Mateo 11:11 - La'aqtaqa Ñim Lo'onatac 'Enauacna 2013

¹¹ Qaq ỹataqta 'eesa de'era shenapec da 'enauac nam shiỹaxauapi co'ollaxa da chegoqta'ague, choche ivitta'a nagui da qaica ca ishet da napacalec da la'amaqchec so Juan maye nachelaxanataxanaq. Qalaxaye nam ỹapactec da qaica ca la'amaqchec da huetaigui dam lo'onataxanaxac Ñim Lo'onatac 'Enauacna, nagui qataq dam taỹa'ague namayepi napacalec somaye.

Nuevo Testamento Toba Sur

¹¹ Qaq ÿataqta 'eesa de'eda shinapec da 'enauac nam shiÿaxauapi co'ollaxa da chigoqta'ague, chochi ivitta'a nagui, da qaica ca ishit da napacalec da l'amaqchic so Juan mayi nachilaxanataxanaq. Qalaxayi nam ÿapacteec da qaica ca l'amaqchic da huetaigui dam l'onataxanaxac ñi Dios mayi neta'ague da piguem, namayipi napacalec somayi.

Nuevo Testamento Toba Sombrero Negro

¹¹ Eja ami ja'aĝatema queda'me Juan 'me chilaĝanataĝanaĝaic nach'eñe napacalo'te ena'uaque joga'me jiyaĝadipi; qalaĝaja ga'me jo'ne ja di'yaĝa da'me uetaye da'me dojo' Dios lejaliaĝa, nach'ega jo'ne napacalegue ñe'me Juan.

Mateo 11:11 Referans Kwoze

Lucas 7:28

Ỹataqta 'eesa da ana'ana 'alhua qaica ca nañiguiñi ỹale da napacalec da la'amaqchec so Juan maye nachelaxanataxanaq. Qalaxaye nam ỹapactec da qaica ca la'amaqchec da huetaigui da lo'onataxanaxac Ñim Lo'onatac 'Enauacna, nachena na ỹataqta napacalec so Juan.»

Efesios 3:8

Cha'aye na'aictaxa da aỹem ỹataqta qaica ca ỹa'amaqchec da salectaigui na lalamaxatpi Ñim Lo'onatac 'Enauacna, qalaxaye Ñimaye aỹem ỹami' de'era ña'achecỹaxac da sa'axatem na saishet da judiopi da no'on na'axaỹaxac maye ỹa'axat nam chegoqo'ot lqouagaxanaqtaicpi So Cristo maye qaica ca ishet da naloqten.

Juan 1:15

Qaq so Juan ỹa'axattac co'ollaxa, 'eeta': «'Era da aỹem sa'axatta'aguet co'ollaq sheeta': ‹Huo'o ca aỹem nca'attaueegue, qaq que'eca aỹem nca'attaueegue, camaye aỹem napacalec, cha'aye nale'ena da huo'o co'ollaq saxanaqca aỹem.›»

Mateo 5:19

Qaq ỹoqo'oye da huo'o ca saishet da ỹalaxaguet ca 'oonolec ne'ena lamaxasoxonaxacpi Ñim Lo'onatac 'Enauacna, na'aictaxa da huo'otaq saq 'amaqtaq, nache camaye ỹataqta saq 'amaqtaq da huetaigui da lo'onataxanaxac Ñim Lo'onatac 'Enauacna. Qaq nache 'eetec nataqa'en da talec cam ỹapaxaguenec ca lỹa da sa ỹalaq. Qalaxaye cam ỹataqta ỹalaxaguet nam namaxasoxonaxacpi qataq ỹapaxaguenec na laỹepi da nataqa'en ỹalaxaguet, nache camaye ỹataqta 'amaqtaq da huetaigui da lo'onataxanaxac Ñim Lo'onatac 'Enauacna.

Mateo 3:11

Qaq 'eesa da aỹem nagui qami' ñachelaxanguilo na 'etaxat, qaq damaye naigui da qami' qaỹa'axañeere'c naua qauema maye qauo'ocheeta'ape. Qalaxaye cam aỹem nca'attalec, camaye dachelaxanataxana qome So Saqcha'a Na'añaxac Qui'itta qataq ca norec. Qaq camaye ỹataqta ỹactec da la'añaxac, saishet da sheeta'am. Na'aictoxo' da choche aỹem l-latac ỹataqta saishet da ñaloua'a.

