Mateo 12:18 - La'aqtaqa Ñim Lo'onatac 'Enauacna 2013

¹⁸ «¡Ñaq qauloỹa na ica'aguishec, nam maiche seỹaxana da yaqto' Aỹem do'onataxanot! Aỹem ỹataqta ỹauotaxat namaye. Namaye ỹataqta Aỹem nlaxatchigui da ñetonaxac. Qaq Aỹem sanaigui namaye da lta'araic Saqcha'a Ỹa'añaxac, da yaqto' ỹa'axatem da nalochiguiñi lataxac, 'enauac nam ỹotta'a't shiỹaxauapi.

Nuevo Testamento Toba Sur

¹⁸ Que'eca nachica ca maichi ilatac, camayi maichi llica'aguishic, qataq ÿataqta ÿauotaxat camayi, ÿataqta ñitootapeguec. Qaq camayi aÿim sananguit qome ñi ñi'Espíritu da yaqto' i'axatem nam ÿotta'a't shiÿaxauapi dam shiitapeguec da i'ot.

Nuevo Testamento Toba Sombrero Negro

¹⁸ “Jenjo' mach'e yalemaĝajet, Naqaena jena'me yataqachiñe yiquiyac, Nataq'aen mach'e jauotec Choqoda'me ñetotapec. Janoue ñe'me Yepaqal Qaedi 'yaĝatetapema joda'me yataqatelegue joga'me noyaqapi.

Mateo 12:18 Referans Kwoze

Isaías 42:1

«'Ena na ỹamaxashec maye ñasoqtañi, nam ica'aguishec maye saỹamaxareeta, namaye sanagui so Saqcha'a ỹa'añaxac da yaqto' nda'a ca nalochiguiñi lataxac na ỹotta'a't shiỹaxauapi.

Lucas 4:18

«So Saqcha'a La'añaxac Ñim Lo'onatac 'Enauacna Aỹem netanguit, cha'aye Aỹem Lca'aguishec qataq Aỹem namaq da sa'axatem da no'on la'axaỹaxac nam choxoraqpi, qataq da sa'axatem da qaisouec na ncoñeteguishecpi, qataq she'eguelaxatem da nauaañi na sa nauaañipi, qataq da yaqto' ñeca'alaxatec nam sa qaiyacnapec,

Hechos 10:38

So Jesús maye Nazaret le'ec. Qaq Ñim Lo'onatac 'Enauacna ỹanem co'ollaxa da la'añaxac Somaye So Saqcha'a Na'añaxac Qui'itta. Qaq Ñimaye ye hueta'aguet So Jesús, nache Somaye nache 'eetai' naxa da ỹo'ottac na ỹaỹamaqchiguiñi qataq nataren 'enauac nam huetalec da la'añaxac so pa'aguenataxanaxaic.

Juan 3:34

Cha'aye da detaqa nam namaq Ñim Lo'onatac 'Enauacna, nache nacheñi Ñim Lo'onatac 'Enauacna da detaqa, cha'aye Ñimaye ỹami' Namaye da la'añaxac So Saqcha'a La'añaxac.

1 Pedro 2:4

Qami' qoñiita'am ca coma' maye nca'altauec, maye iueetac Ñim Lo'onatac 'Enauacna da no'oxoosheguem aca lo'onaxanaxaqui maye saqcha'a. Qaq ỹoqo'oye qanquiquiỹot So Jesucristo, cha'aye nacheso so coma' nca'altauec, qataq ỹo'otan na shiỹaxauapi co'ollaxa. Qalaxaye Ñim Lo'onatac 'Enauacna lca'aguishec co'ollaxa Somaye da 'eeta'am naqa'en ca coma' maye ỹactec da lyac. Nataqa'en qami' no'o'n ltaxaỹaxanaxanaqa na shiỹaxauapi da qaitaxaỹapegue' Ñim Lo'onatac 'Enauacna qataq chegoqchigui So Jesucristo da qaỹa'añiỹot Ñim Lo'onatac 'Enauacna ana nachetaqtaxanaqte maye ỹaỹamaxareeta Ñimaye.

