Mateo 12:25 - La'aqtaqa Ñim Lo'onatac 'Enauacna 2013

²⁵ Nache So Jesús co'ollaq noma de'era lhuennataxac somayepi, nache 'enapega, 'eeta': «Ca shiỹaxauapi maye hueta'a ca 'alhua da maiche npa'aguena't, nache taỹa'a da nlaguiñi. Qataq ca hueta'a ca nỹecpi da maiche npa'aguena't, nache que'eca nỹecpi taỹa'a da nlaguiñi. Qataq ca maiche nhuo' le'ecpi da maiche npa'aguena't, nache camayepi nataqa'en taỹa'a da nlaguiñi.

Nuevo Testamento Toba Sur

²⁵ Qaq so Jesús ÿaÿateetac da lhuennataxac somayipi, nachi 'enapega, 'eeta': –Camachicague't nta'alpi da huo'otaq nÿodacachi, nachi maichi deloguiÿa't, nachi camayipi taÿa'a da nlaguiñi. Qataq ca pueblo, huo'otaq ca nhuo' l'ecpi, da huo'otaq nÿodacachi, nachi camayipi sa ishit da 'eetai'.

Nuevo Testamento Toba Sombrero Negro

²⁵ Qalaĝaja queda'me Jesús yateton da'me lelnataĝa'j qama'le enapegalo: “Qom ja nalo'ta't gaa'me nejaliaĝatelo'te ga'me aleua qama'le mach'ega napalaĝatela't; nataq'aen qom 'uo ga'me noic uotaĝa mach'e naqaya' da'me mach'egaua nautenapega't qama'le ja yaqanate't ta'le 'nañaĝatela'ajalo jogaa'me.

Mateo 12:25 Referans Kwoze

Gálatas 5:15

Qalaxaye huo'o da ivitaxa da qami' qauloquiitega't qataq qanque'emaxachiỹa'a't, nache qami' 'eeta'am da maiche qanlaxacheetapeguela't.

Jeremías 17:10

Aỹem Nataxala', maye ñimit aca nquiyaqte qaq saỹaten yem ỹataqta pa'auo lhuennataxac, nache sanem cam taiguet da ỹaconeguet, ipacchigui cam naigui nam ỹo'otpi.»

1 Corintios 2:11

Na shiỹaxauapi qaica ca ishet da ỹaỹaten ca lhuennataxac ca lỹa shiỹaxaua, nachaqsota so saqcha'a lca'alaxa maye ishet da ỹaỹaten. Qaq nache 'eeta'am nataqa'en So Saqcha'a La'añaxac Ñim Lo'onatac 'Enauacna nachaqsota maye ỹaỹaten ca lhuennataxac Ñimaye.

Mateo 9:4

Qalaxaye So Jesús co'ollaq noma da lhuennataxac somayepi, nache 'enapega, 'eeta': «¿Ta'ainco' ye ỹataqta qauema naua qarhuennataxacolli'?

Isaías 9:21

So Manasés delogui' qome so Efraín, qaq so Efraín delogui' so Manasés, ime nache soomaye huaxaỹa't da iloquiaxa'n ye Judá. Qalaxaye ñaqaiyeta, da layeloxo Ñim Nataxala' saishet da vi'iiguet, Ñimaye nache queto'ot da darenaxaatac.

Apocalipsis 16:19

Nache se'eso qalagoxoñi 'alhua, somaye tres soua lpoxoỹaqa'ate naqa'en ye lta'araic nỹecpi ye Babilonia, qataq na hueta'a na lta'araic nỹecpi 'enauac ana 'alhua qalaq qalagoxoñi. Ñim Lo'onatac 'Enauacna saishet da icoua'ai ye nỹecpi ye Babilonia, nachaqrata da ỹauo'o so nhuaxanaguec ỹataqta qaica ca 'ena'am da lchec qataq imatalec da layeloxo.

Hebreos 4:13

Qaica ca 'oonolec nam lo'onatacpi Ñim Lo'onatac 'Enauacna da huo'otaq ishet da nqañoxocheesop Ñimaye. Cha'aye Ñim Lo'onatac 'Enauacna da ilotalec 'enauac namayepi, qalaq ỹataqta yo'oqta. Qaq ỹoqo'oye da ñachaataxaua'a Ñimaye qalaq ñachoxola't da ñañanaxaguet cam naigui 'enauac nam so'otaq.

Marcos 2:8

Qalaxaye So Jesús ỹaỹaten co'ollaxa da lhuennataxac somayepi, nache 'enapego', 'eeta': «¿Ta'ainco' ye qarhuennataqai de'era?

Salmos 139:2

'Am, ỹataqta 'auauattoota 'enauac na so'ottacpi, na'aictaxa da aỹem qaỹoqta, qalaq 'am 'auaỹate'n naua iuennataxaco.

Juan 21:17

Nache qaltaq ỹe'eguelaxalec da inat, 'eeta': –'Am Simón maye 'am llalec so Jonás, ¿peta'a 'eesa da Aỹem 'auauotec? Nache so Pedro ỹataqta naquicochiguiñi, souaxat da mashe ivi' tres da ỹe'eguelaxalec da qainat da 'eesa da huo'o da lauotaxanaqtaic. Nache somaye 'enapeco': –'Am Ỹataxala', 'am 'auaỹaten mque' 'enauac da ỹataxac, qataq 'auaỹateeta da ỹataqta 'am sauotec. Nache So Jesús 'enapego' somaye, 'eeta': –'Aulo'ogue qone' ana ilopi qagueta.

Amós 4:13

Cha'aye nachaỹem da ỹo'onata ana qasoxonaxapi, qataq so'ot na la'at, qataq saỹaanaxanaxanec nam shiỹaxauapi nam iuen da ỹo'ot, qataq so'ot da yo'oqchiguiñi na napalaxa, qataq sequeuoteguelec nam ỹataqta qaỹoqotcheguemec 'alhua. Aỹem Nataxala', Aỹem Atamnaxala', 'era da ỹe'enaxat: Qaica ca Saqalanapec.

1 Reyes 16:21

Qaq huaña, nache so Israel le'ecpi ncolaxara'ache co'ollaxa, dos soua lpa'axaco. Nache huo'o som datalec so Tibni, som llalec so Ginat da yaqto' lta'a somayepi, qaq so laỹepi qalaq datalec so Omri da yaqto' lta'a.