Mateo 11:1 - La'aqtaqa Ñim Lo'onatac 'Enauacna 2013

¹ Qaq So Jesús co'ollaq imat da ỹanema soua doce lapaxaguenataqa da lqataxac, nache ca'ai ye hueta'a, da yaqto' dapaxaguenataxan qataq da'aqtaxanem da no'on na'axaỹaxac na shiỹaxauapi maye hueta'alo naua lỹa't 'aleu' yi'iye qanayeuta'a 'alhua.

Nuevo Testamento Toba Sur

¹ Qaq so Jesús co'ollaq imat da ÿanema soua doce lapaxaguenataqa da lqataxac, nachi ca'ai yi hueta'a, da yaqto' dapaxaguenataxaalguete qataq da'aqtaxaalguete naua lÿa't 'ale'u yi'iyi qanayiuta'a 'alhua.

Nuevo Testamento Toba Sombrero Negro

¹ Ca'li yem da'me dojo' laqataĝac ñe'me Jesús jo'ne yanema jogaa'me doce 'me lapaĝaguenataqa, qama'le ca'e di'me ue'ta qaedi quetayilo ena'uaque jogaa'me noyaqa 'me neda'ña di'me dijo' aleua, da'me dapaĝaguenataĝatac nataq'aen 'yaĝatetapema da'me 'laqataĝanaĝac ñe'me Dios.

Mateo 11:1 Referans Kwoze

Hechos 10:38

So Jesús maye Nazaret le'ec. Qaq Ñim Lo'onatac 'Enauacna ỹanem co'ollaxa da la'añaxac Somaye So Saqcha'a Na'añaxac Qui'itta. Qaq Ñimaye ye hueta'aguet So Jesús, nache Somaye nache 'eetai' naxa da ỹo'ottac na ỹaỹamaqchiguiñi qataq nataren 'enauac nam huetalec da la'añaxac so pa'aguenataxanaxaic.

Lucas 8:1

Qaq co'ollaq mashe qaỹoqtegue de'era, nache So Jesús quetagui na saq 'amaqtaq nỹecpiolec qataq nam naña nam lta'araic nỹecpi da da'aqtaxaatapeguem na shiỹaxauapi da no'on na'axaỹaxac da lo'onataxanaxac Ñim Lo'onatac 'Enauacna. Qaq Somaye nnaictagueto soua doce lapaxaguenataqa,

Mateo 9:35

So Jesús coleetapigui 'enauac nam nma'ate qataq nam nañalo nam saq 'amaqtaq shiỹaxauapi da dapaxaguenataxaatapoigui ana napaxaguenaxaquipi na judiopi, ỹa'axattac dam no'on na'axaỹaxac maye naigui da ilo'ogue 'enauacna Ñim Lo'onatac 'Enauacna, qataq natareetac 'enauac nam ỹotta'a't lalolaxa qataq da nqui'ic na shiỹaxauapi.

2 Ts 3:10

Cha'aye co'ollaq qami' souaqta'agueta, qalaq qami' sanaxama de'era lataxac da ca shiỹaxaua da sa ỹaỹamaxaren da do'onataxan, qaq maye deque'ectoxo'.

2 Ts 3:6

Qami' qarqaỹa't, qami' shenaqapegalo, cha'aye qomi' lamaxa'she So Qarataxala' Jesucristo, da saishet da qavi'enaxache da lataxac ca camachaqca qarqaỹa da saishet da do'onataxan, qataq lamaaxa da saishet da quetegue da qarapaxaguenataxanaxac maye qami' sanaxama.

1 Ts 4:2

Cha'aye qami' mashe qauaỹaañi na qarqataxacpi maye qami' sanaxama. Damaye sachegoxotaqo'ot So Qarataxala' Jesús.

Hechos 10:42

Nache Somaye qomi' ỹamaxaleguete da sa'aqtaxanaxam 'enauac na shiỹaxauapi, da sa'axataq da Ñim Lo'onatac 'Enauacna ỹanagui Somaye da nacheso so nmit qome na lasouaxashetpi nam ñaq nca'altauecpi qataq nam mashe ileu.

Hechos 1:2

choche ivitta'a so na'a'q co'ollaq taigue da piguem. Qaq Somaye co'ollaq saxanaxa da taigue da piguem, nache ỹachegoxotchigui So Saqcha'a Na'añaxac Qui'itta da ỹanema da lapaxaguenataxanaxac soua lamaxa'she maye lca'agui'she, dam iuen da ỹo'o't soomaye.

Juan 15:14

Qaq qami' nacheqami' ñauochaxau', da qauo'oche dam qami' samaxaleguete.

Juan 15:10

Qataq da qaualaqaiguet 'enauac na ỹamaxasoxonaxacpi; nache, Aỹem nache 'eetai' da qami' sauoteque, 'eeta'am Ñim Ita'a da Aỹem ỹauotec, cha'aye Aỹem ỹataqta salaxaguet.

Mateo 28:20

Qataq qauapaxaguiñic qome namayepi da ỹalaxalec 'enauac na ỹapaxaguenataxanaxacpi. Qaq Aỹem nache 'eetai' da qami' soota'agueta, choche ivitta'a ca loga't ana 'alhua.»

Mateo 7:28

Qaq So Jesús co'ollaq imat da la'aqtaxanaxac, nache 'enauac so shiỹaxauapi maye na'axaỹaxaatega ỹataqta huo'o da la'aalaxa da lapaxaguenataxanaxac Somaye,

Mateo 4:23

Nache So Jesús coleetapeguelec 'enauac ye Galilea da dapaxaguenataxaatapoigui ana napaxaguenaxaquipi na judiopi yi'iye 'alhua, ỹa'axattac da no'on na'axaỹaxac maye ỹa'axat da Ñim Lo'onatac 'Enauacna ilo'ogue 'enauacna, qataq natareetac 'enauac na ỹotta'a't lalolaxa na shiỹaxauapi.

1 Timoteo 6:14

Nache 'am shenapega da 'aualaxaguet 'enauac nam 'am samaxalec, yaqto' qaica ca ỹo'ot ca 'arasouaxashet. Qaq damaye ỹataqta qoqueto'ot choche ivitta'a da ñe'eguelaq So Qarataxala' Jesucristo,

Marcos 6:12

Nache soua napaxaguenataqa je'c, nache ỹachegoxottrot da da'aqtaxanem na shiỹaxauapi da iuen da ỹaxaañi da ỹo'ottac na lasouaxashetpi, nache ỹe'eguelaqot Ñim Lo'onatac 'Enauacna.

Lucas 23:5

Qalaxaye somayepi ỹe'eguelaxalec da la'aqtac ỹataqta na'axannec, 'eeta': –Namaye ỹasouaxattega't na shiỹaxauapi maye netaña na Judea, souaxat da lapaxaguenataxanaxac. Chegoqchiguiña ye 'alhua Galilea, qaq nagui qataq nvitta'a ne'ena souaqta'a.