Mateo 12:15 - La'aqtaqa Ñim Lo'onatac 'Enauacna 2013

¹⁵ Qaq So Jesús co'ollaq ỹaỹaten da naỹamaxattapigui so fariseopi, nache ca'ai yi'iye hueta'a, nache ỹataqta qalota som shiỹaxauapi ca'ategue Somaye. Nache Somaye nataren 'enauac nam sa no'onpi.

Nuevo Testamento Toba Sur

¹⁵ Qaq so Jesús co'ollaq ÿaÿaten de'eda, nachi ca'ai yi'iyi hueta'a. Nachi ÿataqta qalota som shiÿaxauapi mayi ca'ategue somayi. Nachi somayi nataden 'enauac nam sa no'onpi.

Nuevo Testamento Toba Sombrero Negro

¹⁵ Qama'le queda'me Jesús nometelegue da'me dojo', ca'e ga'me ue'ta, qanach'e jalcote ga'me jiyaĝadipi equegue ca'li. Jesús e'n yemedegue joga'me leuaĝaiquipi,

Mateo 12:15 Referans Kwoze

Mateo 10:23

Qaq ca shiỹaxauapi maye hueta'a ca nỹecpiolec da huo'otaq qami' icana'ape qataq da huo'otaq qami' sa iyacna'ape, nache qananeltaxañi da qanqo'oñiỹa ca laỹepi nỹecpiolec. Cha'aye ỹoqta 'eesa de'era qami' sa'aqtaxanema da Aỹem Shiỹaxaua Llalec, ñe'eguelaq qome ñanactaigui da la'añaxac Ñim Lo'onatac 'Enauacna qom saxanaxa da qaumache da 'enauac qaviyiỹa na nỹecpiolec na lma' na Israel le'ecpi.

Juan 11:54

Qaq ỹoqo'oye So Jesús mashe saishet da ỹoqta nachaxaata da ỹalectaigui na judiopi, cha'aye sa ỹaỹamaxaren da qaỹauana ca hueta'a. Chaqrata da Somaye ca'ai ye 'alhua Judea da nqo'ona yem nỹecpiolec maye le'enaxat Efraín yem saqaỹapeque ye toolec 'alhua. Huaña, nache hua'a yemaye nnaictagueto soua lapaxaguenataqa.

Juan 7:1

Qaq co'ollaq ime de'era, nache So Jesús coleetac ye 'alhua Galilea. Somaye saishet da taỹa ye 'alhua Judea, cha'aye nam lataxala' na judiopi maye lma' yemaye nshetaique da ỹalauat Somaye.

Mateo 19:2

Nache ỹataqta qalota so shiỹaxauapi na ca'attague' Somaye. Huaña, nache nataren 'enauac so sa no'onpi.

Marcos 6:56

Nache cam taigue So Jesús, nam salamai' nỹecpiolec, huo'otaq na qalota nỹecpi, huo'otaq na huetauga na no'onaxa, na shiỹaxauapi ỹachangui na nqa'aicpi na sa no'onpi, nache Somaye naxa da nlectot, nache na sa no'onpi nachoxoreetacot da hua'aqta'a da ipoteua'a Somaye, na'aictoxo' da choche laỹe soua alogo, nache 'enauac nam ipoteua'a Somaye, nache no'oita.

1 Pedro 2:21

Da huo'o ca choche qaỹo'otec da nque'eenaxac, nache no'on da tachigui lauel da la'aqtac Ñim Lo'onatac 'Enauacna da ca huo'o da nque'eenaxac, nache iuen da na'añaxateguet. Cha'aye 'era da 'eetec co'ollaxa So Cristo da yaqto' qomi' ishet da seloxolec Somaye, cha'aye huo'o da nque'eenaxac co'ollaxa souaxat qami'.

Gálatas 6:9

Qaq ỹoqo'oye saishet qome da ñasamaqtapiguiñi da so'otaqtac ca ỹaỹamaqchiguiñi. Cha'aye da so'otaqtac damaye, nache huo'o ca qaraueguec maye qomi' ỹanema Ñim Lo'onatac 'Enauacna qom ivita ca laloqnec.

Juan 9:4

Cha'aye nagui da ñaq qami' soota'agueta, nache iuen da so'otaq da lo'onataxanaxac maye Aỹem ỹamaxalec Ñim Lo'onatac 'Enauacna maye Ita'a; qalaxaye anata ca na'a'q maye qaica ca ishet da do'onataxan.

Lucas 6:12

Qaq se'esoua na'axa'te So Jesús tasheguemec aso saqaỹoqotcheguemec 'alhua da yaqto' nqouagaxauen, nache imattec se'eso pe da na'aqtaxaatague' Ñim Lo'onatac 'Enauacna.

Lucas 5:22

Qalaxaye So Jesús ỹaỹaten da lhuennataxa somayepi, nache denataxan 'eeta': «¿Ta'ainco' ye qarhuennataxaqui de'era?

Lucas 9:11

Qalaxaye so shiỹaxauapi co'ollaq ỹaỹaten da So Jesús taigue da Betsaida, nache qaicaalec Somaye. –Nache So Jesús ỹaconeguet 'enauac so shiỹaxauapi, cha'aye ỹataqta huo'o da lauotaxanaqtaic, nache ỹachegoxottot da da'aqtaxaatapeguem dam lo'onataxanaxac Ñim Lo'onatac 'Enauacna. Nataqa'en nataren nam sa no'onpi.