Mateo 10:7 - La'aqtaqa Ñim Lo'onatac 'Enauacna 2013

⁷ Nache qaua'aqtaxañim de'era na'aqtaxanaxac maye, 'eeta': «Da lo'onataxanaxac Ñim Lo'onatac 'Enauacna mashe saqaỹaloq da nvita ne'ena.»

Nuevo Testamento Toba Sur

⁷ Nachi qau'axachiim qome da mashi sa qaÿapeque da l'onataxanaxac ñi Dios mayi neta'ague da piguem da ilo'ogue 'enauacna.

Nuevo Testamento Toba Sombrero Negro

⁷ Jamoyi, a'uaĝachetac queda'me joote qoyoqo'ta da'me lejaliaĝa ñe'me Dios 'me na'ague di'me piyem.

Mateo 10:7 Referans Kwoze

Hechos 28:31

Nache ỹataqta qaica ca ñe'etaique da ỹa'axattac da lo'onataxanaxac Ñim Lo'onatac 'Enauacna, qataq dapaxaguenataxaatapeguec So Qarataxala' Jesucristo maye Lca'aguishec Ñim Lo'onatac 'Enauacna. Ỹataqta qaica ca naxattac da la'aqtaxanaxac.

Mateo 3:2

Qaq da la'aqtaxanaxac somaye 'eeta': «Qavi'eguelaqaỹot Ñim Lo'onatac 'Enauacna, cha'aye da lo'onataxanaxac Ñimaye da ilo'ogue 'enauacna mashe saqaỹaloq da yo'oq.»

Lucas 9:60

Qalaxaye So Jesús 'enapega 'eeta': –Ỹactec da ỹaỹamaqchiguiñi da 'am qojec nagui da 'aua'axatec da no'on na'axaỹaxac da lo'onataxanaxac Ñim Lo'onatac 'Enauacna. ¡Ñaq 'aua'axaỹa'a na leuaxaicpi da maiche ilayiñi na lqatacpi!

Mateo 4:17

Huaña, nache So Jesús cot da da'aqtaxanem 'enauac so shiỹaxauapi, 'eeta': «Qavi'eguelaqaỹot qome Ñim Lo'onatac 'Enauacna, cha'aye da lo'onataxanaxac Ñimaye maye hueta'a ne'ena.»

Lucas 16:16

Choche ivitta'a co'ollaq nvi' so Juan da na shiỹaxauapi, iuen da ỹalaxaguet na namaxasoxonaxacpi maye chegoqo'ot so Moisés qataq nam lapaxaguenataxanaxacpi som la'aqtaxanaxanecpi Ñim Lo'onatac 'Enauacna. Qalaxaye nagui, nache qaỹa'axat da no'on na'axaỹaxac maye ỹa'axat da lo'onataxanaxac Ñim Lo'onatac 'Enauacna, qaq 'enauac na shiỹaxauapi ỹataqta lta'araic da na'añaxataxac da huotaique inoxoneua'a damaye.

Lucas 9:2

Ime, nache ỹama'q soomaye da ỹa'axatre'c da no'on na'axaỹaxac dam lo'onataxanaxac Ñim Lo'onatac 'Enauacna, qataq natare'n na sa no'onpi.

Isaías 61:1

So saq cha'a la'añaxac Ñim Nataxala' aỹem hueta'aguet, cha'aye Ñim Nataxala' aỹem lca'aguishec, aỹem namaq da sa'axatem da no'on na'axaỹaxac nam choxoraqpi, qataq sa'añaqchet nam daquicotac da lquiyaqteỹaxac, qataq sa'axatem da qaisouec nam ncoñeteguishecpi, qataq da qaisouec nam netaigui ana ncoñetaxanaxaquipi,

Marcos 6:12

Nache soua napaxaguenataqa je'c, nache ỹachegoxottrot da da'aqtaxanem na shiỹaxauapi da iuen da ỹaxaañi da ỹo'ottac na lasouaxashetpi, nache ỹe'eguelaqot Ñim Lo'onatac 'Enauacna.

