Mateo 11:21 - La'aqtaqa Ñim Lo'onatac 'Enauacna 2013

²¹ «Qami' maye qarmaye ye Corazín ¡ỹataqta qauem da qa'aita'ague! ¡Nataqa'en qauem da qa'aita'ague qami' maye qarmaye ye Betsaida! Cha'aye nam netaña ye Tiro qataq ye Sidón, da huo'otaq huaña taxa nam qaỹo'otpi maye qami' qaỹachaxanalo, qaq sogotectaxa quesom yemayepi da ca'aisalo naua qauema lataxaco, qataq da nachaxaata da ỹaayiñi naua alogo maye qaica ca lya'c, qataq da imeelec na lqaic na alo da ỹachaxan da naralaxat da lhuennataxac.

Nuevo Testamento Toba Sur

²¹ –¡Ÿataqta qami' choxodaxasodo', qami' mayi qoñiitaña yi pueblo Corazín! ¡Nataq'en qami' mayi qoñiitaña yi pueblo Betsaida! Cha'ayi nam netaña yi la ciudad Tiro qataq yi Sidón, da huo'otaq huañáctaxa nam qai'otpi mayi qami' huaiguilo, qaq sogotéctaxa quesom yimayipi da ca'aisalo naua n'onataxaco, qataq da nachaxaata da ÿaayiñi naua alogo na huasouaxaic qataq da nmettala't na alo.

Nuevo Testamento Toba Sombrero Negro

²¹ —¡Degueja da'me adachoĝodec qomle am Corazín, nataq'aen am Betsaida! Qa'a ta'le qoyacha'ña di'me Tiro nataq'aen Sidón da'me jaloĝon dojo' yañoqotaĝanaĝac jo'ne joote ami jaloĝonouelo, qama'le joote 'niyelaĝadetot ca'li ñe'me Dios, yaidiñe ga'me leuo jo'ne dola'y nataq'aen necouadiye ga'me jalo.

Mateo 11:21 Referans Kwoze

Hechos 12:20

So Herodes ỹataqta dalemataỹa nam shiỹaxauapi maye netaña ye ñegaxasom le'enaxat Tiro qataq ye Sidón. Qaq ỹoqo'oye huaxaỹapega't so shiỹaxauapi maye lma' se'esoua ñegaxasom da qaitaxaỹapegue' so Blasto, som lmala' ana alom som nta'a da yaqto' qanmitaique ca lataxac da qaica camachaqca, cha'aye yi'iye 'alhua deuaqto'ot so Herodes da ỹachegoxottacot nam lhuenec.

Juan 12:21

Soomaye nqocheneua'a so Felipe, maye lma' ye Betsaida yem huaigui ye 'alhua Galilea. Nache nachoxoreetracot somaye, 'eetra': –Qomi' 'anqouagueque, qomi' sauoqtaique da ñauanaxai' ca Jesús.

Lucas 9:10

Nache soua lapaxaguenataqa co'ollaq mashe ñe'eguela'q, nache da'aqtaxaatrapeguem So Jesús 'enauac nam ỹo'otpi. Ime, nache So Jesús nnaicapegueto soomaye da nqo'onalo ye nỹecpi ye Betsaida, cha'aye huotaique da ndoteto soomaye.

Marcos 6:45

Qaq co'ollaq ime de'era, nache So Jesús 'enapegalo soua lapaxaguenataqa da huenooyingui aso nllocta da ỹa'axasoxoorelec aso lapel, nache ilottra ye nỹecpi ye Betsaida, qaq Somaye no'onañi da ncoyegueetague' so shiỹaxauapi.

Mateo 15:21

Nache So Jesús ca'ai yi'iye hueta'a, nache taỹa so 'alhua maye saqaỹapeque ye Tiro qataq ye Sidón.

Da na'aqtaguec so Job 42:6

Qaq ỹoqo'oye nagui sha'axaneguet da itaxaỹaxac, souaxat na ỹa'aqtacpi co'ollaxa, nache ñeso'ongui qome na namoxoỹaxa, qataq semeelec na ỹaqaic na alo, cha'aye huo'o da ñetogotaxac.»

Judas 1:11

Qaq ỹataqta ¡choxoraxaso' namayepi! Cha'aye da lataxac 'eeta'am so Caín, qataq souaxat da lyaxa da nauec aca anom, nache 'eeta'am da lataxac so Balaam. Ỹataqta ỹaguec da qauemaicpi, ỹoqo'oye da l-leuaxa 'eeta'am da l-leuaxa so Coré souaxat da npa'aguenaxac.

Juan 1:44

Qaq se'eso Felipe, somaye lma' ye Betsaida, yem nataqa'en lma' so Andrés qataq so Pedro.

Lucas 6:17

Nache So Jesús qataq soua doce lamaxa'she huenoteeguesopa aso qaỹoqotcheguemec 'alhua, nache nqo'onalo so nalochiguiñi 'alhua. Huaña yemaye, nache lapona't so qalota maye ca'attague' Somaye. Nataqa'en qalota na hueta'a yemaye na chegaqa'alo naua 'aleu' maye huaigui ye 'alhua Judea, nataqa'en na chegaqa'a ye nỹecpi ye Jerusalén qataq huo'o na chegaqa'a ye nỹecpi Tiro qataq Sidón,

Marcos 8:22

Qaq co'ollaq ivilda ye nỹecpi le'enaxat Betsaida, nache huo'oi soua shiỹaxau' naueguereua'a So Jesús so qanamaic, nache nachoxoreetracot Somaye, da yaqto' ỹashel-lec.

