Mateo 10:8 - La'aqtaqa Ñim Lo'onatac 'Enauacna 2013

⁸ Qataq qanatayiñi nataqa'en na sa no'onpi. Qataq qanca'alaxacheeuec nam mashe ileupi. Qataq qanatayiñi nam nchega na lo'oc, qataq qauo'oyiỹauec na saqcha'a na'añaxac leguemaxaicpi maye netaigui na shiỹaxauapi. ¡Qataq saishet da qauỹaxañiỹaique aca lasheue nam qauo'oche, cha'aye de'era na'añaxac maye qauo'onataxañiitega damaye chegoqo'ot Ñim Lo'onatac 'Enauacna qataq choche qami' qoỹaatema!

Nuevo Testamento Toba Sur

⁸ Qataq qanatayiñi qome na sa no'onpi, qataq qanca'alaxachiiuec nam mashi ileupi, qataq qauÿoi nam nchiga na l'oc, qataq qau'oyiÿauec na n'ec leguemaxaicpi. Qaq de'eda n'añaxac, damayi chochi qami' qoÿaatema, qaq ÿoqo'oyi sa ishit qome da qaushiichiñi da qau'onataxañiÿa.

Nuevo Testamento Toba Sombrero Negro

⁸ Anec'alaĝachidegue jogaa'me yeleua'ape, a'niyelaĝachiidijeguem jogaa'me joote yele'u, aueñi yoqovite' jogaa'me nolaĝa polio' lalataqa nataq'aen auamaqayidegue jogaa'me payagodipi lepaqa'li. Dojo' nañoqotaĝanaĝac ami qoyanema nayi: qaya'te lajo'vi ta'le oquiyot. Chane'eja ena'te auauoyi lajo'vi da'me auec'alaqataĝañi.

Mateo 10:8 Referans Kwoze

Hechos 3:6

Qalaxaye so Pedro 'enapego' somaye, 'eeta': –Aỹem qaca aca aỹom plata, huo'otaq aca oro. Qalaxaye 'am sanem da aỹem hueto'ot: 'am serolec da le'enaxat So Jesucristo maye Nazaret le'ec qataq 'am shenapega: «qoñisheguem, 'auqueuoỹapigui'.»

Hechos 4:30

Qataq qomi' 'aỹa'anema cam 'ara'añaxac, da yaqto' qomi' ñatarenaq na sa no'onpi, qataq da so'otaq na na'anecpi qataq na sa qaỹauanapigui qataq ỹo'oxoraq, da so'onataxanaxa da le'enaxat som qui'itta 'aỹa'alec Jesús.

Lucas 10:9

qanatayiñi 'enauac nam sa no'onpi maye hueta'a camaye, qataq qaua'aqtaxañim da lo'onataxanaxac Ñim Lo'onatac 'Enauacna da mashe nayeetai'.

Mateo 10:1

Nache So Jesús ỹataxana't soua doce lapaxaguenataqa. Nache ỹanem da la'añaxac ñi 'oonolec soomaye, da yaqto' ishet da ỹo'orauec na saqcha'a na'añaxac leguemaxaicpi, qataq da nataren 'enauac nam ỹotta'a't nalolaxasat.

Marcos 16:18

qataq ishet da ỹacongui na na'araxanaq, qataq nỹomgui na deshenataxan, qalaxaye qaica ca 'eetec. Nataqa'en da ỹashel-lec na sa no'onpi, nache no'oita.»

Números 18:7

Qaq 'am qataq na 'aỹa'alaqpi maiche qoviỹapegue' qome da qaro'onataxanaxaqui da qami' ntaxaỹaxanaxanaqa, qataq na no'onatacpi añi nca'atoxonaxalate, qataq na pa'auo ñi napoxonaxat. Nache de'era no'onataxanaxac qauo'oche, cha'aye qami' sanaguilo da qami' ntaxaỹaxanaxanaqa. Qaq da huo'o ca ỹacoolec de'era no'onataxanaxac da saishet da qoỹanagui co'ollaxa da ntaxaỹaxanaxanec, nache camaye qaỹalauat.»

Isaías 55:1

'Enauac nam ilem laquip, anac qome da yaqto' nỹomgui na 'etaxat, qataq nam qaca aca alom anac qome da ỹache na trigo maye qoỹaatem da yaqto' aloq, qataq yaqto' ỹanata na lataxa qataq na huaca lche' maye qoỹaatem.

Mateo 10:7

Nache qaua'aqtaxañim de'era na'aqtaxanaxac maye, 'eeta': «Da lo'onataxanaxac Ñim Lo'onatac 'Enauacna mashe saqaỹaloq da nvita ne'ena.»

Mateo 10:9

Qataq saishet da qauache aca qo'omi,