Mateo 12:14 - La'aqtaqa Ñim Lo'onatac 'Enauacna 2013

¹⁴ Nache so fariseopi huenoxonec da detaxaỹapigui ca lataxac da ỹalauat So Jesús.

Nuevo Testamento Toba Sur

¹⁴ Nachi so fariseopi huenoxoneec da detaxaÿapigui ca lataxac da qaÿalauat so Jesús.

Nuevo Testamento Toba Sombrero Negro

¹⁴ Qalaĝaja ca'li yenoĝodegue ga'me fariseopi, paja'a uenateteda'a ga'me yauote qomle, qaedi yala't ñe'me Jesús.

Mateo 12:14 Referans Kwoze

Juan 11:53

Qaq, nache chegoqchiguiña se'eso na'a'q da na lataxala'pi na judiopi, detaxaỹapigui ca lataxac da yaqto' ỹalauat So Jesús.

Juan 10:39

Huaña, nache qaltaq qanshetaique da qaỹaconeua'a da qaicoñe', qalaxaye So Jesús naneltaxan.

Juan 5:18

Qaq ỹoqo'oye na lataxala'pi na judiopi nquictec da lyaxa da ỹalauat So Jesús, cha'aye saishet da nachaqrata da sa ỹalaxalec da lataxac ye na'a'q mataxaqui, cha'aye nataqa'en 'eetega da ỹataqta Lta'a Ñim Lo'onatac 'Enauacna, qaq ỹoqo'oye da lataxac 'eeta'am Ñimaye.

Lucas 6:11

Qalaxaye so shiỹaxauapi ỹataqta dalemata. Nache chegoqchiguiña da nmittaique ca lataxac da dataỹa'aguet So Jesús.

Marcos 3:6

Huaña, nache so fariseopi ca'ai aso napaxaguenaxaqui na judiopi, nache sanaỹaloxon da nqo'ona nam quetague'pi so nta'a Herodes da qaitaxaỹapigui ca lataxac da qaỹalauat So Jesús.

Mateo 26:4

'Enauac somayepi naỹaana't da yaqto' huo'o ca qaỹe'eguenec So Jesús da chegoqchigui qanqa'en da qaỹauo'o ca lasouaxashet, nache qaỹaconeua'a qataq qaỹalauat.

Juan 11:57

Na fariseopi qataq na lataxala'pi na ntaxaỹaxanaxanecpi da qaitaxaỹapegue' Ñim Lo'onatac 'Enauacna, namayepi ỹan da la'aqtac co'ollaxa da huo'otaq huo'o ca ỹaỹaten ca hueta'a So Jesús, nache ishet da ỹa'axat, da yaqto' ỹaconeua'a da qaicoñe'.

Mateo 27:1

Qaq co'ollaq mashe yo'oxoñi, nache 'enauac som lataxala'pi nam ntaxaỹaxanaxanecpi da qaitaxaỹapegue' Ñim Lo'onatac 'Enauacna qataq som lataxala'pi na judiopi, mashe nmachigui da lataxac da yaqto' ỹalauat So Jesús.

Marcos 14:1

Qaq mashe saxanaxalo caua dos na'axa'te da ivireuga ca laloxoqui soua naponaxaqui' maye le'enaxat Lapascua. Qataq huetoigui nataqa'en da qanallec ana nauole 'ayiiña maye qaca aca lalecte maye ỹasheeraxachigui. Nache nam lataxala'pi na ntaxaỹaxanaxanecpi qataq nam dapaxaguenataxaatapeguec na namaxasoxonaxacpi, namayepi ilotaique ca latenataxanaxac da ỹachegoxotchigui da ỹaconeua'a So Jesús da yaqto' ỹalauat.

Lucas 22:2

Nache so lataxala'pi na ntaxaỹaxanaxanecpi da qaitaxaỹapegue' Ñim Lo'onatac 'Enauacna qataq som dapaxaguenataxaatapeguec na namaxasoxonaxacpi, somayepi nmittaique ca ỹachegoxotchigui da ishet da ỹalauat So Jesús, qataq da saishet da qananoma, cha'aye somayepi ỹataqta ñi'iỹa na shiỹaxauapi.

Juan 7:30

Huaña, nache qanshetaique da qaỹaconeua'a Somaye da qaicoñe'. Qalaxaye saishet da huo'o ca nañoxot da ỹaconeua'a, cha'aye Somaye saxanaxa da ivita ca laloqo' da qaỹaỹaten da chaq negue't Somaye.

Juan 7:32

Na fariseopi co'ollaq hua'aqtapogoigui na shiỹaxauapi da 'eetega So Jesús, nache namayepi qataq nam lataxala'pi na ntaxaỹaxanaxanecpi nama'q soua huataxanaq lashe' maye ilotegueto aso no'onaxanaxaqui late'erai, da yaqto' ỹaconeua'alo Somaye da icoñe't.

Juan 7:44

Qataq huo'o na huotaique da ỹaconeua'a Somaye da icoñi', qalaxaye saishet da huo'o ca nañoxot da ỹaconeua'a.

Juan 8:59

Huaña, nache soomaye ỹaconalo na coma' da ỹauotaique da ỹasa'q So Jesús. Qalaxaye Somaye nqañoxotoigui na shiỹaxauapi, ime nache ca'ai aso no'onaxanaxaqui late'erai.

Juan 10:31

Nache na lataxala'pi na judiopi qaltaq ỹacona na coma' da huotaique da ỹasaq Somaye.