Marcos 7:31

Nache So Jesús qaltaq ca'ai ye nỹecpi le'enaxat Tiro, nache taalec ye 'alhua Sidón, choche ivittaxaama aso lapel ye Galilea yem 'alhua Decápolis.

Mateo 18:7

Qalota na lataxaguesat ana 'alhua da ỹo'oteguet na shiỹaxauapi da saishet da ỹalaxaguet Ñim Lo'onatac 'Enauacna, qataq qaica ca lataxac da huo'otaq qaivita'aguet. Qalaxaye ¡ỹataqta qauem da taỹa'ague cam ỹo'otec ca lỹa da sa ỹalaxaguet Ñim Lo'onatac 'Enauacna!

Mateo 11:22

Qaq ỹoqo'oye qami' shenapegalo da que'eca pa'atec na'a'q qom qaỹauo'o ca nhuaxanaguecna, nache qami' ỹataqta ỹactec ca qanhuaxanaguiiqui, saq 'ena'am nam netaña ye Tiro qataq ye Sidón.

Hechos 27:3

Qaq so lỹa na'a'q, nache seviraxa ye ñegaxasom le'enaxat da Sidón. Qaq yemaye nache huaña da so Julio ỹataqta ỹaỹamaxatta so Pablo, nache ỹasheetem somaye da yaqto' namaqtega na nauochaxauapi maye lma' ye Sidón, qataq ỹasheeta da somayepi ishet da itauan so Pablo.

Lucas 4:26

qalaxaye Ñim Lo'onatac 'Enauacna saishet da ỹamaq so Elías, da 'enauac itauan asomayepi. Nachaqasota aso 'oonole pa'ai maye lma' ye Sarepta, maye saqaỹapeque ye Sidón.

Marcos 7:24

Qaq co'ollaq ime de'era, nache So Jesús ca'ai ca hueta'a, nache taỹa ye nỹecpi le'enaxat Tiro. Qaq nache huo'oi soua na'axa'te da hueta'a so 'oonolec nỹec qataq saỹaỹamaxaren da qaỹaỹaten da hueta'a yemaye. Qalaxaye saỹañoxot da nqañoxooñi.

Mateo 26:24

Ana nere maye huetalec na la'aqtacpi Ñim Lo'onatac 'Enauacna ỹataqta ỹataqtegue da la'aqtaxanaxac da ỹa'axattac Aỹem maye Aỹem Shiỹaxaua Llalec da iuen da seleu. Qalaxaye ỹataqta qauem da talec qome ñim Aỹem ỹaneuo. ¡Ỹataqta 'onaxaictoxo' co'ollaxa da saishet da nañiguiñi ñimaye!

Jeremías 13:27

Aỹem sauaachigui da 'arapaxaỹaxa qataq da 'ancachaxac qataq da 'arquisheguetaxac maye ỹo'ot da na'agaxa, qataq naua qauema maye 'auo'o't da huaña ana lcomaraxalatepi qataq na no'onaxapi. ¡Qaq choxoraxaso' 'am Jerusalén! ¿Chaq laguio' qaq 'anqui'itaxat?»

Joel 3:4

Qami' Tiro, Sidón qataq Filistea le'ecpi, ¿negue't ca qoñeetapeguec da sheeta? ¿Peta'a qansheetaique da aỹem qavi'iguelaxachiỹa'aguet? Qaq da nache qoñeetec de'era, nache aỹem sa ñaỹaloxon qome da qami' taleguete ñaqa'en ca qanhuaxanaguiiqui.

Amós 1:9

Qaq Ñim Nataxala', 'eeta': Na Tiro le'ecpi ỹataqta qalota nam qauem ỹo'otpi, ỹoqo'oye saishet qome da saxaañi da sauo'o na nhuaxanaguecpi, cha'aye so qalota nhuo' le'ecpi maye loxonecpi co'ollaxa imenot na Edom le'ecpi da yaqto' l-latacpi, qaq saq tagui lauel da naỹamaxataxac co'ollaq naỹamaxate' da 'eco' lqaỹañecpi somayepi.

Apocalipsis 6:12

Qaq se'eso Qagueta Llalec can qaltaq ivita da nqat aso seis soua na'anaxanaqtel, qaq samata'a, nache huo'o so lta'araic qalagoxoñi ana 'alhua. Qaq añi nala' qalaq 'om, qaq ñi ca'agoxoic qalaq ỹataqta 'eeta'am na ntago'q da ltogaxa.

Apocalipsis 11:3

Nache Aỹem sama'q caua dos ỹa'aqtaxanaxanaqa, da yaqto' ỹa'axa't da ỹataqta 'eesa ỹa'aqtaxanaxac. Qaq caamaye qom sama'q qalaq ỹaatrañi ñaqa'e'n caua alogo lasouaxaqui', da yaqto' ỹa'axat da ỹa'aqtaxanaxac iviraxattre'c que'ecaua tres vi'iye qataq ca laiñi ca lỹa vi'i.»