Lucas 9:48

Nache 'enapegalo' soomaye 'eeta': «Da huo'o ca ỹaconeguet ca 'eeta'am ne'ena nogotolec, nache camaye Aỹem ỹaconeguet. Qaq da huo'o ca ỹaconeguet Aỹem, nache ỹaconeguet Ñim Lo'onatac 'Enauacna maye Aỹem namaq. Cha'aye ca ỹapactec qaica ca la'amaqchec 'enauac da qoñiita, qaq nacheca ca ỹataqta 'eesa da 'amaqtaqaic.»

1 Pedro 1:10

Som la'aqtaxanaxanecpi Ñim Lo'onatac 'Enauacna co'ollaxa ỹataqta napaxagueetega qataq ichemaxattega ca llec de'era nca'alaxa. Qataq somayepi ỹa'axattac de'era qami' ỹanema Ñim Lo'onatac 'Enauacna maye chegoqchigui da lsoxoyec.

Hebreos 11:40

Cha'aye Ñim Lo'onatac 'Enauacna huo'o dam 'eetapeguec maye ỹoqta ỹactec da lyacỹaxac, da yaqto' nataqa'en qomi' saconaxaguet da ỹachaxanapec. Qaq Ñimaye nalochiguiñi naqa'en se'eso shiỹaxauapi qom mashe ivita da nalochiguiñi 'enauac naqa'en da shenaqta.

1 Corintios 15:9

Cha'aye aỹem qaica ca ỹa'amaqchec, saq shena'am na laỹepi lamaxashecpi So Jesús, qataq sa yaloua'a da aỹem qoỹanagui da aỹem lamaxashec Somaye, cha'aye secaatac na ỹa'amaqteetacpi co'ollaxa.

1 Corintios 6:4

¿Ta'ainco' da qauroiua'a nam nmit na nasouaxashetpi maye sa da'amqaanataxan da huo'o ca huotaique da qauaỹamaxachiiñi?

Juan 10:41

Nache ỹataqta qalota na shiỹaxauapi na tauga ca hueta'a Somaye. Nache namayepi 'enapeco': –Ỹoqta 'eesa co'ollaxa da so Juan saishet da huo'o ca ỹo'ot na'anec maye sa qaỹauanapega, qalaxaye 'enauac co'ollaxa na ỹa'axat can ỹa'axatta'aguet ñi'iñi ỹale, ỹataqta ipacchigui.

Juan 3:30

Qaq Camaye taỹa'a da nquictasheguem da la'amaqchec, qaq aỹem qalaxaye iuen da nquictañi da ỹa'amaqchec.

Salmos 51:5

Cha'aye saỹateeta da qauem da ỹañoxoc, nale'ena da aỹem 'etaxaloxoic, co'ollaq ñaq sootaigui na lauel aso ỹate'e.

Da na'aqtaguec so Job 15:14

Qaica ca naigui ca shiỹaxaua maye chegaqaigui aca 'alo da 'eetega qui'itta da lataxac, qataq da 'eetega qaica ca lasouaxashet.

Da na'aqtaguec so Job 14:4

Cha'aye, ¿negue't ca ishet da nqatec ca qui'itta, da ỹachegoxotaigui ca nshepaxan? ¡Qomye, qaica!

Da na'aqtaguec so Job 14:1

Ca shiỹaxaua ñiguiñi chegaqaigui aca 'alo, camaye da nachaalataxac sa qaỹa'ague qataq qalota na nque'eenaxacpi.

Juan 1:27

Na'aictaxa da aỹem hua'auñi da ñevi', qalaxaye damaye ỹataqta ỹactec da la'amaqchec. Na'aictoxo' da choche aỹem l-latac ỹataqta sa yaloua'a.

Zacarías 12:8

Aỹem Nataxala', ñepaxattalec qome na hueta'a na Jerusalén. Qaq nam ỹataqta qaica ca la'añaxac namayepi, qalaq 'eeta'am qome so David da la'añaxac, qaq nam chegoxoguetpi so David, qalaq 'eeta'am qome Ñim Lo'onatac 'Enauacna, qataq 'eeta'am ca lamaxashec Ñim Nataxala' da hua'auta'ague da tata'ague namayepi.

