Mateo 11:10 - La'aqtaqa Ñim Lo'onatac 'Enauacna 2013

¹⁰ qaq so Juan nacheso som ỹa'axa't co'ollaxa naua ñiyigui'she la'aqtaqa Ñim Lo'onatac 'Enauacna, maye 'eeta': «Aỹem samaq qome ca ỹa'aqtaxanaxanec da sa'auaxanegue dam 'ata'ague, da yaqto' ỹaỹamaxaañi 'enauac, yaqto' lhuotta qom 'avi'.»

Nuevo Testamento Toba Sur

¹⁰ Qaq so Juan nachiso som i'axa't co'ollaxa naua ñiyigui'shi l'aqtaqa ñi Dios, mayi 'eeta': Aÿim samaq qome ca i'aqtaxanaxanec da sa'auaxangue dam 'ata'ague, da yaqto' ÿaqataxanai' ca 'anqa'aic.

Nuevo Testamento Toba Sombrero Negro

¹⁰ Juan nach'eñe jo'ne joote qo'yaĝate'taguet ca'li gaa'me nedii's: «Nayi je'uauaĝata na'me 'yaqataĝanaĝanec jo'ne auajoyalegue, Qaedi yiyamaĝatetac qomle na'me adadic.»

Mateo 11:10 Referans Kwoze

Malaquías 3:1

Ñim Nataxala' maye Qaica ca Ỹaqalanapec 'enapec: «Mashe huotaique da ñamaq ñim ỹa'aqtaxanaxanec, da yaqto' iqataxanai' cam ñaqa'aic. Ñim Nataxala' maye qanmicheetaique, mashe saqaỹaloq da naỹa añim atamnaxaqui maye lalamaqte. ¡Mashe anacta nam na'aqtaxanaxanec maye ndoi' na aỹamaxataxac maye qanqopicheetaique!»

Isaías 40:3

Huo'o so na'alaxac 'eeta': Qauqataxañeetai' ca nqa'aic maye taalec ye toolec 'alhua da yaqto' llec qome Ñim Nataxala' qauauo'oi ca 'eetegue nqa'aic maye taalec yem qaica ca ñaxaalec 'alhua da yaqto' llec Ñim Qanatamnaxala'.

Malaquías 4:5

Qaq ñaq qauloỹa da: Aỹem qami' ñamaxalo qome ca na'aqtaxanaxanec Elías, qom saxanaxa da nvi' que'eca na'a'q maye lalamaxat Ñim Nataxala', cam na'a'q maye ỹataqta lta'araic qataq chaqaic.

Marcos 1:2

'Enauac ipacchigui dam maiche ỹa'axattac Ñim Lo'onatac 'Enauacna co'ollaxa, ỹachegoxotchigui so la'aqtaxanaxanec le'enaxat Isaías, 'eeta': «Aỹem samaq qome ca ỹa'aqtaxanaxanec da sa'auaxaata'ague da 'ata'ague da yaqto' ỹaỹamaxaañi 'enauac, da yaqto' lhuotta qom 'avi'.

Juan 1:23

Nache so Juan 'enapeco': –Qomye nachaỹem, maye aỹem ỹa'axatta'aguet so la'aqtaxanaxanec Ñim Lo'onatac 'Enauacna. Qaq nachaỹem maye aỹem chemaqtapeguelec ca toolec 'alhua, qaq da iỹaxanaxac, sheeta': «Qauqataxañiỹai' ca ỹataqta ỹashectec nqa'aic Ñim Lca'aguishec Ñim Nataxala'.»

Mateo 3:3

Qaq se'eso Juan nacheso som ỹiyiñi co'ollaxa so la'aqtaxanaxanec Ñim Lo'onatac 'Enauacna le'enaxat Isaías, co'ollaq 'eeta': «Huo'o da nvilỹaxac qaỹa'aqtega chemaqtapeguelec ye toolec 'alhua: ‹Qauqataxañiỹai' qome ca nqa'aic Ñim Nataxala'. ¡Ỹataqta qano'onaxacheetegue qome ca llec! ¡Saishet qome da huo'o ca npaxateguet!›»

Mateo 11:3

¿Peta'a nache 'am maye 'am Lca'aguishec Ñim Lo'onatac 'Enauacna maye ỹachaxanapec co'ollaxa da qomi' namaxalo, huo'otaq seuataqaique ca lỹa?

Mateo 11:11

Qaq ỹataqta 'eesa de'era shenapec da 'enauac nam shiỹaxauapi co'ollaxa da chegoqta'ague, choche ivitta'a nagui da qaica ca ishet da napacalec da la'amaqchec so Juan maye nachelaxanataxanaq. Qalaxaye nam ỹapactec da qaica ca la'amaqchec da huetaigui dam lo'onataxanaxac Ñim Lo'onatac 'Enauacna, nagui qataq dam taỹa'ague namayepi napacalec somaye.

Lucas 1:76

Qaq 'am ỹalcolec, 'am qoỹanagui qome da 'am: ‹La'aqtaxanaxanec Ñim Lo'onatac 'Enauacna maye 'amaqtaqaic.› 'Am 'aua'auta'ague qome da tata'ague cam Lca'aguishec Ñim Lo'onatac 'Enauacna, da 'auqataxanai' na shiỹaxauapi yaqto' lhuotta qom nvi' camaye.