Mateo 10:40 - La'aqtaqa Ñim Lo'onatac 'Enauacna 2013

⁴⁰ Da huo'o ca shiỹaxaua da qami' ỹaconegueta, nache camaye nataqa'en Aỹem ỹaconeguet. Qaq cam shiỹaxaua da Aỹem ỹaconeguet, nache camaye nataqa'en ỹaconeguet Ñim Lo'onatac 'Enauacna maye Aỹem namaq.

Nuevo Testamento Toba Sur

⁴⁰ Ca qami' ÿacongueta, camayi nachaÿim aÿim ÿaconguet. Qaq ca aÿim ÿaconguet, camayi ÿaconguet ñim aÿim namaq.

Nuevo Testamento Toba Sombrero Negro

⁴⁰ Qom 'uo ga'me ami yaconegueta, qama'le naqayem da'me jayem yaconeguet; nataq'aen ga'me jo'ne jayem yaconeguet, qama'le nach'e ena'am yaconeguet ñe'me jo'ne jayem namaĝaquena.

Mateo 10:40 Referans Kwoze

Juan 13:20

Qaq ỹataqta 'eesa de'era qami' sa'axatema, da ca ỹaconeguet cam ỹamaxashec, qaq camaye Aỹem maye Aỹem ỹaconeguet. Qaq cam Aỹem ỹaconeguet, camaye ỹaconeguet Ñim Aỹem namaq.

Lucas 9:48

Nache 'enapegalo' soomaye 'eeta': «Da huo'o ca ỹaconeguet ca 'eeta'am ne'ena nogotolec, nache camaye Aỹem ỹaconeguet. Qaq da huo'o ca ỹaconeguet Aỹem, nache ỹaconeguet Ñim Lo'onatac 'Enauacna maye Aỹem namaq. Cha'aye ca ỹapactec qaica ca la'amaqchec 'enauac da qoñiita, qaq nacheca ca ỹataqta 'eesa da 'amaqtaqaic.»

Lucas 10:16

Ime, nache So Jesús 'enapegalo soua lapaxaguenataqa, 'eeta': «Camachaqca ca qami' na'axaỹaxanalo, qaq nache Aỹem maye Aỹem na'axaỹaxana. Qaq cam sa qami' ỹaconegueta, qaq nache Aỹem maye saq Aỹem ỹaconeguet; qaq cam saq Aỹem ỹaconeguet, qaq nacheñi Ñim Lo'onatac 'Enauacna maye sa ỹaconeguet Ñim Aỹem namaq.»

Mateo 18:5

Qataq ca souaxat da Aỹem quetague' da ỹaconeguet ca 'oonolec nogotolec 'ena'am ne'ena, nache camaye Aỹem ỹaconeguet.

2 Juan 1:9

Da saishet da qoquiitegue nam qami' ỹapaxagueneque So Cristo, nache Ñim Lo'onatac 'Enauacna saishet da qami' hueta'agueta. Qalaxaye da qana'añaxacheetec dam qami' ỹapaxagueneque Ñimaye, nache Ñim Lo'onatac 'Enauacna maye Nta'a qataq So Llalec nache 'eetai' da qami' hueta'agueta.

Juan 20:21

Ime, nache So Jesús qaltaq ỹe'eguelaxalec da 'enapegalo soomaye, 'eeta': –Qami' huo'o da qarlagaxayiqui. Qaq de'era 'eetec co'ollaxa da Aỹem namaq Ñim Ita'a, qaq nachera qome da sheetec da qami' sama'q.

Mateo 25:40

Qaq Aỹem maye Aỹem Nta'a, sheeta': «Dam qauo'ochec na shiỹaxauapi maye qaica ca la'amaqchec ana 'alhua, qataq nam samata'ac da ỹataqta ỹaqaỹañicpi, nache damaye 'eeta'am da nache Aỹem da Aỹem qauo'ochec.»

1 Ts 4:8

Qaq ỹoqo'oye ca no'otane' de'era napaxaguenataxanaxac, camaye saishet da nache qomi' da qomi' ỹo'ota'n, maye nacheñi Ñim Lo'onatac 'Enauacna ỹo'otan, Ñim qami' ỹanema So Saqcha'a Na'añaxac Qui'itta.

Gálatas 4:14

Na'aictaxa da se'eso ỹalolaxa da qami' ỹo'oteque da qalota qarqalaiqui, qalaxaye qami' saishet da aỹem qauo'otañi qataq saishet da aỹem sa qauacoñiiguet. Nachaqrata da aỹem qauacoñiiguet naua qarma'achilli' 'eeta'am aỹem qanqa'eñi ca lamaxashec Ñim Lo'onatac 'Enauacna, ¡huo'otaq nacheso So Jesucristo!

Juan 5:23

yaqto' 'enauac na shiỹaxauapi ishet da ỹo'oxoren na Llalec, 'eeta'am naqa'en da 'eetec da ỹo'oxoren Ñim Lta'a. Qaq cam saishet da ỹo'oxoren na Llalec, qaq camaye saishet nataqa'en da ỹo'oxoren Ñim Lta'a maye namaq Namaye.

Marcos 9:37

«Qami' da qauacoñiiguet ca nogotolec, 'eeta'am ne'ena ñesoqtauo, nache Aỹem qauacoñiiguet. Qaq da Ayem qauacoñiiguet, nache nataqa'en qauacoñiiguet Ñim Lo'onatac 'Enauacna maye Aỹem namaq.»

Mateo 25:45

Nache Aỹem sheeta': «Qaq cha'aye qami' ye sa qautauañi nam shiỹaxauapi maye qaica ca la'amaqchec ana 'alhua, qaq ỹoqo'oye Aỹem shenapec da nataqa'en saishet da Aỹem qautauañi.»

2 Corintios 5:20

Qaq ỹoqo'oye nache qomi' la'aqtaxanaxanaqa So Cristo, qaq chegoqchiguilo naqa'en qomi' Ñim Lo'onatac 'Enauacna da 'eeta'am da qami' ñachoxorenaqtoiguilo. Qaq chegoqchigui So Cristo da qami' ñachoxorenaqtoiguilo, shenaqta': qanmañi' qome Ñim Lo'onatac 'Enauacna.

1 Reyes 18:4

qaq ỹoqo'oye aso Jezabel, co'ollaq damaxasoxoolec da qaỹalauat so la'aqtaxanaxanecpi Ñim Nataxala', nache somaye cincuenta naqa'en so nqañoxotoigui ñi 'oonolec soua dos auaco, qataq ỹaata'am co'ollaxa aso nauole qataq so 'etaxat.

Jeremías 39:17

Qalaxaye Aỹem 'am ñepaxaalec qome, da yaqto' saishet da 'am loxonec ne'ena shiỹaxauapi maye 'aye'etega. Qaq 'era da ỹa'aqtac Aỹem Nataxala'.