Mateo 10:37 - La'aqtaqa Ñim Lo'onatac 'Enauacna 2013

³⁷ Ca ỹactec da ỹauotec ca lta'a, huo'otaq aca late'e, da saq 'ena'am naqa'en Aỹem da lauoche, huo'otaq cam ỹactec da ỹauotec ca llalec, huo'otaq aca llale, da saq 'ena'am naqa'en Aỹem da lauoche, nache camaye saishet da ỹalamaxat.

Nuevo Testamento Toba Sur

³⁷ Ca ÿacteec da ÿauotec ca lta'a, huo'otaq aca late'e, da saq 'en'am naq'en aÿim da lauochi, nachi camayi sa ishit da ÿalamaxat. Qataq cam ÿacteec da ÿauotec ca llalec, huo'otaq aca llale, da saq 'en'am naq'en aÿim da lauochi, nachi camayi saq taiguet da ÿalamaxat.

Nuevo Testamento Toba Sombrero Negro

³⁷ Ñe'me jo'ne noqopita ga'me let'a uotaĝa lat'e qama'te ja yaguegue da'me jayem noqopita, qama'le ja tayet da'me ñauela't. Nataq'aen ñe'me jo'ne noqopita ga'me c'oĝot uotaĝa c'oqote qama'te ja yaguegue da'me jayem noqopita, qama'le ja tayet da'me ñauela't.

Mateo 10:37 Referans Kwoze

Lucas 14:26

–Saishet da ỹapaxaguenatac ca Aỹem naua'a, da huo'otaq ỹapagaqnauec da ỹauotec ca lta'a, huo'otaq aca late'e, lhua, qataq ca llalaqpi, lqaỹañecpi ỹalleppi qataq 'alpi. Nachaqcata ca ỹactec da Aỹem ỹauotec, saq 'ena'am da maiche nachaalataxac, qaq nacheca ca ỹapaxaguenatac.

Mateo 22:37

Nache So Jesús 'enapeco': –Da hua'auchiguiñi namaxasoxonaxac qataq ỹactec da la'amaqchec, 'eeta': «Ỹataqta 'auauotec Ñim Lo'onatac 'Enauacna, imauec da 'arhuennataxac, qataq imauec da 'anachaalataxac.»

Deuteronómio 33:9

som 'eetega so lta'a qataq aso late'e, 'eeta': ‹Sa ỹauana da qami' selota'alo›, qataq co'ollaq ila'alo soua lqaỹa't qalaq, 'eeta': ‹Qami' sa sauatto'n› nataqa'en co'ollaq ila'alo soua llalqa nache, 'eeta': ‹Saishet da qami' sauatto'n.› Qalaxaye ỹataqta ỹalaxaguet da 'ara'aqtac qataq ipactelec da ỹo'ot da 'anaỹamaxataxac.

Lucas 21:36

Qaq qami' ỹataqta qanaỹamaxacheetai' qome qataq qoquiito'oto naua na'axa'te da qanqouagaxauñiitac, yaqto' ishet da qami' ỹe't, qom ivita da yo'oq 'enauac ne'enapi, qataq yaqto' ishet da qanachaxañeeua'a qom nvi' na Shiỹaxaua Llalec.

Mateo 22:8

Ime, nache so nta'a 'enapega so lamaxashecpi, 'eeta': ‹Da tonaxac da qantonec da naronaxac mashe qaỹacoolec, qalaxaye nam temaq qanhuanaxauapi saq anac.

Juan 5:23

yaqto' 'enauac na shiỹaxauapi ishet da ỹo'oxoren na Llalec, 'eeta'am naqa'en da 'eetec da ỹo'oxoren Ñim Lta'a. Qaq cam saishet da ỹo'oxoren na Llalec, qaq camaye saishet nataqa'en da ỹo'oxoren Ñim Lta'a maye namaq Namaye.

Lucas 20:35

Qalaxaye cam taiguet qominchiye da inoxoneua'a cam lỹa 'alhua, qom mashe qanca'alaxatec nam leuaxaicpi, que'eca 'alhua, huaña, nache aca 'alo qataq ca ỹale saishet da huaron.

Apocalipsis 3:4

Qalaxaye na nỹecpi na Sardis huo'o na netaña shiỹaxauapi na saishet da ỹo'ottac na qauem. Qaq ỹoqo'oye namayepi Aỹem hueta'aguet qome, ỹaatrañi caua alogo lapagaxaiqa maye naigui da dauegaxan, qataq da qui'itta lataxac. Qaq namayepi ỹataqta taiguet da qoỹami'.

1 Samuel 2:29

¿Qalaq ta'ainco' da sa qauyacñiỹapec na qoỹaneuo shiguiỹacpi, qataq ana nachetaqtaxanaqtepi maye Aỹem samaxasoxoolec co'ollaxa da Aỹem qandoua'a? ¿Ta'ainco' da 'agaqnauec da llo'oxoyec naua 'aỹa'alqa, nache Aỹem 'auỹotta'a, qataq chaxaraiqa 'anqa'en souaxat da 'auquia'axaategueque 'enauac ana ỹataqta no'on lachetaqtaxanaqtepi na Israel le'ecpi maye ỹalamaxatpi?

Zacarías 13:3

Qaq huaña, nache da huo'o ca huotaique da da'aqtaxan, nache caua lalamaqa'ate lta'al, 'enapegalo camaye 'eeta': «'Am 'aleu qome, cha'aye 'auatenataxaatapigui da le'enaxat Ñim Nataxala'». ¡Nache caua lta'al ỹa'arapec qome camaye da ỹapacapeguec da 'eetega na'aqtaxanaxanec!

Génesis 21:11

Qaq so Abraham, co'ollaq hua'axaỹa de'era nache ỹataqta qalota da nqui'ic, cha'aye maiche lalamaxat llalec som qaitaqtega.