Mateo 11:18 - La'aqtaqa Ñim Lo'onatac 'Enauacna 2013

¹⁸ Cha'aye so Juan maye nachelaxanataxanaq, somaye nqouaqchettac, qaq qami' qalaq qoñiitega da huo'o ca netaigui saqcha'a na'añaxac leguemaxaic.

Nuevo Testamento Toba Sur

¹⁸ Cha'ayi anac so Juan, qalaq somayi sa ishit da deque'e, qataq sa ishit da nÿomtac, nachi qami' qoñiitega da huo'o ca l'ec leguemaxaic.

Nuevo Testamento Toba Sombrero Negro

¹⁸ Qama'le da'me ami yataqata aueñiya'ama jogaa'me, qa'a novi' ca'li ñe'me Juan, jo'ne ja deque'e uotaĝa ta'le niyomigui ga'me lataĝa, qama'te aueñiyapega da'me uetaye ñe'me payac lepaqal.

Mateo 11:18 Referans Kwoze

Lucas 1:15

Que'eca 'aỹa'alec camaye ỹataqta 'amaqtaqaic qome naqa'en Ñim Lo'onatac 'Enauacna. Camaye saishet da nỹomgui na lataxa, cha'aye So Saqcha'a Na'añaxac Qui'itta netaigui camaye qom saxanaxa da ñiguiñi.

Mateo 3:4

Qaq naua alogo so Juan no'oxonqa, chegaqaigui na laue ana shiguiỹac le'enaxat nauanaxanaxa, qataq so nsaataxaqui lo'oc. Qataq chectac ana shiiquioxoi qataq na dapic maye aviaq le'ec.

Juan 10:20

Nache qalota somayepi na 'eeta': –¿Ta'ainco' ye qana'axaỹaxañeetega damaye? Ye huo'o ñi saqcha'a na'añaxac leguemaxaic maye netaigui, qaq ỹoqo'oye huo'o da aloic.

Juan 8:48

Nache huo'o nam judiopi da 'eetega Somaye, 'eeta': –Qomi' ỹataqta 'eesa de'era qara'aqtac co'ollaq shenaqapec da choche 'am Samaria le'ec qataq huo'o ñi saqcha'a na'añaxac leguemaxaic 'am netaigui.

Juan 7:20

Nache so shiỹaxauapi 'enapeco': –'Am ỹataqta huo'o da 'oic, cha'aye ¿negue'to' ca nshetaique da 'am ỹalauat?

Mateo 10:25

Ỹoqo'oye ca napaxaguenatac ishet qome da machiguiñi da ivi' da 'eeta'am ca napaxaguenaxala', qataq cam choche namaxashec da ivi' da 'eeta'am ca na'aco'. Cha'aye na shiỹaxauapi da huo'otaq Aỹem iỹaxana, qaq 'eetega da Aỹem pa'aguenataxanaxaic, nache, ¿chaq 'eetec ca lỹaxanataxanaxac da qoñiita maye qami' ỹapaxaguenataqa?

Oseas 9:7

¡Qaq mashe nvi' naua na'axa'te maye huetoiguilo da nhuaxanaguec namayepi! ¡Qataq mashe nvi' naua na'axa'te maye huetoiguilo da nsheetenaguec namayepi! ¡Qaq na Israel le'ecpi, ỹaỹateeta qome de'era! Namayepi 'enapec: «so na'aqtaxanaxanec ỹataqta qaica ca ỹaỹaana'a. Qataq so hueto'ot da saqcha'a na'añaxac, huo'o da aloic.» Qaq 'enapec de'era cha'aye ỹataqta nlaqchigui na qauem, qataq ỹataqta lta'araic da lquiỹaxanaqtaic.

Jeremías 15:17

Aỹem sevitta'aguet co'ollaxa da salecta'aguet nam nda'a't da iuennatega da la'ashaxac, nache chegoqchiguiña co'ollaq aỹem 'auacona da aỹem 'aralamaxat, nache aỹem 'oonolec da huo'o ye soota'a, cha'aye aỹem 'anlaxatchigui da 'arayeloxo.

1 Corintios 9:27

Nachaqrata da aỹem selotegue da ñapaxaguenataguec qataq ỹataqta huo'o da iuogoxo da ñellañi da maiche ỹataxac. Cha'aye da aỹem sa'aqtaxaatapeguem da no'on na'axaỹaxac ca lỹa shiỹaxaua, nache sa saỹamaxaren da Ñim Lo'onatac 'Enauacna aỹem nqateua'a.

Hechos 26:24

Qaq co'ollaq 'enapec de'era so Pablo, nache so Festo 'enapeco': –¡Ỹoqta huo'o da 'oic, 'am Pablo! Souaxat da ỹapacauec da 'anapaxaguenaxac, nache 'am ỹauega da huo'o da 'oic.

Jeremías 29:26

Ñim Nataxala', 'am ỹanagui da 'am ntaxaỹaxanaxanec da 'anmeneguet so Joiadá, da yaqto' 'aulo'ogue añi atamnaxaqui. Qaq da huo'otaq huo'o ca nvireuo maye huo'o da aloic, nache da da'aqtaxan da 'eetega na'aqtaxanaxanec, nache 'am iuen da 'aỹa'anagui camaye ca ncoñetaxanaxaqui 'epaq qataq 'aucoñerai' 'auauota'a ca ncoñetaxanaxat lcat.

2 Reyes 9:11

Qaq so Jehú, co'ollaq tauga da qaltaq dataiguet so ltauapi, nache somayepi inato' somaye, 'eeta': ¿Ta'ainco', peta'a huo'o ca machaqca? ¿Negue't ca 'eetapeguec se'eso huo'o da aloic? Nache so Jehú 'enapeco': Qami', mashe qauauattoñi mque' somaye, qataq da lataxac naua la'aqtaqa.

Mateo 9:34

Qalaxaye nam ỹalectaigui na fariseopi, 'eeta': –De'era ỹale do'otaxaatega da la'añaxac som lataxala' nam saqcha'a na'añaxac qauemaicpi, da ỹo'orauec nam saqcha'a na'añaxac leguemaxaicpi.

Mateo 11:17

«Sasheeraqtapiguilo naua qarasheerel, qalaq qami' saishet da qauasoche; qataq so'onaqta'ape naua no'onqa maye daquicote', qalaq saishet da qanỹeñi.»

Marcos 3:22

Qalaxaye huo'o som dapaxaguenataxaatapeguec nam namaxasoxonaxacpi maye chegaqa'a ye Jerusalén somayepi, 'eeta': «De'era ỹale, damaye netaigui ñi Beelzebú ñim lataxala' nam na'añaxacpi leguemaxaic. Qaq nacheñi ñim chegoqo'ot de'era la'añaxac da do'otaxaatega da ỹo'orauec namayepi.»

Juan 8:52

Nache soomaye 'enapegalo' So Jesús, 'eeta': –Qomi' nagui ỹataqta saỹaanaqta da 'am huo'o ñi saqcha'a na'añaxac leguemaxaic 'am netaigui. Cha'aye so Abraham qataq 'enauac so la'aqtaxanaxanecpi Ñim Lo'onatac 'Enauacna, somayepi co'ollaxa ileu, qalaq 'am qonapec: «Da ca 'am ỹalaxaguet, nache camaye chochaq tatec da hueta'aguet Ñim Lo'onatac 'Enauacna.»