguelec qataq naua ỹa'aqtaqa. Qaq da Aỹem qaua'aquiilec, nache nataqa'en Aỹem Shiỹaxaua Llalec qami' sa'agueleguete qom ñe'eguelaq da ñanactaigui da la'añaxac Ñim Ita'a qataq na lamaxashecpi.»

Isaías 57:3

Ña qanquiquiiuo qami' maye qami' llalaqpi da ñi'iyaqnataxanaxac, maye qauachegoqoiguet nam ncachetague' ana sa lhua qataq aca quisheguetaxai:

2 Reyes 14:25

Qaq so Jeroboán, qaltaq ỹe'eguelaxa co'ollaxa da ỹaỹamaxaañi, som loga'tpi yem 'alhua ye Israel, chegoqchiguiña som ñegueuo ye Jamat, nache ivitta'a aso auaxai Arabá, qaq nache ipacchigui da la'aqtac Ñim Nataxala' maye ỹa'axat co'ollaxa so lamaxashec Jonás, maye llalec so Amitay, som na'aqtaxanaxanec maye lma' ye Gat Jéfer.

Jonás 1:1

Qaq huo'o so na'a'q nache Ñim Nataxala' 'enapega so Jonás, som llalec so Amitay, 'eeta':

Marcos 8:12

Qalaxaye So Jesús decovi, souaxat da sa ỹaỹamaxaren de'era, nache 'enapeco': «¿Ta'ainco' ye saq ỹet qami' da qauỹaxañiitaique ca na'anec maye sa qaỹauanapega? Ỹataqta 'eesa de'era qami' sa'axatema, da saishet da huo'o ca qami' qoỹanema.»