Mateo 11:5 - La'aqtaqa Ñim Lo'onatac 'Enauacna 2013

⁵ Nagui nam sanauaañi, qalaq nauaachiguiñi, qataq nam ñe'eerauo naua lchel, qalaq queuoỹapigui', qataq nam nchega na lo'oc, qalaq no'oita, qataq nam sa hua'aqa, qalaq ishet da hua'aqa, qataq na mashe ileu, qalaq nca'alec qanqa'en, qataq nam choxoraqpi, qalaq qaỹa'axatem da no'on na'axaỹaxac maye chegaqaigui da nca'alaxa.

Nuevo Testamento Toba Sur

⁵ Qau'axachiim camayi da na qaicaua naua l'ai'te, qalaq nlouec, qataq nam ñi'iidauo naua lchil, qalaq queuoÿapigui', qataq nam nchiga na l'oc, qalaq qaiÿouec da lalolaxa, qataq nam sa hua'aqa, qalaq ishit da hua'aqa, qataq na mashi ileu, qalaq nca'aleec qanqoÿin, qataq nam choxodaqpi, qalaq qai'axatem da n'aqtac mayi chigaqaigui da nca'alaxa.

Nuevo Testamento Toba Sombrero Negro

⁵ A'uaĝachem qomle da'me male nauachidiñe jogaa'me qana'mi, nataq'aen jogaa'me uayodaĝayaqa male yeuo'tape, jogaa'me daloĝo lalataqa male yoqovite' da'me lapite'na't, jogaa'me ja domachiya'ape male domachi'y, jogaa'me joote yele'u yitaĝa nec'alidijeguem nataq'aen jogaa'me choĝodache male qo'yaĝatapema da'me onaĝaic Dios 'laqataĝanaĝac.

Mateo 11:5 Referans Kwoze

Lucas 4:18

«So Saqcha'a La'añaxac Ñim Lo'onatac 'Enauacna Aỹem netanguit, cha'aye Aỹem Lca'aguishec qataq Aỹem namaq da sa'axatem da no'on la'axaỹaxac nam choxoraqpi, qataq da sa'axatem da qaisouec na ncoñeteguishecpi, qataq she'eguelaxatem da nauaañi na sa nauaañipi, qataq da yaqto' ñeca'alaxatec nam sa qaiyacnapec,

Isaías 29:18

Qaq que'eca na'a'q nache nam saq hua'aqapi ishet qome da hua'axaỹa da qaitaxaỹaxan aca nere, qaq na qanamaicpi qalaq ishet qome da nauaañi, cha'aye huesoueeguesop qome ca ỹataqta lta'araic napalaxa.

Santiago 2:5

Qami' ñauochaxau' ỹaqaỹa't, ỹataqta aỹem qana'axaỹaxañiỹa: Ñim Lo'onatac 'Enauacna lca'aguishec na shiỹaxauapi choxoraq maye huetalec ana 'alhua, yaqto' namayepi da naquitaxac Ñim Lo'onatac 'Enauacna, nachera da ỹoqta 'eesa lsallaxa. Nataqa'en lca'aguishec na choxoraqpi da yaqto' ỹaconeguet da lo'onataxanaxac Ñim Lo'onatac 'Enauacna maye ỹachaxanapeguem co'ollaxa nam ỹauotec Ñimaye.

Mateo 21:14

Ime, nache huo'o so qanamaicpi qataq som saishet da queuoỹapigui' naua'a So Jesús, nache Somaye nataren 'enauac somayepi.

Juan 10:38

Qalaxaye da huo'otaq so'ottac damaye, nache na'aictaxa da Aỹem sa qaua'amaqchiñi, qalaxaye qaua'amaqchiñi nam so'otpi, yaqto' ishet da imauec da qauaỹaañi da Ñim Ita'a qataq Aỹem 'oonolec da qarataxac.

Juan 10:25

Nache So Jesús 'enapeco': –Mashe ime mque' da qami' sa'aqtaxaateguema, qalaxaye saishet da Aỹem qaua'amaqchiñi. Nam so'ottacpi, namayepi nachena na Aỹem ỹamaxalecpi Ñim Ita'a, qaq nachena nam 'eeta'am da qami' da'aqtaxanema.

