Mateo 10:34 - La'aqtaqa Ñim Lo'onatac 'Enauacna 2013

³⁴ Saishet qome da qaupicheetega da Aỹem ñera'a ana 'alhua da nlagaxayec. Aỹem saishet da ñeroi' da nlagaxayec, nachaqrata da cotaxac qataq na lqalaiguesat.

Nuevo Testamento Toba Sur

³⁴ Sa ishit qome da qaupichiitega da aÿim ñida'a ana 'alhua da nlagaxa. Aÿim sa ishit da ñidoi' da nlagaxayic, chaqdata da loquiaxac.

Nuevo Testamento Toba Sombrero Negro

³⁴ Ena'te auepíchitapega ta'le ñeda'a da'me 'lemaĝac jena'me aleua; da'me ñanaequena ca'li, ja yajouaĝat da'me ñedo'oquena da'me 'nemaĝac, dite da'me nalada't.

Mateo 10:34 Referans Kwoze

Hechos 14:4

Qalaxaye nam shiỹaxauapi maye netaña ye Iconio, namayepi sa ỹaỹaten ca 'eetec, qaq ỹoqo'oye huo'o na itauaatac na judiopi, qataq huo'o na itauaatac so Pablo qataq so Bernabé.

Hechos 14:2

Qalaxaye nam judiopi maye sa ỹa'amaqten So Jesús, namayepi inogoqchet nam saq judiopi, da yaqto' namayepi dataỹa'aguet nam ca'attague' So Jesús.

Jeremías 15:10

¡Choxoraicolec aỹem, 'am ỹate'e maye aỹem 'auco'oic co'ollaxa da yaqto' ñecotatague' qataq seloctague' 'enauac na shiỹaxauapi ana 'alhua! Qaica co'ollaxa ca sa'aalaxanaxanec aca aỹom qataq qaica ca aỹem ỹa'aalaxanaxanec aca alom, qalaxaye 'enauac na shiỹaxauapi aỹem ỹasaxalec da qauem.

Apocalipsis 6:4

Nache nnoxonec so lỹa caaỹo togaxaraic. Qaq Ñim Lo'onatac 'Enauacna ỹanem se'eso netalec somaye da la'añaxac, da yaqto' nlaxaañi da nlagaxayec ana 'alhua, qataq da yaqto' ỹo'otec da ñi 'oonolec shiỹaxaua ỹalauat ca lỹa. Qataq ỹanem so lta'araic lainec somaye.

Jueces 3:2

Qaq ỹoqo'oye Ñim Nataxala' nache 'ena'ac co'ollaxa de'era da yaqto' nam dalaxaic Israel le'ecpi, maye sa ỹauaneua'a co'ollaxa so hua'au loquiaxac, nagui ishet da ỹaỹaten da deloqui.