Hechos 10:25

Qaq so Pedro co'ollaq ivireua'a ca nỹec, nache so Cornelio ca'ata'aguet somaye, nache ỹa'aroto naua l-llectel cha'aye huo'o naq 'enec naqa'en.

Hechos 4:2

Qaq soomaye ỹataqta dalematai', souaxat so Pedro qataq so Juan da ỹapaxagueetrac na shiỹaxauapi, qataq ỹa'axattrac da na leuaxaicpi ishet da qaltaq qanca'alaxatec qome, 'eeta'am So Jesús da qaltaq nca'alec.

Juan 3:2

Se'eso Nicodemo huo'o so pe, nache somaye nqo'ona So Jesús. Nache 'enapega, 'eeta': –'Am Napaxaguenataxanaq, qomi' saỹaanaq da 'am namaq Ñim Lo'onatac 'Enauacna da qomi' 'auapaxague'n. Cha'aye qaica ca ishet da ỹo'ot na 'auo'otpi na'anec maye sa qaỹauanapega. Nachaqcata cam hueta'aguet Ñim Lo'onatac 'Enauacna.

Lucas 9:6

Ime, nache soua napaxaguenataqa je'c da taỹa 'enauac nam saq 'amaqtaq nỹecpiolec yi'iye 'alhua, ỹa'axattrac da no'on na'axaỹaxac qataq natareetrac na saq no'onpi.

Mateo 23:13

Nache So Jesús 'enapega som fariseopi qataq som dapaxaguenataxaatapeguec na namaxasoxonaxacpi, 'eeta': ¡Ỹataqta qauem da qa'aita'ague qami' tenataxanaxaicpi! Cha'aye qami' qauapoigui ñi lasom dam lo'onataxanaxac Ñim Lo'onatac 'Enauacna, da yaqto' saishet da huo'o ca inoxoneuo. Qalaxaye ivira'alo qami' saishet da qaunoxoñiiuo, qataq saishet da qauashiñim da inoxoneuo nam nshetaique da inoxoneuo.

Mateo 21:43

Qaq ỹoqta 'eesa de'era qami' sa'aqtaxanema da Ñim Lo'onatac 'Enauacna, qami' nqatre'c da yaqto' saishet da qami' ỹalecneua'alo da lo'onataxanaxac, nache ỹami' ca ỹoqta 'enauac ỹalaxaguet damaye.

Mateo 21:31

Qaq ¿chaq negue't se'esoua dos ñalqa cam ỹo'ot da 'eetapeguec so lta'a? Nache som ntaxaỹaxanaxanecpi da qaitaxaỹapegue' Ñim Lo'onatac 'Enauacna qataq som lataxala'pi na judiopi 'enapeco': –Qomye som llalec ỹe, 'enapeco' somayepi. Nache So Jesús, 'eeta': –Ỹoqta 'eesa de'era qami' sa'axatema, da nam shiỹaxauapi maye qauem da na'aqtaguec, qataq nam ỹacootapeeguet ana nsheetenaqte ca nta'a qataq anam quisheguetaxaipi, namayepi la'auaxanec da inoxoneua'a da lo'onataxanaxac Ñim Lo'onatac 'Enauacna.

Mateo 11:1

Qaq So Jesús co'ollaq imat da ỹanema soua doce lapaxaguenataqa da lqataxac, nache ca'ai ye hueta'a, da yaqto' dapaxaguenataxan qataq da'aqtaxanem da no'on na'axaỹaxac na shiỹaxauapi maye hueta'alo naua lỹa't 'aleu' yi'iye qanayeuta'a 'alhua.

Mateo 10:8

Qataq qanatayiñi nataqa'en na sa no'onpi. Qataq qanca'alaxacheeuec nam mashe ileupi. Qataq qanatayiñi nam nchega na lo'oc, qataq qauo'oyiỹauec na saqcha'a na'añaxac leguemaxaicpi maye netaigui na shiỹaxauapi. ¡Qataq saishet da qauỹaxañiỹaique aca lasheue nam qauo'oche, cha'aye de'era na'añaxac maye qauo'onataxañiitega damaye chegoqo'ot Ñim Lo'onatac 'Enauacna qataq choche qami' qoỹaatema!