Mateo 11:7 - La'aqtaqa Ñim Lo'onatac 'Enauacna 2013

⁷ Qaq co'ollaq mashe je'c soua lapaxaguenataqa so Juan, nache So Jesús cot da da'aqtaxanem so shiỹaxauapi da lataxac so Juan, 'eeta': –¿Negue't som qaumeenaxañiitapeuga yem toolec 'alhua co'ollaxa? ¿Peta'a 'eeta'am aca coqta ỹacholaxaatac na la'at somaxa?

Nuevo Testamento Toba Sur

⁷ Qaq co'ollaq mashi je'c soomayi, nachi so Jesús cot da i'axattapeguem na shiÿaxauapi so Juan, 'eeta': –¿Négue't som qami' qaumejnaxañiitapeuga yim tojlec 'alhua? ¿Peta'a coqta ÿacholaxaatac na l'at somaxa? 'A'i.

Nuevo Testamento Toba Sombrero Negro

⁷ Ca'li eque' jogaa'me, qama'le Jesús paja'a t'aqataĝanema joga'me jiyaĝadipi, 'yaĝatetac ñe'me Juan, enaac: —¿Toqoch'e auajoyigui di'me aleua jo'ne totapega't ca'li? ¿Qo'li jetaque auañiya ga'me coqota jo'ne layat yamaqatapiñe?

Mateo 11:7 Referans Kwoze

Santiago 1:6

Qalaxaye ỹataqta qaỹo'ot da npi'iỹaxac Ñim Lo'onatac 'Enauacna da ỹan damaye. Cha'aye nam huo'o da lqolectaxanaxac qalaq 'ena'am ana lapaxa aso auaxai da maicheye ca ỹamaxague na la'at.

Efesios 4:14

Nache saishet qome da shenaqta'am ca nogotolec maye qaica ca lqalaic da qaỹashaxanec da lhuennataxac, qataq saqalaq da qaỹatenachet da qairolec da napaxaguenataxanaxac maye saq 'en, maye lapaxaguenataxanaxac na shiỹaxauapi maye sa nqalaate' da latenataxanaxac maye quetague' da lsomaxac.

Génesis 49:4

Qalaxaye nagui saishet da 'am la'auaxanec, cha'aye 'am qoneta'am ca la'auaxac maye saishet da qanpaxateguet: cha'aye 'aue'enai' co'ollaxa so imala' co'ollaq 'arauañi' aso ihua lỹa.

Lucas 8:18

Qaq ỹoqo'oye ỹataqta qana'axaỹaxañiichiguiñi, cha'aye da huo'o ca ỹaỹaten dam saqcha'a lataxac da lo'onataxanaxac Ñim Lo'onatac 'Enauacna, nache camaye qaỹa'aqtaxanem na qalota laỹepi lataxac. Qalaxaye nam saishet da ỹaỹaten dam saqcha'a lataxac de'era no'onataxanaxac, nache Ñim Lo'onatac 'Enauacna, ỹo'otec namayepi da icoua'ai 'enauac nam ipi'itaxaatega da ỹaỹaten.

Mateo 3:5

Nache qalota so anac da na'axaỹaxana somaye nam chegaqaua'a ye Jerusalén, qataq 'enauac som netalec ye 'alhua Judea, qataq so saqaỹapigui 'aleu' so tala Jordán.

Juan 1:38

Qaq So Jesús co'ollaq namatapec, nache ila'agueta soomaye da nca'attrauo, nache inatta'ape, 'eeta': –¿Negue't ca qoñiitapeguec? Nache soomaye 'ena'apo': –'Am Napaxaguenataxanaq, ¿hua'ague ca qoneta'ague?

Mateo 11:8

Qaq ¿negue't som qami' qaumeenaxañiitapeuga? ¿Peta'a ỹataqta no'o'n naua alogo somaxa? Qami' qauaỹaañi da na shiỹaxauapi maye ỹataqta no'o'n naua alogo, namayepi netaiguilo naua lma'ate na nta'alpi.

Mateo 12:20

Qataq saishet da nquigaxatec da nque'eenaxac cam mashe nache 'eetai' da que'emaxaic, qataq saishet da iviraxata'a da ỹalauat, nam mashe ileetapigui'. Nachaqrata da ỹa'añaqchet nam mashe qaica ca la'añaxac qataq iviraxata'a da dauegaxan da 'eetapeguec Ñim Lo'onatac 'Enauacna.