Mateo 10:5 - La'aqtaqa Ñim Lo'onatac 'Enauacna 2013

⁵ So Jesús ỹama'q soua doce lapaxaguenataqa, qaq ỹanema da lqataxac, 'eeta': Saishet qome da qanqo'oñiỹalo na 'aleu' maye netaleguete nam saishet da judiopi. Nataqa'en saishet qome da qanqo'oñiiua'a nam nỹecpi maye huaigui ye 'alhua Samaria.

Nuevo Testamento Toba Sur

⁵ So Jesús ÿama'q soua doce lapaxaguenataqa, qaq ÿanema da l'aqtac, 'eeta': –Sa ishit qome da qanqo'oñiÿalo na 'ale'u mayi netalguete nam sa ishit da judiopi. Qataq sa ishit qome da qanqo'oñiu'a nam pueblopi mayi huaigui yi Samaria.

Nuevo Testamento Toba Sombrero Negro

⁵ Jesús yama' naa'me naajo' doce jo'ne eetojo' da'me yaqataĝaneque: “Ena'te auec'achiya di'me 'naleua joga'me ja judiopi uotaĝa ta'le ayouelo joga'me noyaqa 'me neda'ña di'me Samaria.

Mateo 10:5 Referans Kwoze

Juan 4:9

Qalaxaye na judiopi ye saishet da nhuoone' na Samaria le'ecpi, nache aso 'alo inat So Jesús, 'eeta': –¡Qalaxaye 'am judío le'ec! ¿Ta'ainco' ye aỹem 'auỹaxaatacot ye aỹem Samaria lashe?

1 Ts 2:16

Qaq ỹoqo'oye naxa da sauoqtaique da sa'aqtaxanaxam na saq judiopi, da yaqto' ivirauga nataqa'en da qanca'alaxatec, qaq namayepi qomi' sa ỹashenema da shenaqtapeguec. Qaq de'era 'eetec namayepi maiche nquigaxattauec da lasouaxashet. Qaq ỹoqo'oye nagui namayepi talec qome da saqca ca 'ena'am nhuaxanaguec maye chegoqo'ot Ñim Lo'onatac 'Enauacna.

Lucas 17:16

Nache ỹa'aroto naua l-llectel So Jesús, ỹataqta iviraxata'aguet naqa'en na latap na 'alhua, nache ỹaatacot da na'achec Somaye. Qaq se'eso ỹale, somaye lma' ye Samaria.

Hechos 10:45

Nache soua judío lashe' maye nnaictagueto so Pedro, soomaye ỹataqta huo'o da la'aalaqa' da So Saqcha'a Na'añaxac Qui'itta nataqa'en ishet da qoỹanem nam saishet da judiopi.

Lucas 9:2

Ime, nache ỹama'q soomaye da ỹa'axatre'c da no'on na'axaỹaxac dam lo'onataxanaxac Ñim Lo'onatac 'Enauacna, qataq natare'n na sa no'onpi.

Hechos 1:8

Qalaxaye qom qami' nvitalo ca Saqcha'a Na'añaxac Qui'itta, nache qami' taỹoto qome ca na'añaxac, nache qoqui da Aỹem qaua'axache, da qaua'aqtaxañim nam netaña na Jerusalén, qataq nam netaña ye 'alhua Judea qataq ye Samaria, qataq choche qaviyeeta'a ca ỹataqta pa'atec ana 'alhua.

Juan 20:21

Ime, nache So Jesús qaltaq ỹe'eguelaxalec da 'enapegalo soomaye, 'eeta': –Qami' huo'o da qarlagaxayiqui. Qaq de'era 'eetec co'ollaxa da Aỹem namaq Ñim Ita'a, qaq nachera qome da sheetec da qami' sama'q.

Juan 7:35

Nache nam judiopi maiche nnattega't, 'eeta': –¿Chaq hua'ago' ca dataigue damaye da yaqto' saishet da sanataxa? ¿Qalqo' nqo'ona nam judiopi maye netaña na ỹaqa'a 'alhuapi, da yaqto' ỹapaxaguen nataqa'en nam saishet da judiopi?