Juan 5:36

Qalaxaye Aỹem huo'o da ña'aqtaguec maye ỹataqta napacalec da la'aqtaxanaxac so Juan. Cha'aye nam so'ot, nachena na Aỹem ỹamaxalec Ñim Ita'a. Qaq nachena na ỹoqta ichoxot da 'eesa da Aỹem namaq Ñimaye.

Juan 3:2

Se'eso Nicodemo huo'o so pe, nache somaye nqo'ona So Jesús. Nache 'enapega, 'eeta': –'Am Napaxaguenataxanaq, qomi' saỹaanaq da 'am namaq Ñim Lo'onatac 'Enauacna da qomi' 'auapaxague'n. Cha'aye qaica ca ishet da ỹo'ot na 'auo'otpi na'anec maye sa qaỹauanapega. Nachaqcata cam hueta'aguet Ñim Lo'onatac 'Enauacna.

Juan 2:23

So Jesús co'ollaq ñaq hueta'a ye Jerusalén da ỹalectaua'alo soua na'axa'te maye laloxoqui' da qaiuennate so na'a'q maye le'enaxat da Lapascua, nache ỹataqta qalota na ỹa'amaqten Somaye, souaxat da ỹauaachigui na ỹo'otpi na'anecpi maye sa qaỹauanapega.

Marcos 9:25

Nache So Jesús co'ollaq ila'aguet da mashe qalota na shiỹaxauapi da huotaique qanpataxagui Somaye, nache nlaxa so saqcha'a na'añaxac leguemaxaic, 'eeta': –'Am saqcha'a na'añaxac leguemaxaic maye saq da'aqtaxan 'anqa'en ne'ena nsoq, ¡'am shenapega da qoca'ai, qataq saishet da 'añe'eguelaxa namaye!

Marcos 7:37

cha'aye huo'o da la'aalaxa, nache 'eeta': «So Jesús ỹataqta 'enauac nam ỹo'ot ỹaỹamaqchiguiñi. ¡Cha'aye ivira'a da hua'aqa naqa'en na da'añaigui na lqaic, qataq na qaicaua naua la'aqtaqa qalaq detaqa naqa'en!»

Mateo 10:8

Qataq qanatayiñi nataqa'en na sa no'onpi. Qataq qanca'alaxacheeuec nam mashe ileupi. Qataq qanatayiñi nam nchega na lo'oc, qataq qauo'oyiỹauec na saqcha'a na'añaxac leguemaxaicpi maye netaigui na shiỹaxauapi. ¡Qataq saishet da qauỹaxañiỹaique aca lasheue nam qauo'oche, cha'aye de'era na'añaxac maye qauo'onataxañiitega damaye chegoqo'ot Ñim Lo'onatac 'Enauacna qataq choche qami' qoỹaatema!

Mateo 9:30

Huaña nache se'esoua qanamaiqa ỹe'eguelaxa da qaltaq nauaayiñi. Nache So Jesús 'enapegalo soomaye, 'eeta': –Saishet qome da huo'o ca qaua'aqtaxañim de'era.

Isaías 66:2

¡Ye Aỹem maiche ỹo'onatac 'enauac nam huo'o, qaq 'era da 'eetec da huo'omshe yo'oq namayepi! Qaq 'era da la'aqtac Ñim Nataxala'. Cam shiỹaxaua maye selotagui nacheca cam choxoraq qataq daquicotac, maye huo'o naq 'eneque naqa'e'n naua ỹa'aqtaqa.

Isaías 43:8

Ña qaua'aqaita'a da anac nam ỹalamaxat nhuo' le'ecpi, maye huo'oi naua la'ai'te qalaxaye sanauaañi, qataq huo'oi naua ltela lauaco qalaxaye sa hua'aqa.

Salmos 146:8

Ñim Nataxala', ỹo'ot da nauaachiguiñi nam sa nauaañipi, Ñim Nataxala', nauaxaỹaxaasheguem nam huetaiya'pi, Ñim Nataxala' ỹauotec nam shiỹaxauapi maye no'on da lataxac,

Salmos 22:26

Qaq deque'e qome na choxoraqpi nache ivitta'a da comaraxaicpi, qataq ỹo'oxoren qome Ñim Nataxala' na nmittaique Ñimaye, huaña nache qaỹoqtrec naua vi'iye da nachaalataxac.

