Mateo 11:3 - La'aqtaqa Ñim Lo'onatac 'Enauacna 2013

³ ¿Peta'a nache 'am maye 'am Lca'aguishec Ñim Lo'onatac 'Enauacna maye ỹachaxanapec co'ollaxa da qomi' namaxalo, huo'otaq seuataqaique ca lỹa?

Nuevo Testamento Toba Sur

³ da yaqto' ina't, 'eeta': –¿Peta'a nachi'am mayi 'am nta'a nca'alaxaqui mayi qoÿiitega 'auanac co'ollaxa, loqo' chaq ña seuataqtaique ca lÿa?

Nuevo Testamento Toba Sombrero Negro

³ qaedi yachimaĝadeta, enapega't: —¿Qo'li naqa'am jo'ne yataqachiñe am Dios Liquiyac 'me qoyetapega ca'li da'me auanaequena, uotaĝa maliaĝa cha'li jeuataqataque ga'me jiyaĝaua laqaya?

Mateo 11:3 Referans Kwoze

Juan 11:27

Nache asomaye 'enapeco': –Aja', 'am Nataxala'. Aỹem sa'amaqten da nache 'am Lca'aguishec qataq 'am Llalec Ñim Lo'onatac 'Enauacna maye 'am qaỹa'axatta'aguet co'ollaxa da 'auanaỹa ana 'alhua.

Malaquías 3:1

Ñim Nataxala' maye Qaica ca Ỹaqalanapec 'enapec: «Mashe huotaique da ñamaq ñim ỹa'aqtaxanaxanec, da yaqto' iqataxanai' cam ñaqa'aic. Ñim Nataxala' maye qanmicheetaique, mashe saqaỹaloq da naỹa añim atamnaxaqui maye lalamaqte. ¡Mashe anacta nam na'aqtaxanaxanec maye ndoi' na aỹamaxataxac maye qanqopicheetaique!»

Hebreos 10:37

Cha'aye da la'aqtac Ñim Lo'onatac 'Enauacna, maye nanettalec ana nere maye huetalec na la'aqtacpi Ñimaye 'eeta': «Ỹataqta saqaỹaloq da nvi' cam iuen da anac, ¡mashe yaqta'a da nvi'!

Miqueas 5:2

Qaq 'am Belén, Efrata maye 'am saq 'amaqtaq da 'aualectaigui nam nhuo' le'ecpi na Judá, qalaq nache 'am chegoxoigui cam nataxala' qome na Israel, maye chegoxoguet so ỹataqta hua'auchiguiñi nhuo' le'ecpi.

Juan 7:31

Qalaxaye ỹataqta qalota na ỹa'amaqten Somaye. Nache namayepi 'eeta': –Ca Lca'aguishec Ñim Lo'onatac 'Enauacna qom nvi', qalaq ivira'a sa ỹañoxot da ỹo'ot na na'anecpi maye ỹo'ot de'era ỹale.

Juan 6:14

Nache som shiỹaxauapi maye ỹauaachigui de'era na'anec maye sa qaỹauanapega maye ỹo'ot So Jesús, somayepi 'enapeco': –Ỹoqta 'eesa damaye, da la'aqtaxanaxanec Ñim Lo'onatac 'Enauacna maye qaỹa'axatta'aguet co'ollaxa da naỹa ana 'alhua.

Zacarías 9:9

¡Ñaq 'antonapigui' qome, 'am nỹecpi maye qonetalec ana qasoxonaxa Sión! ¡'Auo'onaxaatac souaxat da 'antonaxac 'am Jerusalén! Mashe 'am nata'a na 'arta'a, maye no'on da lataxac, qataq deca'alaqtaxan, namaye qaica ca la'amaqchec, netalec na 'ashena llalec.

Génesis 3:15

Qaq Aỹem, so'ot da 'am, qataq ara 'alo qami' npa'aguenaxau', nache 'ena'am qome ca 'aỹa'alaqpi, qataq ca llalaqpi aramaye. Ca llalaqpi aramaye pigui qome na 'arqaic, qaq 'am 'anaigui qome ana lla'axa.»

Juan 16:14

Nataqa'en qami' ỹaỹaanaxanaxaneque 'enauac da sheeta, cha'aye Aỹem ỹo'oxoreetac.

Juan 12:13

Nache so shiỹaxauapi, iquesoq ana laue ana chaic, nache qata'aguet So Jesús. Nache ỹa'alaqtalec, 'eeta': –¡Sho'oxorenaq Ñim Lo'onatac 'Enauacna! ¡Ỹataqta ỹo'oxoraq da llecỹaxac, nam nactaigui da lamaxasoxonaxac Ñim Nataxala'! ¡Ỹataqta ỹo'oxoraq da llecỹaxac nam Lta'a na Israel le'ecpi!

Juan 4:21

Nache So Jesús 'enapeco': –'Am 'alo, Aỹem 'aua'amaqten nagui, ten anacta ca na'a'q da qami' saishet da iuen da qanqo'oñiisheguemec añi qaỹoqotcheguemec 'alhua, huo'otaq da qanqo'oñiỹa ye Jerusalén, da qavio'oxoyiñi Ñim Lo'onatac 'Enauacna.

Lucas 19:38

Nache 'eeta': –¡Ỹataqta ỹo'oxoraq da llecỹaxac na Qarta'a, maye nactaigui da le'enaxat Ñim Lo'onatac 'Enauacna! ¡Huo'o qome da nlagaxayec na piguem! ¡Qataq 'enauac da qaỹauatton da la'añaxac Ñim Lo'onatac 'Enauacna!

