Mateo 10:4 - La'aqtaqa Ñim Lo'onatac 'Enauacna 2013

⁴ Simón som chegaqaigui nam dataỹa'aguet naxa na nta'alpi qataq so Judas Iscariote som ỹaneuo co'ollaxa So Jesús.

Nuevo Testamento Toba Sur

⁴ Simón som chigaqaigui co'ollaxa ana l'enaxat cananista; qataq so Judas Iscariote som ÿaneuo co'ollaxa so Jesús.

Nuevo Testamento Toba Sombrero Negro

⁴ Simón jo'ne celote, nataq'aen Judas Iscariote, jo'ne ua'edi yanegue ñe'me Jesús.

Mateo 10:4 Referans Kwoze

Mateo 26:14

Qaq nacheso se'eso na'a'q da so Judas Iscariote, som 'oonolec soua doce lapaxaguenataqa So Jesús, jec da detaxaỹapegue' som lataxala'pi na ntaxaỹaxanaxanecpi da qaitaxaỹapegue' Ñim Lo'onatac 'Enauacna.

Juan 13:2

Qaq so pa'aguenataxanaxaic mashe sogote da ỹachaigui da lquiyaqteỹaxac so Judas Iscariote, da lhuennataxac da yaqto' ỹaneuo So Jesús. Qaq So Jesús, Somaye ỹaỹateeta da chegoqtot Ñim Lo'onatac 'Enauacna, qataq ỹaỹateeta da ỹe'eguelaxa Ñimaye, qataq da Ñim Lta'a ỹanem Somaye 'enauac da la'añaxac. Nache co'ollaq mashe deque'etacpi somayepi, nache So Jesús nachaañi, nache nqat so lapo', qataq nsaachigui so pilotaxat hualoq laỹe.

Juan 6:71

Qaq nacheso som Judas maye llalec so Simón Iscariote som detaqtega So Jesús. Cha'aye so Judas, nacheso so 'oonolec soua doce lapaxaguenataqa maye ỹaneuo Somaye.

Marcos 14:43

Qaq ña detaqtac So Jesús co'ollaq nvi' so Judas maye nacheso som 'oonolec soua doce lapaxaguenataqa. Qaq ỹataqta qalota so huataxanaqpi nnaictague', somayepi huota'a na lainecpi qataq na nponpi 'epaq. Qaq somayepi, nache lamaxashec nam lataxala'pi na ntaxaỹaxanaxanecpi da qaitaxaỹapegue' Ñim Lo'onatac 'Enauacna, qataq nam dapaxaguenataxaatapeguec na namaxasoxonaxacpi qataq na nqueroxonecpi maye lataxala'pi na judiopi.

Mateo 26:47

Qaq co'ollaq ñaq detaqtac So Jesús, nache nvi' so Judas, som 'oonolec soua doce lapaxaguenataqa. Qaq somaye ỹataqta qalota so nnaictague' ỹalleppi na'atchigui na lainec qataq na npon 'epaq. Somayepi nache lamaxashecpi som lataxala' na ntaxaỹaxanaxanecpi da qaitaxaỹapegue' Ñim Lo'onatac 'Enauacna, qataq nam nqueroxonecpi maye lataxala' na judiopi.

Lucas 22:47

Qaq ña detaqtac So Jesús co'ollaq nvi' so ỹataqta qalota shiỹaxauapi. Qaq qanatataueegue so Judas, som 'oonolec soua doce lapaxaguenataqa Somaye. Nache so Judas nquigueua'a So Jesús da napigoxoi'.

Lucas 22:3

Nache so pa'aguenataxanaxaic taigui da lquiyaqteỹaxac so Judas, da le'enaxat lỹa Iscariote. Somaye maiche 'oonolec soua doce lapaxaguenataqa So Jesús.

Marcos 14:10

So Judas Iscariote som 'oonolec soua doce napaxaguenataqa, somaye nqo'oneua'a da detaxaỹapegue' na lataxala'pi na ntaxaỹaxanaxanecpi da ỹachaxanapeguem, da itauan da qaỹaconeua'a So Jesús.

Mateo 27:3

Qaq so Judas co'ollaq ỹaỹaten da mashe qoỹaneguet da nalaataguec So Jesús, nache ỹataqta qauem da lhuennataxac qataq lta'araic da ntogotaxac souaxat da ỹaneuo So Jesús. Qaq ỹoqo'oye jec da nqo'oneua'a ca hueta'a so lataxala' na ntaxaỹaxanaxanecpi da qaitaxaỹapegue' Ñim Lo'onatac 'Enauacna, qataq so nataxala'pi yi'iye 'alhua, nache ỹe'eguelaxateuo aso treinta anom lcat maye chegaqaigui na plata,

Hechos 1:25

da yaqto' talec da lo'onataxanaxac so Judas maye iqataqchet souaxat dam lasouaxashet, nache ivireguet dam ỹataqta 'itchiguiñi naigui dam ỹo'ot.»

Hechos 1:13

Qaq co'ollaq ivildeua'a ye Jerusalén, nache taresheguemec ca pa'asheguem ca nỹec maye lanataqa't. Qaq na le'enaqa'ate soomaye: Pedro, Santiago, Juan, Andrés, Felipe, Tomás, Bartolomé, Mateo qataq so Santiago maye Alfeo llalec, qataq so Simón maye chegaqaigui nam dataỹa'aguet naxa na nta'alpi, qataq so Judas maye lqaỹa so Santiago.

Mateo 26:2

«Qami' qauaỹaañi da qom inoxoore'c ne'enaua dos na'axa'te, nache nnoxoneuo ca Lapascua. Nache huaigui qome da Aỹem Shiỹaxaua Llalec Aỹem qaỹaconeua'a, qataq Aỹem qaỹalauat Aỹem qaiuaxaata'aguet ca ñepe'enaxaqui.»

Mateo 26:15

Nache 'enapego' somayepi, 'eeta': «¿Chaq negue't aca lasheue da yaqto' qami' setaua'n da saconeua'a So Jesús?» Nache somayepi ỹachaxanapecot somaye aso treinta anom lcatpiole maye chegaqaigui na lcat le'enaxat plata.

Juan 6:64

Qalaxaye ñaqaiyeta huo'o na saishet da da'amqaanataxan da qoñiita. Qaq 'enapec de'era So Jesús, cha'aye nale'ena da ỹaỹaten co'ollaq cheta'ague da do'onataxan nam saishet da da'amqaanataxan qataq som huotaique co'ollaxa da ỹaneuo Somaye.