Isaías 52:13

Ña qaumichiñi, ñim ỹamaxashec dauegaxan qome, nache huo'o da la'amaqchec qataq qaỹo'oreetac qome.

Isaías 11:2

Qaq so Saqcha'a La'añaxac Ñim Nataxala' nache hueta'aguet qome camaye, nache ỹanem da laỹaanec, laỹaanataxanaxac, sanqalat, la'añaxac, lauattonaxanaxac, qataq ỹalaxaguet Ñim Nataxala'.

2 Pedro 1:17

Qomi' sauanaqchigui co'ollaq Ñim Lo'onatac 'Enauacna maye Nta'a, dam ỹo'otec So Jesús da lta'araic 'enec qataq ỹachaxan dam qaica ca 'ena'am llo'oxoyec Somaye. Qaq nache huaña añi saqaỹoqotcheguemec 'alhua maye sa qaishetapec da sa'axasoqchigui co'ollaq Ñim qaica ca 'ena'am da la'amaqchec qataq da llo'oxoyec co'ollaq 'eeta': «'Ena na Ỹalec. Aỹem ỹataqta ỹauotaxat namaye, qataq ỹo'ot da ỹamaicỹaxac.»

Colosenses 1:13

Cha'aye Ñimaye qomi' nca'alaxateeguesopa co'ollaxa na napalaxa maye souaqtaigui. Huaña, nache qomi' ỹauegueua'alo da lo'onataxanaxac Som lauotaxat Llalec,

Colosenses 1:1

Aỹem Pablo, aỹem lamaxashec So Jesucristo. Qaq de'era ñamaxasaguec, damaye maiche chegoqtot Ñim Lo'onatac 'Enauacna. Ñi qarqaỹa Timoteo qataq aỹem,

Efesios 1:6

Ñim Lo'onatac 'Enauacna ỹo'ot 'enauac de'era da yaqto' sho'oxorenaq dam lta'araic qataq ỹo'oxoraq lsoxoyec. Qaq ỹoqo'oye huo'o da qana'achecỹaxac souaxat da lta'araic lsoxoyec qataq qomi' ỹanema da qarca'alaxa, ỹachegoxotchigui so lauotaxat Llalec.

Hechos 14:27

Nache co'ollaq ivildeua'a ye Antioquía, nache soomaye lapona't na 'amqaanataxanaxaicpi. Nache ỹa'axattrapeguem somayepi 'enauac nam ỹo'oteque soomaye Ñim Lo'onatac 'Enauacna. Qataq ỹa'axattrac da 'eetec da ltaunaxanaxac So Qarataxala' da itauaata'ape da da'aqtaxanem da no'on na'axaỹaxac nam saishet da judiopi da yaqto' nataqa'en ỹa'amaqten So Jesús.

Hechos 11:18

Nache som nqaỹañecpi maye netaña ye Jerusalén, co'ollaq hua'axaỹa de'era, nache nañaxaañi da ltaxaỹaxac, nache ỹo'oxoreetac Ñim Lo'onatac 'Enauacna, 'eeta': –¡Aja', qache nache 'eeteco' Ñim Lo'onatac 'Enauacna da nataqa'en ỹanem na saq judiopi, da yaqto' naralaxa't naua lhuennataxaco, qataq da huo'o da lca'alaxa maye chochaq tatec!

Lucas 23:35

Qaq 'enauac na shiỹaxauapi imeteetac Somaye qataq nam lataxala'pi namayepi ỹe'eetac, 'eeta': –Nca'alaxatec naxa ca lỹa. Qaq nagui, qaq no'on da maiche nca'alaxaala't, qom ỹoqta 'eesa da nacheñi ñi Nta'a Nca'alaxaqui maye lca'aguishec Ñim Lo'onatac 'Enauacna.

Lucas 9:35

Ime, nache qaỹa'axaỹa so nvilỹaxac chemaxaigui so lo'oc, 'eeta': «¡'Era da Ỹalec maye Ica'aguishec! Qaq qami' iuen da ỹataqta qaualaqaiguet.»