Juan 7:39

Qaq de'era 'enapec So Jesús, damaye naigui da ca ỹa'amaqten Somaye, nache camaye ỹaconeguet So Saqcha'a La'añaxac Ñim Lo'onatac 'Enauacna. Cha'aye So Saqcha'a Na'añaxac Qui'itta saxanaxa co'ollaxa da anac, cha'aye So Jesús saxanaxa da ivita ca laloqo' da ileu qataq da nca'alec.

Isaías 30:26

Nache Ñim Nataxala' nataren qome na lque'emaxapi qataq lcolaxapi nam lalamaxat nhuo' le'ecpi. Qaq huaña nache na le'eraxa ñi ca'agoxoic 'eeta'am na le'eraxa añi nala', qaq na le'eraxa añi nala', qalaq siete da nquiguec da 'eroigui, 'eeta'am na le'eraxa da huaxaỹa't caua siete na'axa'te.

Da na'aqtaguec so Job 25:4

Qaq ¿peta'a huo'o ca choche shiỹaxaua, da 'enapec no'on da lataxac, qataq qaica ca ỹasouaxat da ỹauaachigui Ñim Lo'onatac 'Enauacna?

1 Samuel 2:30

Qaq souaxat de'era, nache Ñim Nataxala' maye Natamnaxala' na Israel le'ecpi, 'am 'enapega 'eeta': Aỹem san co'ollaxa so ỹa'aqtac da 'am qataq na 'aỹa'alaqpi, qataq nam chegoxoguetpi so 'arta'a da nache 'eetai' da Aỹem do'onataxaatacot, qalaxaye nagui 'am shenapega da nache tachiguiña de'era, cha'aye Aỹem sho'oxoren ca Aỹem ỹo'oxoreetac, qataq qaica ca la'amaqchec ñaqa'en cam Aỹem ỹo'otan.

Efesios 2:3

Qaq nataqa'en 'enauac da shenaqta nache shenaqta'am namayepi soua hua'au' vi'iye, da qolaqtague' nam maiche shenaqtapeguecpi, qataq so'otaqtac dam lqopitaxanaqtaic da qarapachiỹaxac qataq nam maiche qarhuennataxacpi. Qaq ỹoqo'oye ỹataqta 'itchiguiñi da qomi' huetaleguete da qaica ca 'ena'am lchec lalemataic Ñim Lo'onatac 'Enauacna da shenaqta'am 'enauac nam laỹepi shiỹaxauapi.

2 Timoteo 1:10

Qaq de'era lsoxoyec Ñim Lo'onatac 'Enauacna ỹachaxan nagui, qalaxaye nactaigui naqa'en da llecỹaxac co'ollaxa So Qarca'alaxaqui Jesucristo, maye ilaxachigui co'ollaxa da la'añaxac da nleuaxa, qataq ỹachegoxotchigui da no'on na'axaỹaxac maye chegaqaigui da nca'alaxa, da qomi' ỹanema da nca'alaxa maye chochaq tatec.

Lucas 1:15

Que'eca 'aỹa'alec camaye ỹataqta 'amaqtaqaic qome naqa'en Ñim Lo'onatac 'Enauacna. Camaye saishet da nỹomgui na lataxa, cha'aye So Saqcha'a Na'añaxac Qui'itta netaigui camaye qom saxanaxa da ñiguiñi.

Mateo 3:1

Qaq co'ollaq mashe qaỹoqteguelo soua vi'iye, nache so nachelaxanataxanaq le'enaxat Juan tauga da da'aqtaxaatapeguelec ye toolec 'alhua maye huaigui ye Judea.

Mateo 11:10

qaq so Juan nacheso som ỹa'axa't co'ollaxa naua ñiyigui'she la'aqtaqa Ñim Lo'onatac 'Enauacna, maye 'eeta': «Aỹem samaq qome ca ỹa'aqtaxanaxanec da sa'auaxanegue dam 'ata'ague, da yaqto' ỹaỹamaxaañi 'enauac, yaqto' lhuotta qom 'avi'.»

Mateo 11:12

Chegoqchiguiña co'ollaq so Juan maye nachelaxanataxanaq da da'aqtaxaatac, choche ivitta'a nagui, da de'era lo'onataxanaxac Ñim Lo'onatac 'Enauacna queta, na'aictaxa da huo'o na npa'aguenaxauapi. Nachaqnata nam shiỹaxauapi maye 'añaxaicpi qataq lhuotta nam ishet da taua'a da ỹalegueua'a da lo'onataxanaxac Ñimaye.