Juan 4:5

Qaq co'ollaq ỹa'axasoxoolec yi'iye 'alhua, nache ivita ye saq 'amaqtaq nỹecpiolec le'enaxat Sicar. Qaq yemaye saqaỹapeque aso lshere co'ollaxa so Jacob. Qaq co'ollaq mashe ileu so Jacob, nache se'eso dalaxaic lalamaxat se'eso 'alhua maye naña aso nshere somaye nacheso so llalec José.

Lucas 10:33

Qaq nataqa'en nateuga se'eso nqa'aic so ỹale maye lma' ye 'alhua Samaria, qaq co'ollaq ila'a se'eso ỹale da huetaiya', nache ỹataqta huo'o da lchoxonnataxanaxa.

Mateo 4:15

«Ñaq 'ana'axaỹaxan 'am 'alhua maye 'am lalamaxat na llalaqpi so Zabulón, maye 'am saqaỹapeque aso auaxai; qataq 'ana'axaỹaxan 'am 'alhua maye 'am lalamaxat na llalaqpi so Neftalí, maye 'apa'aigue da nala' lliguisheguem so tala Jordán; Qataq 'ana'axaỹaxan 'am 'alhua Galilea, maye 'am netalec nam chegaqauec shiỹaxauapi.

Hechos 8:1

Qaq so Saulo ỹauaachigui da nalaataguec so Esteban, qataq ỹataqta ỹaỹamaxareeta. Qaq nache huetoigui se'eso na'a'q da qaicanaxangui nam ỹa'amaqten So Jesús ye Jerusalén, nache huo'o na taỹa ye 'alhua Judea qataq ye 'alhua Samaria. Qaq chaqsouate' soua Jesús lamaxa'she no'oirañi.

Juan 8:48

Nache huo'o nam judiopi da 'eetega Somaye, 'eeta': –Qomi' ỹataqta 'eesa de'era qara'aqtac co'ollaq shenaqapec da choche 'am Samaria le'ec qataq huo'o ñi saqcha'a na'añaxac leguemaxaic 'am netaigui.

Juan 4:20

Qaq som hua'au qarta'alpi co'ollaxa maye lma' na Samaria, somayepi co'ollaxa da natamnot Ñim Lo'onatac 'Enauacna, qalaq hualec añi qaỹoqotcheguemec 'alhua. Qalaxaye qami' judío lashe' qoñiỹapec da nacheye ye Jerusalén yem huaña da ñatamnaqot Ñim Lo'onatac 'Enauacna.

Lucas 10:1

Qaq co'ollaq ime de'era, nache So Jesús lca'aua'a so setenta y dos laỹepi lapaxaguenatacpi, nache ỹamaq somayepi dostega't naqa'en, da ỹa'auaxaata'a 'enauac na naña na saq 'amaqtaq nỹecpiolec qataq naua lỹa't 'aleu' maye taỹa'alo Somaye.

Mateo 22:3

Nache ỹamaq so lamaxashecpi da yaqto' icoyeguen 'enauac som huotaique da ỹalectauo naqa'en se'eso lquia'axac. Qalaxaye som qaicoyeguenpi saishet co'ollaxa da huo'o ca anac.

Marcos 6:7

Ime, nache ỹataxana't soua doce lamaxa'she, nache ỹama'q, dostega't naqa'en. Qataq ỹanema soomaye da na'añaxac da yaqto' ỹo'oldaue'c na saqcha'a na'añaxac leguemaxaicpi maye netaigui na shiỹaxauapi,

Lucas 9:1

Qaq huo'o so na'a'q, nache So Jesús ỹataxana't soua doce lapaxaguenataqa, nache ỹanema da la'añaxac soomaye da yaqto' natare'n na ỹotta'a't nalolaxapi qataq ỹanema da 'ene'c da ishet da ỹo'orauec nam ỹotta'a't saqcha'a na'añaxac leguemaxaicpi.

Juan 17:18

Qaq de'era 'eetec da Aỹem 'anamaxa na huetalec ana 'alhua, qaq nachera da sheetec nataqa'en da Aỹem samaxa naamaye nam huetalec ana 'alhua.