Mateo 11:13 - La'aqtaqa Ñim Lo'onatac 'Enauacna 2013

¹³ Ñim Lo'onatac 'Enauacna mashe ime da ỹa'axattac de'era nanettalec ana nere maye huetalec na la'aqtacpi Ñimaye dam taỹa'a da 'eetec da lviraxac so Juan maye nachelaxanataxanaq.

Nuevo Testamento Toba Sur

¹³ Qaq 'enauac som l'aqtaxanaxanecpi ñi Dios qataq nam lqataxacpi so Moisés, naamayi i'axatta'agueta co'ollaxa de'eda n'onataxanaxac, chochi ivitta'a da nvi' so Juan.

Nuevo Testamento Toba Sombrero Negro

¹³ Jogaa'me Dios 'laqataĝanaĝanaqa jo'ne 'uaechidiñe choqodaa'me napaĝaguenataĝanaĝaco jo'ne chiyaqayilo daa'me Dios lamaĝajoĝonaĝaco, ena'uaque jogaa'me 'yaĝatetedac da'me Dios lejaliaĝa, chayovida'a ca'li novi' ñe'me Juan.

Mateo 11:13 Referans Kwoze

Romanos 3:21

Ana nere maye huetalec na la'aqtacpi Ñim Lo'onatac 'Enauacna qomi' ỹapaxagueneque da lataxac da qomi' ỹaỹamaxareete' Ñimaye, qalaxaye saishet da chegoqchigui da salaxasoxolec na namaxasoxonaxacpi.

Hechos 13:27

Saỹatenaq da nam netaña ye nỹecpi ye Jerusalén qataq nam nataxala'pi saishet da ỹauatton se'eso Jesús. Na'aictaxa da 'enauaque naua mataxaqui' da itaxaỹaxaatrac ana lereguishe so na'aqtaxanaxanecpi, qalaxaye ñaqaiyeta saishet da tagui ye lauel da ana'ana nere ỹa'axattac So Jesús. Qaq ỹoqo'oye damaxasoxoolec da qaỹalauat Somaye, qaq sa ỹaỹaten de'era ỹo'ot, damaye ipacchigui da ỹa'axattac co'ollaxa so na'aqtaxanaxanecpi.

Lucas 24:44

Qaq co'ollaq ime, nache 'enapegalo soomaye, 'eeta': –De'era souaigui, nachera dam sa'axattac co'ollaq ña qami' soota'agueta: da iuen da ipacchigui qome 'enauac na ña'aqtaguec maye ỹa'axat nam namaxasoxonaxacpi maye ỹiyiñi co'olloxocheye so Moisés qataq naua leregui'she som la'aqtaxanaxanecpi Ñim Lo'onatac 'Enauacna qataq nam no'onecpi le'enaxat Salmos.

Lucas 24:27

Ime, nache So Jesús da'aqtaxanema soomaye 'enauac nam na'aqtaguec Somaye, nam nanettalec ana nere maye huetalec na la'aqtacpi Ñim Lo'onatac 'Enauacna, ỹachegoxottot aso hua'auchiguiñi lereguishe so Moisés, iviraxatta'a asom pa'atec lereguishe som la'aqtaxanaxanecpi Ñim Lo'onatac 'Enauacna.

Malaquías 4:6

Qaq camaye, ỹo'ot qome da na nta'alpi nmane' na llalaqpi, qaq da saishet da nmana't namayepi, nache Aỹem ñanac qome da sauo'o ca nhuaxanaguec nam na'alhua, nache ỹataqta imauec da ñelaxatchiguiñi qome.»

Mateo 11:12

Chegoqchiguiña co'ollaq so Juan maye nachelaxanataxanaq da da'aqtaxaatac, choche ivitta'a nagui, da de'era lo'onataxanaxac Ñim Lo'onatac 'Enauacna queta, na'aictaxa da huo'o na npa'aguenaxauapi. Nachaqnata nam shiỹaxauapi maye 'añaxaicpi qataq lhuotta nam ishet da taua'a da ỹalegueua'a da lo'onataxanaxac Ñimaye.

Mateo 11:14

Da qaua'amaqchiñi qalqo' saishet, co'ollaq Ñim Lo'onatac 'Enauacna 'enapec da namaq ca la'aqtaxanaxanec Elías, nache 'eetega so Juan maye nachelaxanataxanaq.