Mateo 11:25 - La'aqtaqa Ñim Lo'onatac 'Enauacna 2013

²⁵ Nache se'eso na'a'q So Jesús ỹauo'o so la'aqtac ỹanot Ñim Lo'onatac 'Enauacna, 'eeta': «¡'Am Ita'a, maye 'aulotague' na piguem qataq ana 'alhua! 'Am sanot da ña'achec, cha'aye saishet da 'auachaxana de'era na huattonaxanaxaicpi qataq na ỹaanaxanaxaicpi. Nachaqrata da 'auachaxana na shiỹaxauapi maye qaica ca la'amaqchec qataq huesota.

Nuevo Testamento Toba Sur

²⁵ Nachi se'eso na'a'q so Jesús 'eeta': –'Am ita'a mayi 'am lataxala' na neta'ague da piguem qataq ana 'alhua, 'am shi'oxoden, cha'ayi 'am 'auachaxana nam qaica ca ÿaÿajnapec da 'ad'onataxanaxac mayi 'ai'oxoochiisop co'ollaxa nam ÿajnaxanaxaicpi qataq nam huattonaxanaxaicpi.

Nuevo Testamento Toba Sombrero Negro

²⁵ Jo'me jojo' nolo', Jesús enaac: —Nayi am 'ñonaĝachigui, am Taĝadena', Lejaliaĝanec di'me piyem nataq'aen jena'me aleua, qa'a auoĝochi'ñejopa jogaa'me yatenaĝanaĝayaqa nataq'aen tadenataĝanaĝayaqa naa'me naajo' uo'oe, qama'le aualoĝonalo joga'tae'me 'najodolqa.

Mateo 11:25 Referans Kwoze

Mateo 21:16

Nache somayepi 'enapega So Jesús, 'eeta': –¿'Am peta'a 'aua'aqtega dam 'eetega nam ñaqpiolec? Nache So Jesús 'enapeco': –Aja', sa'aqtega. Qalaxaye qami' ¿saishet peta'a da qautaxaỹaxañi naxa da 'enapec naua ñiyigui'she la'aqtaqa Ñim Lo'onatac 'Enauacna maye, 'eeta'?: «Nam ñaqpiolec maye ñaq qapio'olecpi, qataq nam ñaq lleptacpi, do'onaxaatac 'am ỹo'oxoreetac.»

Salmos 8:2

Qaq souaxat na 'ampa'aguenaxauapi, nache 'auachegoxotchigui da llo'oxonnataxanaxac na ñaqpiolecpi qataq natai' ñaq lleptacpi, da 'ano'oxoosheguem ca ñi'iguenaxaqui, da yaqto' vi'iiguet 'anqa'en da ltaxaỹaxac na sa ỹalaqpi qataq na depa'aguenataxaatacpi.

Mateo 16:17

Nache So Jesús 'enapeco': –¡Ỹataqta lta'araic qome da 'aramaicỹaxac, 'am Pedro maye 'am llalec so Jonás! Cha'aye saishet da maiche 'anallegoxottela't da 'auaỹaten de'era, nacheñi Ñim Ita'a maye neta'ague da piguem Ñim 'am ỹapaxaguen.

2 Corintios 3:14

Somayepi saishet da ivira da ỹaỹateeteguet. Ỹoqo'oye choche ivitta'a nagui da itaxaỹaxan na lereguishecpi so Moisés, nache saishet da ỹaỹaten. 'Eeta'am da qaỹapotalec da ntoonaxac. Nachaqsota So Cristo da ishet da itaunec da yaqto' ishet da ỹaỹaten.

Hechos 17:24

Ñim Lo'onatac 'Enauacna maye lo'onata ana 'alhua qataq 'enauac nam huetalecna. Ñimaye nacheñi Ñim lalamaxat na piguem qataq ana 'alhua. Ñimaye saishet da netaigui ca atamnaxaqui maye choche lo'onatac cam choche shiỹaxaua.

Juan 11:41

Nache qanqat so coma'. Nache So Jesús ỹamato'ot na piguem, nache 'enapeco': –'Am Ita'a, 'am sanot da ña'achecỹaxac, cha'aye 'am Aỹem 'aua'axaỹa.

Daniel 2:23

'Am, maye 'Am Natamnaxala' so ita'alpi, 'Am sanot da ña'achecỹaxac qataq 'Am sho'oxoren, cha'aye 'auo'ot da aỹem ỹaanaxanaxaic qataq aỹem 'añaxaic, cha'aye nagui aỹem 'aỹa'anem da saỹaten dam seỹaxanaqtaique, qataq qomi' 'auaỹaanaxanaxaneque dam ỹo'ot da lhuogoxo ñim nta'a.»

