Mateo 11:17 - La'aqtaqa Ñim Lo'onatac 'Enauacna 2013

¹⁷ «Sasheeraqtapiguilo naua qarasheerel, qalaq qami' saishet da qauasoche; qataq so'onaqta'ape naua no'onqa maye daquicote', qalaq saishet da qanỹeñi.»

Nuevo Testamento Toba Sur

¹⁷ “Sashiidaqtapiguilo naua qadashiide, qalaq qami' sa ishit da qauasochi; qataq so'onaqta'pe naua lalaco na huasouaxaicpi, qalaq sa ishit da qanoÿiñiitac.”

Nuevo Testamento Toba Sombrero Negro

¹⁷ «Jajedaĝaye jaga'me qadajeede qama'te ja aualaĝaiye; ca'li jo'ona' daa'me nalaco jo'ne nemalaqataĝanaĝaco qama'te ja anoyeñetac.»

Mateo 11:17 Referans Kwoze

Isaías 30:29

Qami' qalaxaye qauo'onaxañiitac qome 'eeta'am da huo'o ca na'ashaxac da huaigui ye pe, qataq machiguiñi qome da qarquiyaqteỹaxaqui, 'eeta'am ca icaatapigui naqa'en da lqauaxac da l-lamaxa aca nasheere flauta, da tasheguema añi qasoxonaxa maye lalamaqte Ñim Nataxala', añim lle'eguenaxalate na Israel le'ecpi.

Mateo 9:15

Nache So Jesús 'enapeco': –Cam ncoyeguenatacpi da ỹalegueua'a ca naronaxac camayepi saishet da daquicotac da huo'otaq ñaq qanayeeta'aguet ca auonaxaua. Qalaxaye da ivita que'eca laloqo' da qaỹauec que'eca auonaxaua. Huaña nache que'eca ncoyeguenatacpi ishet da ỹaayiñi naua anogo maye nasouaxaqui' qataq huaña, nache ishet da nqouaqchet.

Jeremías 31:4

Aỹem qaltaq 'am ñe'eguelaxatsheguem qome 'am Israel. Nache qaltaq 'añe'eguelaq qome 'auauota'a na 'arasaquiaxanatacpi, da 'auasottac souaxat da 'antonaxac.

Mateo 9:23

Qaq So Jesús, nache queta choche ivittaua'a so lma' so lataxala' na judiopi, qaq co'ollaq ỹoqta ivireua'a, nache ila'a som nvique lo'opi da naỹamaxattac da huotaique da devicnaxaalec aso qa'añole da qailareñi, qataq so qalota shiỹaxauapi ỹataqta na'alaqtapiguiñi da nnoinaxac.

1 Reyes 1:40

Qaq ime, nache 'enauac somayepi, ca'atteueegue so Salomón, do'onaxaata'ai' aso lasheerepi cha'aye ỹataqta lta'araic da ntonaxac, nache ana 'alhua cholaxan souaxat da la'alaxac somayepi.

Lucas 15:25

Qaq ñaq huetauga na no'onaxa so ỹe llalec, qaq co'ollaq mashe ñe'eguelaxauo somaye, nache co'ollaq mashe nayeetaua'a so lma', nache hua'axaỹapegueua'a aso nviquepi qataq so dasottega'tpi.

Génesis 50:10

Qaq somayepi co'ollaq ivita ye no'onaxa maye lalamaxat so Atad maye pa'aigue da nala' lliguisheguem ye tala Jordán, qaq huaña yemaye nache qaỹo'ot so lta'araic nasouaxac qataq noinaxac. Qaq huaña yemaye, nache so José ỹo'ot so lasouaxac, ivittrec soua siete na'axa'te souaxat so lta'a.

Mateo 11:16

Qami' maye qoviitaigui ne'ena na'a'q, qoñiita'am ca ñaqpiolec maye netaña ca nlagaqa', nache ỹa'alaqtega ca laỹepi ñaqpiolec 'eeta':

Mateo 11:18

Cha'aye so Juan maye nachelaxanataxanaq, somaye nqouaqchettac, qaq qami' qalaq qoñiitega da huo'o ca netaigui saqcha'a na'añaxac leguemaxaic.

Lucas 23:27

Qaq ỹataqta qalota so ỹalleppi maye ca'attaueegue So Jesús qataq qalota aso ỹalectauopi na 'alpi. 'Enauac asomayepi nỹeetagui, na'alaqtapiguiñi, souaxat da laquicoxo.