Mateo 10:3 - La'aqtaqa Ñim Lo'onatac 'Enauacna 2013

³ qataq so Felipe, Bartolomé, Tomás qataq so Mateo som ỹacootapeeguet co'ollaxa ana nsheetenaqte ca nta'a; Santiago som llalec so Alfeo; qataq so Tadeo;

Nuevo Testamento Toba Sur

³ qataq so Felipe, Bartolomé, Tomás qataq so Mateo som ÿacootapeeguet co'ollaxa ana nshiitenaqte ca nta'a; Santiago som llalec so Alfeo; qataq Alfeo da lÿa l'enaxat Tadeo;

Nuevo Testamento Toba Sombrero Negro

³ Felipe, Bartolomé; Tomás nataq'aen Mateo (nach'eñe lo'o da'me nejetenaguec ga'me Roma), Santiago mach'e c'oĝot ñe'me Alfeo, nataq'aen Tadeo,

Mateo 10:3 Referans Kwoze

Hechos 1:13

Qaq co'ollaq ivildeua'a ye Jerusalén, nache taresheguemec ca pa'asheguem ca nỹec maye lanataqa't. Qaq na le'enaqa'ate soomaye: Pedro, Santiago, Juan, Andrés, Felipe, Tomás, Bartolomé, Mateo qataq so Santiago maye Alfeo llalec, qataq so Simón maye chegaqaigui nam dataỹa'aguet naxa na nta'alpi, qataq so Judas maye lqaỹa so Santiago.

Marcos 3:18

qataq so Andrés, Felipe, Bartolomé, Mateo, Tomás, qataq so Santiago som llalec so Alfeo, Tadeo, qataq so Simón maye chegaqaigui nam dataỹa'aguet naxa na nta'alpi,

Marcos 2:14

Qaq co'ollaq ime da lapaxaguenataxanaxac, nache jec, qaq co'ollaq queta, nache ila'a so Mateo som llalec so Alfeo, somaye nso'ootañi hueta'a ca lo'onataxanaqa' maye huañacnaxa da na shiỹaxauapi isheeten so nta'a maye netaña ye Roma. Nache So Jesús iỹaxana somaye, 'eeta': «Aỹem 'auca'ategue.» Nache so Mateo sa naỹaloxon da ñesheguem, nache ca'ategue.

Mateo 9:9

Qaq So Jesús co'ollaq ca'ai yi'iye, nache ila'a so ỹale le'enaxat Mateo. Somaye nso'ootañi, netaigui aso lo'onataxanaxaqui da ỹacootapeeguet ana nsheetenaqte ca nta'a maye netaña ye Roma. Nache So Jesús 'enapega somaye, 'eeta': «Aỹem 'auca'ategue.» Nache so Mateo ñesheguem, nache ca'ategue So Jesús.

Juan 21:2

Som lapoota'a'tpi Simón Pedro, Tomás som qaỹamata'ac da huaya', qataq so Natanael maye lma' ye Caná yem huaigui ye 'alhua Galilea, Santiago qataq so Juan maye llalqa so Zebedeo, qataq soua lỹa't dos lapaxaguenataqa So Jesús.

Juan 11:16

Nache som Tomás maye qaỹamata'ac da huaya', 'enapegalo' soua lỹa't maye napaxaguenaxau', 'eeta': –Qolaq nataqa'en qomi', yaqto' nataqa'en qarleuaxaua damaye.

Judas 1:1

Aỹem maye ỹe'enaxat Judas, so'onataxaatacot So Qarataxala' Jesucristo, qataq ỹaqaỹa so Santiago. Aỹem samaxa ana ỹere 'enauac nam lauotaxatpi qataq lca'aguishecpi Ñim Lo'onatac 'Enauacna, nam nataqa'en lhuateguishecpi So Jesucristo.

Santiago 1:1

Aỹem Santiago, aỹem so'onataxaatacot Ñim Lo'onatac 'Enauacna qataq So Qarataxala' Jesucristo, samaxa da iquinaxanaxac 'enauac na ỹa'amaqteetac So Cristo maye huetalec 'enauac ana 'alhua.

Gálatas 2:9

Qaq ỹoqo'oye so Santiago, Pedro, qataq so Juan maye nataxala'ate qataq 'amaqtaqaiqa, soomaye ỹauattoote' da nacheñi Ñim Lo'onatac 'Enauacna Ñim aỹem tatelec naqa'en de'era no'onataxanaxac. Qaq ỹoqo'oye ñaỹamaxannaqchigui da so Bernabé qataq aỹem sa'aqtaxanaxam da no'on na'axaỹaxac nam saishet da judiopi, qaq soomaye da'aqtaxanem nam maiche lalamaxat lauo' le'ecpi. Ime, nache ñequinaxato, qaq de'era qanquinaxac naigui da soomaye ỹataqta ỹaỹamaxareete' de'era.

Gálatas 1:19

Nataqa'en ñauane' so lỹa namaxashec Santiago, som lalamaxat lqaỹa So Qarataxala' Jesús. Qaq so laỹepi namaxashecpi, qalaq qaica ca ñauane'.

Hechos 21:18

Qaq so lỹa na'a'q, nache so Pablo qataq qomi' ñeqo'onaxaua'a so Santiago som lqaỹa So Jesús da ñamaxasoqtegueua'a. Qaq can seviraxaua'a, nache selaqalec so laỹepi lataxala'pi na 'amqaanataxanaxaicpi da hueta'aguet somaye.