Isaías 66:1

Ñim Nataxala', 'eeta': «Na piguem nachena na ñeso'ootalec, qaq ana 'alhua qalaq nachana ana ỹapiaxalate. Qaq ¿hua'ague ca qaỹa'añiỹa'ague ca ima' da qano'oxoñiisheguem? Qataq ¿hua'ague ca qaỹa'añiỹaña cam ima' maye ishet da ñemataqa'?

Lucas 22:42

Nache, 'eeta': –'Am Ita'a, da 'aushet, qaq no'on da saishet da Aỹem 'apagaqna'aguet de'era que'eenaxac. Qalaxaye saishet qome da 'auo'ot ca maiche sheetapeguec, nachaqcata ca maiche qonetapeguec.

Daniel 4:35

Nam huetalec ana 'alhua qalaq qaica ca la'amaqchec da nachatto'ot Ñimaye, qataq Ñimaye da huo'o ye ỹo'ot qalaq maiche ca ỹataxaateuga, nam hueto'ot na piguem qataq nam huetalec ana 'alhua. Qataq qaica ca ishet da dataỹa'aguet da la'añaxac, qataq da ichemaxattac nam ỹo'otpi Ñimaye.

Isaías 5:21

¡Choxoraxaso' nam 'eetega ỹaanaxanaxaicpi, qataq nam 'eetega ỹaanataxanaxaicpi!

1 Crónicas 29:13

Ỹoqo'oye 'Am Qanatamnaxala', 'am sanaxam da qana'achec qataq sho'oxorenaq da ỹo'oxoraic 'are'enaxat,

2 Reyes 19:15

Nache so Ezequías nqouagaxaunot Ñim Nataxala', 'eeta': «'Am Nataxala', maye Natamnaxala' na Israel le'ecpi, maye aca 'anso'onaxaqui netanguilo soua querubines, qataq nache 'amta da 'Am Atamnaxala' maye 'aulotalec 'enauac nam ỹotta'a't maye huetalec ana 'alhua, 'am 'aro'onatac co'ollaxa na piguem, qataq ana 'alhua.

1 Samuel 2:18

Qaq se'eso nsoqolec Samuel, somaye nache queto'ot da do'onataxaatacot Ñim Nataxala', ỹaatañi naxa so efod maye chegaqaigui na lino.

Génesis 14:22

Qalaxaye so Abram 'enapeco': «Aỹem sanot co'ollaxa so ỹa'aqtac Ñim Nataxala', Ñim Lo'onatac 'Enauacna maye Nataỹaña 'enauacna, ñim ỹo'ot co'ollaxa na piguem qataq ana 'alhua,

Génesis 14:19

nache ỹanem so Abram da no'on la'aqtac maye, 'eeta': «Ñim Lo'onatac 'Enauacna, maye Nataỹaña 'enauacna, ñim ỹo'ot co'ollaxa na piguem qataq ana 'alhua, 'am ỹanem qome ca lchoxonnataxanaxa,

Da na'aqtaguec so Job 37:24

Qaq ỹoqo'oye na shiỹaxauapi ỹataqta ñi'iỹa Ñimaye, cha'aye qaica ca naigui naqa'en, na 'eetega ỹaanaxanaxaicpi.»

Lucas 23:34

[Nache So Jesús 'eeta': –'Am Ita'a, 'auchoxoren namayepi, cha'aye sa ỹaỹaten dam ỹo'ottac.] Ime, nache som huataxanaqpi nallettapiguilo soua alogo So Jesús da chaq negue't ca taleguete soomaye.

Juan 12:27

Qaq nagui ỹataqta lta'araic da ñeque'eenaxac, qataq sa saỹaten ca sheetec. Qaq Aỹem huo'o da iyaxa da shenapega Ñim Ita'a da saishet da Aỹem ỹasheneguet de'era ñeque'eenaxac. Qalaxaye Aỹem saishet da sheetec de'era, cha'aye Aỹem ñanaỹa ana 'alhua da so'ot ca 'eetapeguec Ñimaye.

Juan 12:28

Nachaqrata da shenapega Ñimaye, sheeta': «'Am Ita'a ñaq 'auachaxana na shiỹaxauapi da 'ara'añaxac.» Huaña, nache qaỹa'axaỹa so nvilỹaxac, chemaqot na piguem, 'eeta': –Mashe sogote da sachaxan da ỹa'añaxac, qalaxaye nagui qaltaq she'eguelaxalec da sachaxan.

1 Corintios 2:10

Qaq 'era da qomi' ỹauattonaxanaxaneque Ñim Lo'onatac 'Enauacna, chegoqchigui naqa'en So Saqcha'a La'añaxac, cha'aye Somaye ỹaỹaten 'enauac, qataq ivira'a da ỹaỹaten na saqcha'a 'eetapeguecpi Ñim Lo'onatac 'Enauacna.