Mateo 12:34 - La'aqtaqa Ñim Lo'onatac 'Enauacna 2013

^34-35 Nam qauapaxaguenataxañiitapeguec qami' ỹataqta qauem 'eeta'am na lshenataxanaxa na na'araxanaq. ¡Aja' ỹoqta 'eesa! Cha'aye ¿ta'ainco' taxa da qanasaqaiuec ca ỹaỹamaqchiguiñi ye qami' qauemaiqa? Cha'aye da huo'o ca no'on da lataxac, nache nataqa'en 'onaxaiqa naua la'aqtaqa, qataq ca qauemaic, nache nataqa'en ipacchigui da qauema naua la'aqtaqa.

Nuevo Testamento Toba Sur

³⁴ ¡Qaq qami' n'adaxanaq llalaqpi! ¿Táloxochi ishito' da no'on ca qad'aqtaqui, yi qami' qauemaiqa? Cha'ayi nam qodap, namayi nasaxauec cam ÿataqta nlaqchigui añi qadquiyaqte.

Nuevo Testamento Toba Sombrero Negro

³⁴ ¡Yataqachiñe eja da'me ami nanayaqa c'oqo'tepi! ¿Qo'li 'noote' gaa'me at'aqataqadi' da'me ja ami 'te 'noe'n? Qa'a gaa'me uetayelo naa'me adai'lidi' naqaegaua na'yalo naa'me anedegaqachedi'.

Mateo 12:34 Referans Kwoze

Lucas 6:45

Na no'on shiỹaxauapi, nache 'eetai' da ỹo'ottac ca ỹaỹamaqchiguiñi, cha'aye da no'on huetaigui da lquiyaqteỹaxac. Qaq nam qauem shiỹaxauapi, nache 'eetai' da ỹo'ottac da qauem, cha'aye da lquiyaqteỹaxac huetaigui da qauem. Naua 'ara'aqtaqa maye nauoiguilo na 'ap naamaye ỹachaxa'n naua huetanguilo añi 'arquiyaqte.»

Mateo 15:18

Qalaxaye na shiỹaxauapi da qauema naua la'aqtaqa, qaq 'eetec de'era cha'aye namayepi qauemaicpi qataq nache 'eetai' da iuennatega da qauem: 'eeta'am ca yo'oqchigui dalaataxan, qataq 'eeta'am ca ncachetague' aca sa lhua, qataq ỹo'ot na qauem, decache, isheueetac ca lỹa shiỹaxaua, qataq ỹatenachet. Qaq Ñim Lo'onatac 'Enauacna saỹaỹamaxaren namayepi da ỹo'oxoreetac Ñimaye. Qalaxaye ỹoqta 'eesa da camachaqca cam ishet da ỹo'oxoren Ñimaye na'aictaxa da saishet da iỹoi' naua lhuaxaye.

Efesios 4:29

Qataq saishet da qauema naua qara'aqtaqalli'. Chaqrata da qano'onaxache' naua qara'aqtaqalli', yaqto' ishet da nquiguisheguem, qataq huo'o da na'achecỹaxac cam qami' na'axaỹaxaategalo.

1 Samuel 24:13

Cha'aye som na'aqtacaic naxa, 'eeta': «Nam qauem, chegaqaigui nam qauemaicpi.» Qaq ỹoqo'oye aỹem saishet da she'egueeta'a da 'anachaalataxac 'am nta'a.

1 Juan 3:10

Qaq qomi' ishet da sauattonaq negue't ca llalec Ñim Lo'onatac 'Enauacna, qataq negue't ca llalec so pa'aguenataxanaxaic: nam llalaqpi so pa'aguenataxanaxaic, nachena nam saishet da ỹaỹamaxaren da ỹo'ot ca ỹaỹamaqchiguiñi qataq saishet da ỹauotec ca lỹa.

Juan 8:44

Qami', som qarta'ai, nacheso som pa'aguenataxanaxaic, ỹoqo'oye qansheetaique da qauo'oche cam 'eetapeguec somaye. Se'eso pa'aguenataxanaxaic, somaye ỹataqta laataxanaxaic qataq tenataxanaxaic. 'Enauac nam ỹa'axat saishet da 'en qataq ỹo'oteguet ca shiỹaxaua da tenataxanaxaic.

Isaías 32:6

Cha'aye cam qauemaic da detaqa qalaq ipacchigui da qauema naua la'aqtaqa, qataq nache iuennatega da ỹo'ot na qauempi, qataq nmitta'a da ỹo'ot da lalaataxanaxac, qataq datenataxan da dataỹa'aguet Ñim Nataxala', qataq saishet da iquia'axan cam huo'o na lqouaxa, qataq saishet da nỹomaxan cam huo'o na laquip.

