Mateo 10:36 - La'aqtaqa Ñim Lo'onatac 'Enauacna 2013

³⁶ Cam ỹataqta qanpa'aguenaxauai, nacheca ca maiche qaralamaxache qarhuo'oi le'ec.

Nuevo Testamento Toba Sur

³⁶ Qaq ÿoqo'oyi ñi 'oonolec maichi npa'agueetapegue' ca maichi lalamaxat lauo' l'ec.

Nuevo Testamento Toba Sombrero Negro

³⁶ Chane'eja gaa'me laute'u ga'me jiyaĝaua nach'egaua jo'ne mach'e laqaya'olqa.

Mateo 10:36 Referans Kwoze

Miqueas 7:6

Cha'aye cam ñalec, qaica qome ca 'enec naqa'en ca lta'a, qaq aca ñale dataỹa'aguet qome aca late'e, qataq aca nate dataỹa'aguet qome aca lachoro, nache na npa'aguenaxauapi ca shiỹaxaua nachena nam netaña ca lma'.

Jeremías 12:6

Ye ivira'a nam 'aralamaxat 'arqaỹañecpi qataq nam 'arhuo' le'ecpi, 'am dataỹa'aguet, nache 'am ỹataxaatec da 'am isheueetac. Qaq saishet qome da 'aua'amaqten namayepi na'aictaxa da no'onaxa't naua la'aqtaqa da 'am detaqtacot.»

Salmos 41:9

Qataq ivira'a so ỹataqta ñauochaxaua, som ỹataqta sepe'etega, som iquia'axaua naxa qalaq aỹem dataỹa'aguet.

Salmos 55:13

Qalaxaye 'am ye maiche 'am ñenaigaxaua, qataq ỹataqta 'am ñauochaxaua,

2 Samuel 16:11

Ime, nache somaye 'enapega so Abisay qataq 'enauac so ltauapi somaye, 'eeta': Ña qauloỹa som ỹataqta ỹalamaxat ỹalec, qalaq huotaique da aỹem ỹalauat. Qaq ta'ainectoxo' da saishet da nache 'eetec de'era, dam llalec so Benjamín. Ỹoqo'oye qaua'aqaita'a qome damaye da aỹem isheueetac, cha'aye souaxai' maiche ỹamaxalec Ñim Nataxala'.

Jeremías 20:10

Huo'o da sa'aqtega naxa na shiỹaxauapi da nsoxootega't, 'eeta': «¡Ỹataqta vichiguiiñalo da lchec!» Qataq 'eeta': «¡Ñaq qauanaqui sauoqo'o ca lasouaxashet!» Qaq ivira'a na ñauochaxauapi iuatta'a da huo'o ca ñe'enaxac. Nache, 'eeta': «Saiuena'a da ishet da satenachetaq, qataq qoroxonec, nache sauoqo'o ca qarvi'.»

1 Samuel 17:28

Qalaxaye so Eliab, som ỹe lqaỹa so David, somaye hua'aqchigui co'ollaxa so David da na'aqtaxaatague' se'eso ỹalleppi. Nache ỹataqta dalemataỹa somaye, nache 'eetego', 'eeta': «¿Negue't ca huo'omshe 'auanaicna'a? ¿Negue't ca 'aupataxaguet da ilo'ogue aca qaguetapi maye huetauga ye toolec 'alhua? Aỹem sauatton na 'annataxanaxacpi, qataq naua qauema 'arhuennataxaco, cha'aye 'auanac da choche 'anmeenaxaneuga da alaataxac.»

Génesis 3:15

Qaq Aỹem, so'ot da 'am, qataq ara 'alo qami' npa'aguenaxau', nache 'ena'am qome ca 'aỹa'alaqpi, qataq ca llalaqpi aramaye. Ca llalaqpi aramaye pigui qome na 'arqaic, qaq 'am 'anaigui qome ana lla'axa.»

Juan 13:8

Qalaxaye so Pedro 'enapeco': –'A'i, saishet da 'am sashenem da 'auỹoi' naua ỹapia'ate. Nache So Jesús 'enapega somaye, 'eeta': –Da saishet da seỹoi' naua 'arapia'ate, nache saishet da 'am ỹapaxaguenatac.

Isaías 19:2

Ñim Nataxala', 'enapec. «Aỹem so'ot qome da colaxagui ye Egipto le'ecpi, ñi 'oonolec qalaq delogui' qome ca lỹa, ye auochaxauapi qalaq maiche delogoỹa't, yem hueta'a ye huaqta'a't nỹecpi qalaq delogui' qome yem hueta'a ye lỹa huaqta'a't nỹecpi, ye nta'alpi qalaq nataqa'en maiche delogoỹa't qome.

Mateo 10:21

Ñi 'oonolec cam nqaỹañecpi maiche ỹaneuo ca lqaỹa da qaỹalauat, qataq caua nta'al maiche ỹaneuo caua llalqa, qataq caua ñalqa iloquiaxaata'ape caua lta'al iviraxattra'a da ỹalaua't.