Marcos 11:9

Nache 'enauac so shiỹaxauapi nam hua'autapi, qataq nam nca'ataxaatauo, somayepi ỹa'alaqtalec So Jesús, 'eeta': «¡Qomi' 'anca'alaxatre'c! ¡Ỹataqta ỹo'oxoraq da 'arviraxac, 'am maye 'auanactaigui da le'enaxat Ñim Lo'onatac 'Enauacna!

Mateo 21:9

Nache 'enauac nam shiỹaxauapi maye hua'auta qataq nam nca'ataxaatauo ỹataqta ỹa'alaqtagui, 'eeta': «¡Qomi' 'anca'alaxatre'c, 'am maye 'am Lca'aguishec Ñim Lo'onatac 'Enauacna! ¡Ỹataqta no'on da 'icỹaxac 'am maye 'auanactaigui da le'enaxat Ñim Lo'onatac 'Enauacna! Qomi' 'anqouagueque, ¡qomi' 'anca'alaxatre'c, 'am maye 'Aro'onatac 'Enauacna qataq 'am 'amaqtaqaic!»

Mateo 21:5

«Qaua'aqtaxañim nam shiỹaxauapi maye hueta'a ye Jerusalén qoñiita': ¡Ñaq qauloỹeeguet, 'ena cha'aguet na qarta'ai! Namaye ỹataqta qaica ca la'amaqchec, anacta netalec na 'ashena, na 'ashena llalec.»

Malaquías 4:2

Qalaxaye qami', maye huo'o naq 'enec qanqa'eñi da ỹe'enaxat, dam no'on ỹataxac qalaq 'eroigui qome, 'eeta'am na le'eraxa añi nala', qaq na le'eraxa qalaq nachetac qome da nca'alaxa. Nache qami' qaparenaxañeetac qome, souaxat da qantonaxaqui, qoñeeta'am ca huaca llalaqpi da parenaxaatague' da chegaqaigui aca laỹe'.

Hageo 2:7

Qataq cholaxan ñaqa'en 'enauac na ỹotta'a't shiỹaxauapi, huaña qome nache namayepi ndouo 'enauac da lsallaxa, nache añi atamnaxaqui maye ỹalamaqte ỹataqta nlaqchigui qome da llo'oxoyec.» Qaq Ñim Nataxala' maye Qaica ca Ỹaqalanapec 'enapec:

Abdías 1:21

Qaq nam dauegaxanpi qalaq tasheguema qome añi qasoxonaxa Sión, da yaqto' nmit nam shiỹaxauapi maye nalec aye qasoxonaxapi maye na'alhua so Esaú. Qaq huaña, nache de'era no'onataxanaxac, ilo'ogue qome Ñim Nataxala'.

Oseas 3:5

Qaq qom ime de'era, nache na Israel le'ecpi ñe'eguelaq qome, nache nmitaique Ñim Nataxala' maye Natamnaxala', qataq so David maye lta'a namayepi. Qaq que'ecaua pa'atrec na'axa'te, nache namayepi ỹataqta huo'o naq 'enec naqa'en Ñim Nataxala', qataq da lqouagaxanaqtaic Ñimaye.

Isaías 7:14

Qaq ỹoqo'oye Ñim Nataxala' Nacheñi ñim qami' ỹanema qome ca na'anec: Aca qa'añole hualaxai qome nache acamaye ỹale qome ca llalec, qaq que'eca llalec acamaye ỹanagui qome da le'enaxat Emanuel, maye naigui da: ‹Ñim Lo'onatac 'Enauacna qomi' hueta'agueta.›

Salmos 118:26

Ỹataqta no'on da lviraxac ca nactaigui da le'enaxat Ñim Nataxala'. Ỹoqo'oye nagui da souaqtaigui na lma' Ñim Nataxala', nache qami' sanaxama da qanchoxonnataguiiqui.

Números 24:17

Aỹem huo'o da selota'a qalaxaye ñaq natauo, selota'a qalaxaye ñaq qaỹoqtaique, anamaye, huaqaañi maye chegoxoguet so Jacob, nta'a maye nachaañi qome chegoqtoigui na Israel. Nache ilaxachigui qome ye Moab qataq nlaxaañi na llalaqpi so Set.

Génesis 49:10

Qaica qome ca ishet da deuotaxanec da lamaxasoxonaxac da Judá qataq da lamaxasoxonaxat npon maye nasoqta'a, choche ivitta'a da nvi' cam lalamaxat de'era pon, cam ỹataqta ỹalaxaguet qome na nhuo' le'ecpi.

Génesis 12:3

Aỹem sechoxoren qome ca 'am ichoxorenpi, qaq ca 'am saichoxorenpi, qaq nataqa'en saishet da sechoxoren, qaq chegoqchigui qome 'am da 'enauac na nhuo' le'ecpi ana 'alhua da sasaxalec ca ichoxonnataxanaxa.»

Mateo 11:4

Nache So Jesús 'enapeco': –Qavi'iguelaqai, qaua'aqtaxañim ca Juan 'enauac nam qaua'aqaichigui qataq nam qauauañiichigui:

Mateo 11:10

qaq so Juan nacheso som ỹa'axa't co'ollaxa naua ñiyigui'she la'aqtaqa Ñim Lo'onatac 'Enauacna, maye 'eeta': «Aỹem samaq qome ca ỹa'aqtaxanaxanec da sa'auaxanegue dam 'ata'ague, da yaqto' ỹaỹamaxaañi 'enauac, yaqto' lhuotta qom 'avi'.»