Mateo 23:33

¡Qami' ỹataqta qami' tenataxanaxaicpi qataq qami' qauemaicpi! Ỹataqta qami' qauemaiqa qoñiỹa'am na lshenataxanaxa na na'araxanaq. ¡Qaq ỹoqo'oye ỹataqta sa qami' ỹe't ca qanhuaxanaguiiqui da qami' qaỹasaxañalo ca nhuaxanaqa' na 'etaxaloxoicpi!

Isaías 59:14

Da nalochiguiñi lataxac qalaq qaỹo'otan, qataq da ỹaỹamaqchiguiñi nataxac qaỹoqta qanqa'en, da 'eesa lataxac qalaq saqana'axaỹaxana da huaña ye nlagaqa', qataq da no'on nataxac saishet da yo'oq.

Salmos 64:3

maye ỹaxaraic naqa'en ñi lachaxat 'eeta'am ca ỹeelonec, qataq da nasaxarec naua la'aqtaqa qalaq 'eeta'ama aca checna maye huo'o na lshenataxanaxa.

Mateo 3:7

Qalaxaye so Juan co'ollaq ila'a da ỹataqta qalota so chegaqaigui na fariseopi qataq so chegaqaigui na saduceopi da anac da huotaique da nachelaxan, nache somaye 'enapega, 'eeta': «¡Qami' maye qoñiita'am da lataxac ca na'araxanaq! ¿Qaupicheetega peta'a da qami' ỹe't da lhuaxanaxanaxac Ñim Lo'onatac 'Enauacna maye naỹa'acna?

Lucas 3:7

Qalota so shiỹaxauapi naỹa so Juan da yaqto' qanachelaxan, qaq somaye 'enapeco' da la'aqtac: –¡Qami' qoñiita'am na na'araxanaq! ¿Qaupicheetega peta'a da qami' ỹe't ca lhuaxanaxanaxac Ñim Lo'onatac 'Enauacna maye qami' namaxalo?

Isaías 59:4

Qaica ca ỹa'axateuo cam 'eesa, qataq qaica ca no'on da lataxac nam nmit na nasouaxashetpi, nda'a't da pe'etega da natenataxanaxac qataq naua na'aqtaqa maye saq 'eesora, namayepi nlaqchigui na qauem, qataq deco'oic da nalaataxanaxac.

Salmos 53:1

Na qaica ca ỹaỹaanapec, lhuennataxac da qaica Ñim Lo'onatac 'Enauacna, 'enauac namayepi da saỹaỹamaq, qataq 'enauac da ỹo'ottac na qauemsat, qaica da chochaq 'oonolec ca ỹo'ottac ca no'on.

Salmos 64:5

Ñi 'oonolec namayepi maiche ỹa'añaqchettac na lỹa, da yaqto' ỹo'ot ca qauem qataq detaqtega't da ỹo'ot ana lqoinapi maye ỹoxotchiguiñi. Qataq ipettega da qaica ca ishet da ỹauaachigui namayepi.

Proverbios 4:23

Qataq ỹataqta 'antela'a da 'antoonaxac, cha'aye damaye qaica ca lỹa 'eeta'am, damaye nache chegaqaigui da achaalataxac.

Proverbios 16:23

Ca naỹaanaxanaqchen da deuennataxaatac camaye ỹaỹateeta ca nasaxauec la'aqtac, qataq naua la'aqtaqa saishet da qaiqoleguetai'salo.

Isaías 9:17

Qaq ỹoqo'oye Ñim Nataxala' saishet co'ollaxa da ỹauotec na nsoxoppi, qataq saishet da ichoxoreetac na saploqpi qataq ana pa'aipi. Cha'aye imauec ne'ena nhuo' le'ecpi da qauemaicpi, qataq qauema naua la'aqtaqa 'enauac namayepi. Qalaxaye ñaqaiyeta da layeloxo Ñim Nataxala' saishet da vi'iiguet, Ñimaye nache queto'ot da darenaxaatac.

Efesios 5:4

Qataq saishet qome da qanasaqaire'c naua na'aqtaqa maye qauema, huo'otaq ca na'aqtac maye qaica ca naigui huo'otaq cam ỹo'ot da naỹalliguiyec. Cha'aye namayepi saishet da ỹaỹamaxañi da qanasaqaiteguec. Chaqrato' da qami' qaỹa'añiitacot da qana'achecỹaxaqui Ñim Lo'onatac 'Enauacna.

Santiago 3:2

'Enauac da shenaqta huo'oi naua qarasouaxashe'ete, qalaxaye nachaqcata ca shiỹaxaua maye ỹaỹaten da nllañi ñi lachaxat, camaye nalochiguiñi da lataxac, qataq ishet da nala'aguet da nllañi da maiche 'eetapeguec da lo'ocỹaxac.