Mateo 12:30 - La'aqtaqa Ñim Lo'onatac 'Enauacna 2013

³⁰ Ca saishet da Aỹem itauaatac, nache camaye Aỹem npa'agueetague'. Qataq ca saishet da Aỹem itauan da nauegueuo ca lỹa da yaqto' Aỹem ca'ategue, nache camaye 'ena'am da ilagaxattac nam huotaique da Aỹem ca'ategue.

Nuevo Testamento Toba Sur

³⁰ Qaq ca aÿim iÿottapeuga, qaq nachica ca aÿim npa'agueetega. Qataq cam sa ishit da llaponaxanaxaua, qaq nachica ca ilagaxattac cam so'ottac.

Nuevo Testamento Toba Sombrero Negro

³⁰ “Ñe'me jo'ne ja jayem 'te yotauan, nach'ega jo'ne jayem nautena; nataq'aen ga'me jo'ne ja jayem 'te ue'tajop da'me jatoĝon, nach'ega jo'ne delagaqataĝan.

Mateo 12:30 Referans Kwoze

Marcos 9:40

Cha'aye ca sa qomi' mpa'aguenalo, qaq nacheca ca qomi' itauaata'ape.

Lucas 11:23

Qami' da saishet da qauaỹamaxayiñi da so'ottac, nache qami' Aỹem qauataiỹa'aguet. Qataq da saishet da Aỹem qautauañi da qanaviquiiuo ca lỹa shiỹaxaua da Aỹem quegue, nache qami' 'eeta'am da Aỹem qauo'otaxañiiteguelec.

Lucas 9:50

Qalaxaye So Jesús 'enapeco': –Saishet da qaulliỹapeguem, cha'aye ca saishet da qomi' mpa'aguenalo, nache camaye qartaua.

Mateo 6:24

Qaica ca namaxashec da ishet da dos naqa'e'n caua na'aco'ye. Cha'aye ishet da ỹalaxaguet qataq ỹauotec ca 'oonolec, qaq ca lỹa qalaq saishet. Nache 'eetec nataqa'en da qoñiita da sa qauañoxoche da qauo'onataxañiỹot Ñim Lo'onatac 'Enauacna, nache nataqa'en qoquiito'ot da qauo'onataxañiitacot da nsallaxa.

Josué 24:15

Qalaxaye da sa qavio'oxoreñi Ñim Nataxala', qaq no'on da qalca'aiua'a nagui cam qavio'oxoreñi: da nachena nam atamnaxala'pi maye natameetacot co'ollaxa so hua'au qarta'ailpi co'ollaq ñaq neta'atague da le'ego so tala Éufrates, huo'otaq na natamnaxala'pi na amorreopi, maye lma' co'ollaxa ne'ena na'alhua. Qalaxaye aỹem qataq na ỹalamaxatpi, so'onataxanaqot qome Ñim Nataxala'.»

1 Juan 2:19

Ne'ena ipa'agueetacpi So Cristo qomi' ỹalectaiguilo naxa da llaponaqta'a't, qalaxaye ỹoqta 'eesa da namayepi saishet da qaraỹepi. Cha'ayectaxa da ỹoqta 'eesa da maiche qaraỹepi, nache saishettaxa da qomi' ca'aisalo. Qalaxaye namayepi nỹotec da yaqto' ỹoqta ỹachaxan da saishet da 'enauac naxa nam salegaqta'aguet da ỹoqta qaraỹepi.

Josué 5:13

Huo'o so na'a'q, nache so Josué hueta'a ye sa qaỹapeque ye Jericó, nache co'ollaq namatasheguem, nache ila'a so ỹale nachattañi, nasoqta'a so lainec, nache so Josué nquicot somaye nache inat, 'eeta': «¿Peta'a maiche 'am qarỹa, qalqo' 'am qampa'aguenaxaua?»

Génesis 49:10

Qaica qome ca ishet da deuotaxanec da lamaxasoxonaxac da Judá qataq da lamaxasoxonaxat npon maye nasoqta'a, choche ivitta'a da nvi' cam lalamaxat de'era pon, cam ỹataqta ỹalaxaguet qome na nhuo' le'ecpi.

Juan 11:52

qaq saishet da nachaqnata nam judiopi, cha'aye nataqa'en 'enauac nam llalaqpi Ñim Lo'onatac 'Enauacna maye nlagaxattac da yaqto' lapona't.

Oseas 1:11

Huaña qome nache lapona't na Judá, qataq na Israel le'ecpi, nache namayepi 'oonolec naqa'en ca lataxala', nache 'enauac na shiỹaxauapi ñe'eguelaxa qome ye Jerusalén. Nache ỹataqta lta'araic qome da la'amaqchec ye Jezreel que'eca na'a'q.

Proverbios 11:24

Ca shiỹaxaua sa naloqnañi na ỹan, nache nataqa'en ỹactec ca ỹaconeguet, qaq ca shemataqaic qalaq taỹa'a da lachoxoyec.

Mateo 12:29

Cha'aye da huo'o ca huotaique da decachigui ca lma' ca ỹale maye 'añaxaic, nache iuen da hua'auñi da icoñerai' camaye. Ime, nache ishet da decachiỹa 'enauac na logoxot camaye.

Salmos 94:16

Qaq ¿negue't ca nachaañi co'ollaxa da aỹem iueelec da nqanaxat na 'etaxaloxoicpi? Qataq ¿negue'tom ca huetaua'a na ỹaỹe da aỹem itauan da nqanaxat na qauemaicpi?