Mateo 11:14 - La'aqtaqa Ñim Lo'onatac 'Enauacna 2013

¹⁴ Da qaua'amaqchiñi qalqo' saishet, co'ollaq Ñim Lo'onatac 'Enauacna 'enapec da namaq ca la'aqtaxanaxanec Elías, nache 'eetega so Juan maye nachelaxanataxanaq.

Nuevo Testamento Toba Sur

¹⁴ Qaq da qami' qanshiitaique da qau'amaqchiñi, qaq so Juan nachiso som lqui'i som l'aqtaxanaxanec ñi Dios l'enaxat Elías mayi qoÿiitega da ñi'iguelaq.

Nuevo Testamento Toba Sombrero Negro

¹⁴ Nataq'aen qom jetaque auacoñiyeguet da'me dojo', qama'le Juan nach'eñe Dios 'laqataĝanaĝanec Elías jo'ne joote qo'yaĝate'taguet ca'li.

Mateo 11:14 Referans Kwoze

Malaquías 4:5

Qaq ñaq qauloỹa da: Aỹem qami' ñamaxalo qome ca na'aqtaxanaxanec Elías, qom saxanaxa da nvi' que'eca na'a'q maye lalamaxat Ñim Nataxala', cam na'a'q maye ỹataqta lta'araic qataq chaqaic.

Lucas 1:17

Camaye nvi', qom saxanaxa da nvi' ca Nca'alaxaqui maye Lca'aguishec Ñim Lo'onatac 'Enauacna. Qaq de'era na'añaxac saqcha'a maye hueto'ot co'ollaxa so na'aqtaxanaxanec Elías, nachera da hueto'ot qome camaye. Da la'aqtaxanaxac ỹo'oteguet da ca nta'a nmaneto caua llalqa, qataq nam sa ỹalaq ila'a da lsomaxac, nache quegue da lataxac nam ỹataqta ỹalaq. Nataqa'en ỹaỹamaxaañi na Israel le'ecpi da yaqto' ỹataqta lhuotta da ỹaconeguet cam Lca'aguishec Ñim Lo'onatac 'Enauacna.

1 Corintios 3:2

Saishet da qami' sapaxagueneque ca alaqaic, nachaqrata da qami' sapaxagueneque na saqalaq, cha'aye qami' qoñiita'am ca nogotolec maye ñaq lleptac, qataq saishet da chec na nallec chaxangui. Se'eso na'a'q qami' saxanaxa da qauañoxoche da qauaỹaañi na ỹataqta alaqaic. Qaq ñaq 'eetalec nagui da ñaq saxanaxa da qauaỹachiñi,

Juan 16:12

Qaq Aỹem qalota na ỹa'aqtacpi da qami' sa'axatema, qalaxaye saishet da qauaỹaañi nagui.

Ezequiel 2:5

Saiuena'a da 'am ỹalaxaguet huo'otaq saishet, cha'aye namayepi ỹataqta saỹalaq, qalaxaye dam choche ỹaỹaten da huo'o na na'aqtaxanaxanec da netangui namayepi.

Apocalipsis 20:4

Qaq can ime, nache sela'a aso so'onaxaquipi. Qaq asomayepi nso'ootangui som qaỹalauatpi co'ollaxa, souaxat da saishet da ỹaxanec da lpi'iỹaxac So Jesús, qataq da la'aqtaxanaxac Ñim Lo'onatac 'Enauacna. Somayepi nacheso so saishet da ỹo'oxoren so shiguiỹac leguemaxaic qataq som ne'enaqtac maye lqui'i somaye, qataq saishet da nasheneguet aso la'anaxanaqte da yaqto' qaỹa'an na latap, qataq na lhuaq. Qataq sela'a somayepi da qaltaq nca'alec, nache Ñim Lo'onatac 'Enauacna ỹami' da lo'onataxanaxaua Ñim Lca'aguishec Ñimaye, choche iviraxattraue'c caua mil vi'iye.

Malaquías 3:1

Ñim Nataxala' maye Qaica ca Ỹaqalanapec 'enapec: «Mashe huotaique da ñamaq ñim ỹa'aqtaxanaxanec, da yaqto' iqataxanai' cam ñaqa'aic. Ñim Nataxala' maye qanmicheetaique, mashe saqaỹaloq da naỹa añim atamnaxaqui maye lalamaqte. ¡Mashe anacta nam na'aqtaxanaxanec maye ndoi' na aỹamaxataxac maye qanqopicheetaique!»

Mateo 11:13

Ñim Lo'onatac 'Enauacna mashe ime da ỹa'axattac de'era nanettalec ana nere maye huetalec na la'aqtacpi Ñimaye dam taỹa'a da 'eetec da lviraxac so Juan maye nachelaxanataxanaq.