Hechos 12:17

Qalaxaye somaye ỹauota'a na lhuaq da nhuogaxa somayepi da de'enaxaatai'. Ime, nache ỹa'axat da 'eetec Ñim Lo'onatac 'Enauacna da nqateeguesop somaye añi ncoñetaxanaxaqui. Ime, nache 'enapego' somayepi, 'eeta': –Qaua'axachem qome 'enauac de'era ca Santiago qataq 'enauac na qarqaỹañicpi. Ime, nache ncoyeguene' somayepi, nache jec da taỹa ca laỹepi nỹecpi.

Lucas 5:27

Qaq co'ollaq ime de'era, nache So Jesús ca'ai yi'iye hueta'a. Qaq co'ollaq queta, nache ila'a so ỹale le'enaxat Mateo do'onataxaatac ỹacootapeeguet ana nsheetenaqte ca nta'a maye netaña ye Roma. Nache So Jesús 'enapego' somaye, 'eeta': «Aỹem 'auca'ategue.»

Hechos 15:13

Qaq co'ollaq ima't da la'aqtaxanaxa'c, nache so Santiago maye lqaỹa So Jesús detaqa, 'eeta': –Qami' ỹaqaỹa't, ñaq qana'axaỹaxañiỹa da ỹa'aqtac, 'eeta':

Juan 14:22

Qaq som Judas maye le'enaqteua so Iscariote 'enapeco': –'Am Qarataxala', ¿ta'ainco' da nacheqomaqta da qomi' 'anachaxanalo, qaq saishet da nataqa'en 'anachaxana nam laỹepi shiỹaxauapi?

Juan 14:9

Nache So Jesús 'enapego' somaye, 'eeta': –Felipe, Aỹem mashe huo'oi soua vi'iye da qami' soota'agueta, ¿qalaq ñaq saxanoxo' da Aỹem 'auauatton? Cha'aye ca Aỹem ila'a, camaye nataqa'en ila'a Ñim Ita'a, qaq ¿ta'ainco' ye Aỹem 'auỹaxaatacot da qami' sachaxanalo Ñim Ita'a?

Mateo 27:56

Qaq se'eso 'alpi ỹalectauo aso María maye lma' ye Magdala, qataq aso María maye late'e so Santiago qataq so José, qataq aso lhua so Zebedeo.

Mateo 18:17

Qaq camaye da saishet da ỹalaxagueta caua 'ara'aqtaxanaxau', nache 'am ishet da 'aua'aqtaxanem na 'amqaanataxanaxaicpi. Qaq da saishet da ỹalaxaguet namayepi, nache camaye 'eeta'am qanqa'en ca saishet da ỹa'amaqten Ñim Lo'onatac 'Enauacna, huo'otaq cam ỹacootapeeguet ana nsheetenaqte ca nta'a maye netaña ye Roma.

Marcos 15:40

Nataqa'en huo'o so qalota 'alpi ilotaua'a Somaye qaỹoqteuga. Qaq asomayepi ỹalectaigui aso María maye lma' ye Magdala, qataq aso Salomé qataq aso María maye late'e so José qataq Santiago som na'asa.

Lucas 18:10

«Huo'oi soua dos ỹale't tareua'a aso no'onaxanaxaqui late'erai da nqouagaxaue'n. Qaq so 'oonolec soomaye chegaqaigui na fariseopi, qaq so lỹa chegaqaigui nam ỹacootapeeguet ana lsheetenaxanaqte nam shiỹaxauapi da isheeten ca nta'a maye netaña ye Roma.

Lucas 18:11

Nache se'eso fariseo nachattañi co'ollaq nqouagaxaueetac, 'eeta': ‹'Am maye 'Aro'onatac 'Enauacna, 'am sanot da ña'achec, cha'aye aỹem saishet da shena'am ca camachaqca shiỹaxaua, maye cachaxaic, qauemaic, qataq lauatapiguiñi' aca sa lhua. Qataq saishet da sheeta'am de'era ỹacootapeeguet ana nsheetenaqte ca nta'a.

Lucas 18:13

Qaq som ỹacootapeeguet ana nsheetenaqte ca nta'a, somaye qaỹata'a ca hueta'a, qataq saishet da ỹamato'ot na piguem. Chaqrata da naqchiguiñi, nache 'eeta': ‹¡'Am maye 'Aro'onatac 'Enauacna, aỹem 'auchoxoren, cha'aye aỹem huo'oi naua sasouaxa't!›

Lucas 19:2

Qaq se'eso nỹecpi hueta'a so sallaxanec le'enaxat Zaqueo. Somaye lataxala' nam ỹacootapeeguet ana nsheetenaqte ca nta'a maye netaña ye nỹecpi ye Roma.

Juan 1:48

Nache so Natanael denataxan, 'eeta': –¿Ca hua'ague co'ollaxa, qaq aỹem 'auauatton? Nache So Jesús 'enapeco': –Qomye 'am selota'a can saxanaxa da 'am iỹaxana da Felipe, can qoueto'ot ara higo lcheyec.

Juan 14:5

Nache so Tomás 'enapego', 'eeta': –'Am Ỹataxala', qomi' sa saỹatenaq cam 'aigue; qaq ¿ca 'eeteco' da sauanaxa ca nqa'aic?