Mateo 11:6 - La'aqtaqa Ñim Lo'onatac 'Enauacna 2013

⁶ Ñim Lo'onatac 'Enauacna ỹaalec da nqouagaxa qome cam saishet da ỹaxanec Aỹem souaxat da ỹauaachigui de'era so'ottac.

Nuevo Testamento Toba Sur

⁶ Qaq ÿataqta machiguiñi qome cam sa ishit da aÿim ÿoqolguet.

Nuevo Testamento Toba Sombrero Negro

⁶ Qama'le ¡made'tapolqa gaa'me jo'ne nach'e eta't jayem p'iida'a!

Mateo 11:6 Referans Kwoze

1 Corintios 2:14

Qaq ca shiỹaxaua, maye saishet da netanguit So Saqcha'a La'añaxac Ñim Lo'onatac 'Enauacna, saishet da ỹaconeguet da napaxaguenataxanaxac maye chegoqo'ot Somaye, cha'aye 'eeta'am naqa'en da choche 'oopashec. Qataq saishet da ỹaỹaten damaye, cha'aye saishet da netanguit So Saqcha'a La'añaxac Ñim Lo'onatac 'Enauacna.

Mateo 26:31

Qaq co'ollaq ivildesheguemec aso qaỹoqotcheguemec 'alhua maye nanqa' ana Olivo, nache So Jesús 'enapegalo soua lapaxaguenataqa, 'eeta': –Ne'ena pe qami' deqat da qarpi'iỹaxaqui Aỹem. Cha'aye ana nere maye huetalec na la'aqtacpi Ñim Lo'onatac 'Enauacna, 'eeta': «Salauat qome ñim ilotague' ana qagueta nache ana qaguetapi qome nlagaxattac.»

Juan 6:66

Huaña, nache ỹataqta qalota nam quetague' So Jesús da ỹaxaañi da quegue Somaye.

Mateo 24:10

Nache qalota qome nam Aỹem ca'attague' da ỹaxanec da lpi'iỹaxac Aỹem, qataq huo'o qome ca decachiỹalec ca lỹa da sa iyacnapec, cha'aye souaxat da lquiỹaxa.

1 Pedro 2:8

Nataqa'en ye lỹa nanettalec ana nere maye huetalec na la'aqtacpi Ñim Lo'onatac 'Enauacna 'eeta': «'Ena nam coma' maye qalota na desalliilec; qataq qalota na pogolaxaisop.» ¡Qaq namayepi ivireguet de'era! ¡Souaxat da saishet da ỹa'amaqten da na'aqtaguec So Jesucristo!

Mateo 18:7

Qalota na lataxaguesat ana 'alhua da ỹo'oteguet na shiỹaxauapi da saishet da ỹalaxaguet Ñim Lo'onatac 'Enauacna, qataq qaica ca lataxac da huo'otaq qaivita'aguet. Qalaxaye ¡ỹataqta qauem da taỹa'ague cam ỹo'otec ca lỹa da sa ỹalaxaguet Ñim Lo'onatac 'Enauacna!

Gálatas 5:11

Qami' ỹaqaỹa't, da aỹemctaxa da sa'axatec da 'enauac, iuen da qaỹauo'o ca na'anaxat da qaro'ocỹaxaqui, nache nam aỹem ipa'agueetacpi ỹaxaañictaxa da aỹem icaatac, nache de'era na'aqtaguec da l-leuaxa So Cristo co'ollaq qaiuaxaneguet so npe'enaxaqui, saishettaxa da inogoqchet namayepi.

Salmos 119:1

Ỹataqta machiguiñi qome cam quetague' so no'on nqa'aic, cam ỹataqta queteguelo naua lqataxaco Ñim Nataxala'.

Lucas 2:34

Nache so Simeón ỹan da no'on la'aqtac. Ime, nache 'enapega aso María asom late'e So Jesús, 'eeta': –Ñim Lo'onatac 'Enauacna namaq ne'ena nogotolec da yaqto' qalota na nca'alec na Israel le'ecpi, qaq ca laỹepi na Israel le'ecpi qalaq huo'o ca nhuaxanaguec. Ñim Lo'onatac 'Enauacna namaq namaye da yaqto' qaỹaỹateeteguet da 'eetapeguec Ñimaye, qalaxaye qalota qome na dataỹa'aguet.

Mateo 5:29

Qaq ỹoqo'oye ca ilota'a ana 'oiguishe 'ara'aite da 'am ỹo'otec da sa 'aualaxaguet Ñim Lo'onatac 'Enauacna, nache no'on da 'anqat, nache 'auỹotaxateueegue da 'auasaxauec. Cha'aye ỹaỹamaqchiguiñi da huo'o ca deqat naua 'ogoxoshe'ete, qalaxaye saishet da ỹaỹamaxañi da imauec da 'aro'ocỹaxac da qaỹasaxaña ca nhuaxanaqa' na 'etaxaloxoicpi.

Mateo 13:21

Qalaxaye souaxat da saishet da ỹoqta ỹaỹateeta de'era na'aqtaxanaxac, nache saishet da 'eetai' de'era ntonaxac. Cha'aye da huo'o da ivireguet lqalaic, huo'otaq da sa qaiyacnapec souaxat da ỹalaxaguet Ñim Lo'onatac 'Enauacna, nache saqaỹaloq da icoua'ai de'era na'aqtaxanaxac.

Marcos 6:3

¿Sa nachero' peta'a da qo'oipaq lo'o, maye llalec aso María qataq lqaỹa so Santiago, José, Judas qataq so Simón? Qataq ¿saq hueta'a peta'a nam souaqta'a soua lqaỹa't 'alol? Nache So Jesús sa ỹaỹaten naqa'en ca 'eetec somayepi.

Lucas 7:23

¡Ñim Lo'onatac 'Enauacna ỹaalec da nqouagaxa qome nam saishet da Aỹem ỹalat souaxat da so'ottac de'era!

Juan 16:1

Qaq qami' sa'axatema nagui de'era, yaqto' saishet da qaỹa'axañiiuec da qarpi'iỹaxaqui Aỹem.