Lucas 3:22

qaq So Saqcha'a Na'añaxac Qui'itta naỹaña Somaye, 'eeta'am na qoto' ỹataqta yo'oqta. Ime, nache chemqot na piguem so na'aqtac, 'eeta': «'Am maye nache 'am ỹalamaxat Ỹalec, 'am ỹauotaxat, Aỹem ỹataqta 'am ñetootapeguec.»

Marcos 9:7

Nache saqaỹaloq da anac so lo'oc chegoqo'ot na piguem da naloteleguete soomaye. Qaq se'eso lo'oc chemaxaigui so na'aqtac, 'eeta': «'Era da Ỹalec maye ỹataqta ỹauotaxat, damaye qaualaqaiguet qome.»

Marcos 1:11

Nache qaỹa'axaỹa so na'aqtac chemqot na piguem, 'eeta': «'Am maye nache 'am Ỹalec ỹauotaxat, Aỹem ỹataqta 'am ñetootapeguec.»

Mateo 17:5

Qaq co'ollaq ña detaqtac so Pedro, nache anac so lo'oc na piguem ỹataqta 'eroigui. Ipelteeleguete soomaye. Nache se'eso lo'oc chemaqtoigui so na'aqtac, 'eeta': «'Era dam Ỹalec maye ỹataqta ỹauotaxat, damaye ỹataqta ñetootapeguec, qaq qami' iuen da ỹataqta qana'axaỹaxañiỹa damaye.»

Zacarías 3:8

Qaq ñaq 'ana'axaỹaxaachiguiñi 'am Josué, 'am maye 'am lataxala' nam ntaxaỹaxanaxanecpi, qataq nataqa'en na'axaỹaxaachiguiñi qome, na 'artauapi maye ntaxaỹaxanaxanecpi, cha'aye 'enauac da qoñiita da qami' la'anaqa'ate qome da na'aqtaxanaxac maye, 'eeta': Aỹem ñanacot qome ñi ỹamaxashec, maye le'enaxat da Llaxataxa.

Jeremías 16:19

'Am Nataxala', maye 'Am ỹa'añaxac qataq aỹem 'ampaxattalec, qataq ỹe'eguenaxaqui da huo'o ye sevireguet lchec, 'am naỹa qome na ỹotta'a't shiỹaxauapi maye chegaqa'alo naua loga'te ana 'alhua, nache 'am 'enapega, 'eeta': «Nachenata nam saq 'en atamnaxala'pi maye qaca ca naigui qataq qaica ca la'añaxac da ỹaconeguet co'ollaxa som hua'au qarta'alpi da lalamaxat.»

Isaías 62:2

Qaq huaña nache na ỹotta'a't shiỹaxauapi ila'a qome da 'arca'alaxa, qataq 'enauac na nta'alpi ila'a qome da 'ayo'oxoyec. Huaña qome nache dalaxaic ca 'are'enaxat maye maichiñi Ñim Nataxala' 'am ỹanagui qome.

Isaías 53:11

Qaq qom ivirec ca lta'araic nque'eenaxac, nache ila'a ca yo'oqchiguiñi, huaña nache somaye ỹataqta machiguiñi da ỹaỹaten, qaq se'eso no'on da lataxac maye lamaxashec Ñim Nataxala' qalota qome na isouec cha'aye ỹache qome na lasouaxashetpi namayepi.

Salmos 89:19

Huo'o co'ollaxa so na'a'q da huaigui 'anqa'en so nauanaqchec da 'autaqa, nache 'aua'aqtaxanem na 'aralamaxat nhuo' le'ecpi, maye ỹataqta 'am ỹalaxaguet, qoneta': «Mashe sanem da itaunaxanaxac ñim ỹataqta 'añaxaic, ñim ỹataqta no'on da lataxac ne'ena nhuo' le'ecpi, maye mashe sanagui da la'amaqchec da nta'a.

Mateo 12:17

Qaq 'eetec de'era, yaqto' ipacchigui co'olloxocheye dam la'aqtaxanaxac so la'aqtaxanaxanec Ñim Lo'onatac 'Enauacna maye le'enaxat Isaías co'ollaq, 'eeta':