Mateo 10:6 - La'aqtaqa Ñim Lo'onatac 'Enauacna 2013

⁶ Nachaqrata qome da qanqo'oñiỹa nam Israel le'ecpi maye 'eeta'am aca qagueta isomtac.

Nuevo Testamento Toba Sur

⁶ Chaqdata qome da qanqo'oñiÿa nam llalaqpi, so Israel mayi 'eeta'am aca qagueta mayi isomtac.

Nuevo Testamento Toba Sombrero Negro

⁶ Nach'edata da'me auec'achiyalo ga'me lec'oqo'tepi ñe'me Israel 'me ena'ama ga'me 'naĝanaĝatelpi jo'ne yejoma'tape.

Mateo 10:6 Referans Kwoze

Jeremías 50:6

Nam ỹalamaxat nhuo' le'ecpi, 'eeta'am co'ollaxa aca qaguetapi da deqat, cha'aye so qagueta lo'opi isomaxanaqchet co'ollaxa, nache ỹo'ot da chochaq quetapeguelec ana qasoxonaxapi, ca'ai añi 'oonole qasoxonaxa qataq nqo'ona añi lỹa qasoxonaxa, choche ivitta'a da icoua'ai aso laỹe'.

1 Pedro 2:25

Qami' co'ollaxa qoñiita'am aca qaguetapi maye isomtac, qalaxaye nagui mashe qañe'eguelaqaiua'a So Cristo maye 'eeta'am ca ilotague' ana qagueta, qataq npaxattalec.

Hechos 13:46

Qalaxaye so Pablo qataq so Bernabé saishet da ñe'erelec da la'aqtaxanaxa'c. Nache co'ollaq ime, nache 'ena'apo': –Da la'aqtac Ñim Lo'onatac 'Enauacna, damaye iuen da hua'auñi da qami' sa'aqtaxanaxama maye qami' judiopi. Qalaxaye nagui ye qami' saishet da qauacoñiiguet, qataq qoñiỹapec ye sa iuen da qauacoñiiguet da nca'alaxa maye chochaq tatec, qaq qomi' nagui, saxaigui nam saishet da judiopi da sa'aqtaxanaxam.

Ezequiel 34:6

Anamayepi laguelec 'enauac ana qasoxonaxapi, qataq ana qaỹoqotcheguemec lcomaraxalatepi, laguelec 'enauac ana 'alhua, nache qaica ca qochetega da nmittaique.

Isaías 53:6

'Enauac da shenaqta seqataq co'ollaxa shenaqta'am aca qagueta, nache ñi 'oonolec da shenaqta quetague' ca maiche nqa'aic, qalaxaye Ñim Nataxala' ỹache naqa'en som lamaxashec 'enauac na qarasouaxashetpi.

Salmos 119:176

Cha'aye aỹem ñesomaxaatapigui' co'ollaxa sheeta'am aca qagueta da deqat, qaq ỹoqo'oye 'auanac qome da 'anmitaique ne'ena 'aramaxashec, cha'aye aỹem sa secoua'aisalo naua 'aramaxasoxonaxaco.

Hechos 3:26

Qaq ỹoqo'oye Ñim Lo'onatac 'Enauacna co'ollaq qaltaq nca'alec naqa'en So Llalec Jesús, nache ỹa'auaxaachiyiñi da qami' namaxalo, da yaqto' qami' ỹanema ca no'on qoyecỹaxaqui, yaqto' ñi 'oonolec da qoñiita ishet da ỹaxanec ca sa ỹaỹamaxañi.

Mateo 18:10

Qantooñita'ac qome de'era: saishet qome da qauo'otañi ca 'oonolec nam saqca ca la'amaqchec. Cha'aye Aỹem qami' shenapegalo da na lamaxashecpi maye 'amaqtaqaicpi Ñim Lo'onatac 'Enauacna ilotague' namayepi.

Ezequiel 34:8

Aỹem Nataxala', maiche ñañan da san da ỹa'aqtac maye 'eeta': Na ỹotta'a't shiguiỹacpi maye dequi'iỹapec, decachiỹa qataq chec ana ỹalamaqte qaguetapi, cha'aye qaica ca ilo'ogue anamayepi. Na qagueta lo'opi maye sepataxaguet co'ollaxa, saishet da nmitaique ana qaguetapi. Namayepi maiche ntelteguela't, qaq saishet da ntela'a ana ilo qaguetapi.

Hechos 26:20

Ỹoqo'oye aỹem sa'auaxaachiguiñi da sa'axatem da na'aqtac nam netaña ye Damasco. Ime, qataq jec nam netaña ye Jerusalén qataq 'enauac nam netaña ye 'alhua Judea qataq nataqa'en nam saishet da judiopi. Shenapega da iỹaxanot Ñim Lo'onatac 'Enauacna da yaqto' ichoxoren qataq ỹalaxaguet, nache ỹo'ot cam no'on maye ỹachaxan da 'eesa da naralaxat da lhuennataxac.

Hechos 18:6

Qalaxaye somayepi ỹataqta ncotatague' somaye qataq isheueetac, nache so Pablo ichego'q soua alogo, cha'aye damaye la'anaxat da jec. Nache 'enapego' somayepi, 'eeta': –Ñim Lo'onatac 'Enauacna da ỹauo'o ca qanhuaxanaguiiqui, nache qami' maiche qarasouaxashechi; saishet da ỹasouaxashet. Qaq nache chegoqchiguiña ne'ena na'a'q da sa'aqtaxanem nam saishet da judiopi.

Lucas 24:47

Nataqa'en iuen da qaỹa'aqtaxanem na ỹotta'a't shiỹaxauapi Aỹem, yaqto' 'enauac namayepi ỹe'egueloqot Ñim Lo'onatac 'Enauacna, qaq Ñimaye ỹapalaxat na lasouaxashetpi. Qaq chegoqchiguiña na Jerusalén,

Ezequiel 34:16

Ñimitaique qome ana qaguetapi maye deqat, qataq ñe'eguelaxateuo ana laga't co'ollaxa, qataq sauo'o ca laxataxat na huacac lapia', qataq setauan qome ana mashe qaica ca la'añaxac, qalaxaye selaxachigui qome ana chaxaraipi qataq no'oitapi. Aỹem ỹataqta saỹamaxatchiguiñi da lataxac qom selo'ogue anamayepi.

Jeremías 50:17

Na Israel le'ecpi, 'eeta'am aca qagueta da isomtac souaxat da icaatac na llonpi. Qaq hua'auñi co'ollaxa da chec namayepi ñi nta'a ye Asiria, ime qaltaq nabucodonosor maye nta'a ye Babilonia nache ilaxachigui na lpi'inecpi.

Ezequiel 34:4

Qami' saishet da qautauañi ana qaguetapi maye qaica ca la'añaxac, qataq sa qanatareñi anam sa no'onpi, qataq saishet da qauauoi ca laxataxat na lacagaxa ana huacac na lapia', qataq saishet da qaupacỹapegue' ana dasheuec, qataq saishet da qanmichiỹaique ana deqat, nacherata da saishet da qauchiyiitac qataq sa qanỹeñi anamayepi.