Mateo 11:22 - La'aqtaqa Ñim Lo'onatac 'Enauacna 2013

²² Qaq ỹoqo'oye qami' shenapegalo da que'eca pa'atec na'a'q qom qaỹauo'o ca nhuaxanaguecna, nache qami' ỹataqta ỹactec ca qanhuaxanaguiiqui, saq 'ena'am nam netaña ye Tiro qataq ye Sidón.

Nuevo Testamento Toba Sur

²² Qaq ÿoqo'oyi qami' shinapegalo da que'eca pa'ateec na'a'q qom qaÿauo'o ca nhuaxanaguecna, nachi qami' ÿataqta ÿacteec ca qanhuaxanaguiiqui, qaq saq 'en'am nam netaña yi Tiro qataq yi Sidón.

Nuevo Testamento Toba Sombrero Negro

²² Qalaĝaja ami ja'aĝatema queda'me ga'me nolo' qom 'uo da'me nec'atenaĝanaĝac qama'le yataqachiñe lama'aja ga'me ane'uaĝanaguequi ja aueñiya'ama ga'me jiyaĝadipi 'me 'lachaqa't di'me Tiro nataq'aen Sidón.

Mateo 11:22 Referans Kwoze

Mateo 11:24

Qaq Aỹem qami' shenapegalo da que'eca pa'atec na'a'q qom qaỹauo'o ca nhuaxanaguecna, nache qami' ỹataqta ỹactec ca qanhuaxanaguiiqui, qaq saq 'ena'am se'eso shiỹaxauapi maye netaña se'eso nỹecpi ye Sodoma.»

Mateo 10:15

Qaq ỹataqta 'eesa de'era qami' sa'aqtaxanema da qom ivita que'eca na'a'q da qanmit 'enauacna, nache ca nhuaxanaguec que'eca shiỹaxauapi ỹataqta napacalec qome da nhuaxanaguec som shiỹaxauapi maye netaña co'ollaxa so nỹecpi le'enaxat Sodoma qataq Gomorra.

1 Juan 4:17

Qaq da ỹoqta 'eesa da sauotaxac na qarqaỹañicpi qataq shenaqta'am da 'eetec So Jesucristo co'ollaq huetalec ana 'alhua, nache saishet qone' da qomi' icolanaqche't que'eca na'a'q qom ñe'eguelaq So Jesús da nmit 'enauac na shiỹaxauapi.

Mateo 12:36

Qaq Aỹem ỹataqta 'eesa de'era qami' sa'aqtaxanema da que'eca na'a'q qom ivita da qanmit 'enauacna, nache 'enauac na shiỹaxauapi ỹa'axat da ta'ainco' co'ollaxa da detaxaỹa ca lỹa qalaq sa iyacnapec.

Lucas 10:14

Qaq ỹataqta 'eesa de'era qami' sa'axatema da que'eca na'a'q qom qanmit 'enauacna, qalaq qami' ỹactec ca qauacoñiiguet qanhuaxanaguiiqui, saq 'ena'am yeemaye.

Ezequiel 29:18

«Ñi Nabucodonosor maye nta'a ye Babilonia, lỹatac na nalleppi, ỹataqta ỹauo'o da na'añaxataxac da iloquiaxan ye Tiro, nache ivira'a da ñeuec na laue, qataq toccheguilo naua lallaco, qalaxaye ñimaye qataq na nalleppi, qaica ca ỹachegoxotaigui da l-loquiaxanataxanaxac co'ollaq iloquiaxan ye Tiro.

Jeremías 27:3

Ime nache 'auamaxa ca 'ara'aqtac na nta'alpi ye Edom, Moab, Amón, Tiro qataq ye Sidón, nache 'auamaxague na namaxashecpi maye nvita na Jerusalén da namaqtega ñi nta'a Sedequías.

