Mateo 10:41 - La'aqtaqa Ñim Lo'onatac 'Enauacna 2013

⁴¹ Qaq cam ỹaconeguet cam la'aqtaxanaxanec Ñim Lo'onatac 'Enauacna, nache camaye ỹaconeguet cam nsheetenaguec maye 'eeta'am aca nsheetenaqte cam na'aqtaxanaxanec. Qaq cam ỹaconeguet ca no'on shiỹaxaua, qaq cha'aye camaye no'on, qaq camaye da qaisheeten, nache 'eeta'am qanqa'en aca lasheue cam no'on shiỹaxaua.

Nuevo Testamento Toba Sur

⁴¹ Qaq cam ÿaconguet cam l'aqtaxanaxanec ñi Dios, qaq cha'ayi camayi lamaxashic ñi Dios, nachi camayi ÿaconguet cam nshiitenaguec mayi 'eeta'am qanqoÿin aca nshiitenaqte cam n'aqtaxanaxanec. Qaq cam ÿaconguet ca no'on shiÿaxaua, qaq cha'ayi camayi no'on, qaq camayi da qaishiiten, nachi 'eeta'am qanqoÿin aca lashiue cam no'on shiÿaxaua.

Nuevo Testamento Toba Sombrero Negro

⁴¹ Ga'me jo'ne yaconeguet ñe'me Dios 'laqataĝanaĝanec yajouaĝat da'me eja 'yaĝatetac da'me 'laqataĝanaĝac ñe'me Dios, qama'le nach'ega nalo'taguet da'me lajo'viyaĝac ñe'me Dios 'laqataĝanaĝanec qom qoyejeten. Nataq'aen ga'me jo'ne yaconeguet ñe'me jiyaĝaua jo'ne yataqatelegue yajouaĝat da'me eja yataqatelegue ñe'me, qama'le nach'ega naloteguet da'me lajo'viyaĝac ñe'me yataqatelegue qom qoyejeten.

Mateo 10:41 Referans Kwoze

Hebreos 6:10

Ñim Lo'onatac 'Enauacna ỹataqta no'on da lataxac, ỹoqo'oye saishet da huo'otaq icoua'ai nam qauo'oche qataq nam qoquiito'ot da qauo'ocheetac da yaqto' qautauañi nam lalamaxatpi qataq lca'aguishecpi. Qataq da nache qoñiitec de'era, nache qami' nataqa'en qauachaxañi da qauauochec Ñim Lo'onatac 'Enauacna.

2 Juan 1:8

Qaq maxatchaxa qome qanchilỹañi yaqto' saishet da qauqataqchichi 'enauac nam no'on maye qami' so'otaxaque. Cha'aye da saishet da nache qoñiitec de'era, nache qami' saishet da qauacoñiiguet cam ỹataqta nalochiguiñi qansheetenaguiiqui maye chegoqo'ot Ñim Lo'onatac 'Enauacna.

Génesis 20:7

Qalaxaye nagui aña'añi 'alo 'avi'eguelaxatem qome ñi lhua, cha'aye ñimaye na'aqtaxanaxanec, qaq 'am nqouagaxaueelec qome da yaqto' 'anca'alec. Qalaxaye qom saishet da 'avi'eguelaxatem ñimaye, nache 'am 'aleu qome, qocañi' na 'aralamaxatpi.»

1 Corintios 9:17

Qaq ỹoqo'oye aỹem saishet da sepactaique da aỹem qaisheeten da sa'axattac da no'on na'axaỹaxac, cha'aye saishet co'ollaxa da aỹem qainat da so'ot damaye; ¡Damaye maiche iuennataxac da so'ot!

Mateo 16:27

Cha'aye Aỹem Shiỹaxaua Llalec, saqaỹaloq da ñe'eguelaq ñanactaigui da la'añaxac Ñim Lo'onatac 'Enauacna qataq na ỹamaxashecpi da yaqto' sanem ca laueguec nam 'onaxaic nam ỹo'ottacpi qataq sauo'o ca nhuaxanaguec na qauem nam ỹo'ottacpi.

Mateo 6:18

yaqto' na shiỹaxauapi saishet da ỹaỹaten da qanqouaqchichiitac. Qaq nachaqñita Ñi Qarta'ai maye Lo'onatac 'Enauacna, Ñim ỹaỹaten nam saqcha'a, Ñimaye ỹauo'o ca qansheetenaguiiqui.

Mateo 6:6

Qalaxaye da huo'o ca 'oonolec da qoñiita da nqouagaxauen, nache no'on da ndotec. Taigui ca lma', ime, nache ỹapogui ca lasom, nache qaica ca ỹaỹaten da na'aqtaxane' Ñim Lo'onatac 'Enauacna maye Lta'a, cha'aye Ñimaye ỹan cam qaiỹaxanaique, na'aictaxa da saqcha'a.

Hechos 16:15

Ime, nache asomaye qanachelaxan, nataqa'en 'enauac so llalaqpi. Qaq co'ollaq ime, nache ỹataqta qomi' ỹe'eguelaqto'oto da souaqa'a ca lma', nache qomi' seca'ataxague asomaye.

Mateo 6:4

Yaqto' de'era ltaunaxanaxac saishet da qaỹaỹaten, qaq Ñim Lo'onatac 'Enauacna maye Nta'a, Ñim ỹaỹaten de'era saqcha'a, Ñimaye ỹauo'o ca nsheetenaguec.

Mateo 6:1

Qami' da huo'otaq huo'o ca qauo'oche ỹaỹamaqchiguiñi, qalaq saishet da qaua'axacheeteua'alo: cha'aye da nache qoñiitec de'era, nache Ñim Lo'onatac 'Enauacna maye Qarta'ai saishet da ỹauo'o ca qansheetenaguiiqui.

Isaías 3:10

Qaq machiguiñi qome cam no'on da lataxac cha'aye no'on qome da llecỹaxac, qataq huo'o da ntonaxac cha'aye no'on da alaỹaxac da lo'onataxanaxac.

Mateo 7:8

Cha'aye cam pi'iỹa'a Ñim Lo'onatac 'Enauacna, qalaq ỹaconeguet cam iỹaxanaique; qataq ỹanata cam nmittaique, qataq da deỹaxan qalaq qailo'oguet.

Mateo 25:44

Nache namayepi 'enapec qome: «'Am Qarataxala', sa ỹauano' da 'am seloqta'a da 'auqouat, qataq da ỹaguec na 'araquip. Qataq saishet da sa'axasoqtapeguelec da huo'o ca huaña da qoca'ai ye 'aralamaxat 'arma', qataq saishet da 'am seloqta'a da qaica ca 'aỹa'aañi. Nataqa'en saishet da sa'axasoqtapeguelec da 'am sa no'on huo'otaq da qonetaigui añi ncoñetaxanaxaqui. Ỹoqo'oye saishet da 'am setauanaq.»

Mateo 25:45

Nache Aỹem sheeta': «Qaq cha'aye qami' ye sa qautauañi nam shiỹaxauapi maye qaica ca la'amaqchec ana 'alhua, qaq ỹoqo'oye Aỹem shenapec da nataqa'en saishet da Aỹem qautauañi.»