2 Reyes 5:14

Huaña, nache so Namán, taxaama co'ollaxa so tala Jordán, nache siete da huomñigui, ipacchigui da la'aqtac so la'aqtaxanaxanec Ñim Lo'onatac 'Enauacna, nache na lo'oc somaye ỹe'eguelaxa da 'eeta'am na lo'oc ca nogotolec, nache ỹataqta no'oita.

2 Reyes 5:7

Qaq so nta'a ye Israel, co'ollaq ime da itaxaỹaxaatac asa'aso nere, nache ncolaxata'aisalo soua alogo. Nache 'enapeco': ¿Peta'a nachaỹemo' da Ỹo'onatac 'Enauacna, da ishet da san qataq ñeqat da achaalataxac, da yaqto' que'eca nta'a aỹem namaxa de'era ỹale, da yaqto' no'oita ñaqa'en na lo'oc maye huetalec na lepra? ¡Ña qaumichiñiita de'era, cha'aye camaye yo'oqta da nmittaique ca lataxac da aỹem dataỹa'aguet!

Mateo 5:3

Ñim Lo'onatac 'Enauacna ỹaalec da nqouagaxa nam ỹataqta imato'ot da lpi'iỹaxac Ñimaye, cha'aye namayepi huetaigui da lo'onataxanaxac Ñimaye da ilo'ogue 'enauacna.

Hechos 2:22

Qaq ỹoqo'oye qami' Israel le'ecpi, qana'axaỹaxañiỹa da ỹa'aqtac, 'eeta': So Jesús maye Nazaret le'ec, Somaye ỹataqta qaỹaỹateeta da 'eesa lamaxashec Ñim Lo'onatac 'Enauacna. Qaq qami' qauauañiichigui co'ollaq Somaye ỹo'ot nam ỹo'ot da na'aalaxa qataq nam sa qaỹauanapega qataq nam na'anecpi maye qami' huanguilo da ỹo'ot naqa'en Somaye Ñim Lo'onatac 'Enauacna. Qaq qami' mashe sogote da qauaỹaañita damaye.

Zacarías 11:7

Nache aỹem selo'ogue aso qaguetapi maye taỹa'a da qaỹalauat. Qaq aỹem so'ot damaye souaxat nam desheenaxatega anamayepi. Qataq sauo'oi soua dos ỹasheltel: Aso 'oonole le'enaxat ñaqa'en «'Achecỹaxac» qaq aso lỹa le'enaxat ñaqa'en «Na'atta'a't».

Éxodo 4:11

Nache Ñim Nataxala' 'enapega, 'eeta': «¿Chaq negue't ca ỹauo'o na alap ca shiỹaxaua? ¿Qataq chaq negue't ca chegoqchigui da qaicaua naua la'aqtaqa ca shiỹaxaua, huo'otaq da da'añaigui na lqaic, huo'otaq da sa nauaañi, huo'otaq da nauaachiguiñi? ¿Peta'a sa nachaỹemo'?

Isaías 29:19

Qataq nam qaica ca la'amaqchec ỹe'eguelaxa qome da huo'o da lamaicỹaxac souaxat Ñim Nataxala', qataq nam ỹataqta choxoraqpi huo'o qome da ntonaxac souaxat Ñim Qui'itta Natamnaxala' na Israel le'ecpi.

Mateo 11:4

Nache So Jesús 'enapeco': –Qavi'iguelaqai, qaua'aqtaxañim ca Juan 'enauac nam qaua'aqaichigui qataq nam qauauañiichigui:

Mateo 12:13

Nache So Jesús 'enapega so ỹale, 'eeta': –Ña 'aỹa'anec na 'arhuaq. Qaq co'ollaq choche ỹanec na lhuaq so ỹale, nache no'oita, 'eeta'am so lỹa lhuaq.

Juan 9:7

Nache 'enapega somaye, 'eeta': –'Aue qome, 'anỹo, 'anqo'onaxaama añi laỹe' na 'etaxat le'enaxat Siloé. Nache se'eso qanamaic jec da nỹo. Qaq co'ollaq ñe'eguelaq, nache nauaachiguiñi.