Jeremías 25:22

qataq 'enauac na nta'alpi ye Tiro qataq ye Sidón, qataq 'enauac na nta'alpi maye netaña nam ỹotta'at 'alhuapi ye 'alhua Mediterráneo,

2 Pedro 3:7

Qalaxaye nataqa'en ỹachegoxotchigui se'eso la'añaxac da Ñim Lo'onatac 'Enauacna ỹan da la'aqtac, da qom ivita que'eca laloqo', nache na piguem qataq ana 'alhua maye huo'oi nagui, naamaye ilaxachiguilo, irolec ca norec. Naamaye qaỹavigaxa't qom ivita que'eca na'a'q da Ñim Lo'onatac 'Enauacna nmit 'enauacna, nache ilaxachigui 'enauac nam ỹo'ottac na qauem.

2 Pedro 2:9

Qaq de'era qomi' ỹachaxanalo Ñim Lo'onatac 'Enauacna, da Ñimaye ỹaỹaten da ỹaỹamaxaañi nam lqalaiguesat qataq nam ishet da nqanaxat nam ỹalaxaguet Ñimaye, qataq nataqa'en ỹaỹaten da ỹauo'o ca nhuaxanaguec nam ỹo'ottac na qauem. Qaq damaye ỹo'ot que'eca na'a'q qom nmit 'enauacna.

Hebreos 2:3

qaq ỹataqta 'eesa qone' da huo'o ca qanhuaxanaguec da saishet da ñetelaqa'a de'era nca'alaxa maye ỹataqta qaica ca 'ena'am. Cha'aye So Qarataxala' nacheso so la'auaxanec da ỹa'axat de'era nca'alaxa, qataq nam na'axaỹaxaatega co'ollaxa de'era na'aqtaxanaxac nataqa'en qomi' ỹachaxanalo da ỹataqta 'eesa.

Joel 3:4

Qami' Tiro, Sidón qataq Filistea le'ecpi, ¿negue't ca qoñeetapeguec da sheeta? ¿Peta'a qansheetaique da aỹem qavi'iguelaxachiỹa'aguet? Qaq da nache qoñeetec de'era, nache aỹem sa ñaỹaloxon qome da qami' taleguete ñaqa'en ca qanhuaxanaguiiqui.

Mateo 11:21

«Qami' maye qarmaye ye Corazín ¡ỹataqta qauem da qa'aita'ague! ¡Nataqa'en qauem da qa'aita'ague qami' maye qarmaye ye Betsaida! Cha'aye nam netaña ye Tiro qataq ye Sidón, da huo'otaq huaña taxa nam qaỹo'otpi maye qami' qaỹachaxanalo, qaq sogotectaxa quesom yemayepi da ca'aisalo naua qauema lataxaco, qataq da nachaxaata da ỹaayiñi naua alogo maye qaica ca lya'c, qataq da imeelec na lqaic na alo da ỹachaxan da naralaxat da lhuennataxac.

Apocalipsis 20:11

Qaq can ime de'era, nache sela'a aso late'erai so'onaxaqui lapagaxai qataq som nso'ootangui asomaye. Huaña, nache ana 'alhua qataq na piguem ỹataqta nlagaxatapec, nache qaica ca ishet da qaltaq ila'a.

Apocalipsis 20:12

Nache sela'a 'enauac nam ileu co'ollaxa nam qaica ca la'amaqchec qataq na 'añaxaicpi, nachattaua'a aso so'onaxaqui. Huaña, nache qaỹauachigui aso nerepi maye nanettalec nam ỹo'ot ñim 'oonolec shiỹaxaua. Nataqa'en qaỹauachigui aso lỹa nere maye naneraxalate nam qanca'alaxatec qataq chochaq tatec da hueta'aguet Ñim Lo'onatac 'Enauacna. Qaq nam leuaxaicpi qanmit ñi 'oonolec qaipagaqchiichigui nam ỹo'otpi maye nanettalec asa'aso nerepi.