Mateo 10:26 - La'aqtaqa Ñim Lo'onatac 'Enauacna 2013

²⁶ Qaica qome ca qayi'iitega. Cha'aye qaica ca qoỹoxottañi da huo'otaq sa qaỹanata, qataq 'enauac nam saqcha'api ivira'a da qaỹaỹaten.

Nuevo Testamento Toba Sur

²⁶ Qaq ÿoqo'oyi sa ishit qome da qayi'iitega nam shiÿaxauapi. Cha'ayi sa ishit da huo'o ca saq cha'a lataxac da huo'otaq sa qaÿaÿaten, qataq sa ishit da huo'o ca qoÿoxottapiguiñi da huo'otaq sa qaÿanata.

Nuevo Testamento Toba Sombrero Negro

²⁶ “Chane'eja ena'te at'oyiyapega ga'me jiyaĝadipi. Qa'a qaya'te gamachaqaega qoyapadetalegue ta'le ja yovita da'me male qo'youatelegue, nataq'aen qaya'te qoyoĝotetapiñe ta'le ja yovita da'me qonoma'a.

Mateo 10:26 Referans Kwoze

Lucas 8:17

Cha'aye 'enauac nam qoỹoxottapiguiñi ivira'a da qailalec, qataq 'enauac nam saq cha'api ivira'a da qaỹaỹaten.

Jeremías 1:8

Qaq saishet qome da huo'o ca 'aye'etega, cha'aye Aỹem 'am soota'aguet qome da yaqto' 'am ñepaxattalec. Qaq 'era da ỹa'aqtac Aỹem Nataxala'.»

Marcos 4:22

Cha'aye 'enauac nam qoỹoxottapiguiñi ivira'a da qailalec, qataq saishet da huo'o ca saqcha'a, da huo'otaq queta da sa qaỹaỹaten.

1 Corintios 4:5

Qaq ỹoqo'oye qami', saishet da qaua'aviỹalec da qanmichi ca qarỹai, nato' qom ñe'eguelaq So Jesucristo. Qaq qom ñe'eguelaq Somaye, nache ỹachaxan nam saqcha'a qataq nam iuennatega ñi 'oonolec. Nache Ñim Lo'onatac 'Enauacna ỹo'oxoren ñi 'oonolec, chegoqchigui cam ỹo'ot.

Mateo 10:28

Saishet da qañi'iỹai na shiỹaxauapi maye ishet da ilaxachigui da qaro'ocỹaxaqui, qalaxaye saishet da ilaxachigui dam saqcha'a qarca'alaqai. Nachaqrata da qañi'iỹai Ñim Lo'onatac 'Enauacna maye ishet da ilaxachigui qataq ỹasaxauga ca nhuaxanaqa' na 'etaxaloxoicpi da qaro'ocỹaxaqui qataq da qarca'alaqai maye saqcha'a.

Isaías 41:10

Saishet qome da 'añe'etac cha'aye Aỹem 'am soota'aguet, saishet da 'añe'etac cha'aye nache Aỹem 'Anatanmaxala'. Aỹem 'am sanem da 'ara'añaxac, Aỹem 'am setauan qome, Aỹem sauota'a qome na ihuaq maye huegaxanaxaic da 'am ñasoqtañi.

Isaías 41:14

Ñim Nataxala' da la'aqtac, 'eeta': 'Am Israel, maye 'auachegoxoguet so Jacob, na'aictaxa da qaica ca 'ara'amaqchec qataq ca 'ara'añaxac, qalaxaye saishet qome da 'añe'etac, Aỹem 'am setauan qome. Aỹem, maye Aỹem Qui'itta Natamnaxala' na Israel le'ecpi, Aỹem, 'am ñeca'alaxatec.

Proverbios 28:1

Ca qauemaic qalaq datauec na'aictaxa da saishet da qaicaatac, qaq na no'on da lataxac qalaq 'eeta'am na llon da qaica ca ndaqtaique.

1 Pedro 3:14

Qalaxaye da qauo'ocheetac ca ỹaỹamaqchiguiñi qalaq ñaq 'eetalec da huo'o da qanque'eenaxaqui, qalaq Ñim Lo'onatac 'Enauacna qami' ỹaaleguete ca lqouagaxanaqtaic. Qaq ỹoqo'oye saishet da huo'o ca qayi'iitega, qataq qami' icolanaqche't.

Ezequiel 2:6

'Am shiỹaxaua, saishet qome da 'añe'eỹa namayepi, qataq naua la'aqtac maye 'am ỹasaxaleguete, na'aictaxa da 'eco' 'am coleesop ana ỹaxat, huo'otaq da 'eco' qonetangui na pe'elaqtoicpi. Saishet da 'añe'eỹa nam la'aqtacpi, qataq saishet da 'am icolanaqchet da lasheguiỹaxac na'aictaxa da ỹataqta chaqaic.

Proverbios 29:25

Da qañe'etega na ỹalleppi damaye nachera da icoñerai' ca shiỹaxaua, qalaxaye ca pi'iỹa'a Ñim Nataxala' camaye ỹataqta qanpaxattalec.

Hechos 4:19

Nache so Pedro qataq so Juan 'ena'apo': –Maicheye qami' qauennataxañi da huo'otaq Ñim Lo'onatac 'Enauacna ishet da ỹaỹamaxareeta da qami' salaxasoxoleguete, qalqo' salaxasoxoguet Ñimaye.

Hechos 1:8

Qalaxaye qom qami' nvitalo ca Saqcha'a Na'añaxac Qui'itta, nache qami' taỹoto qome ca na'añaxac, nache qoqui da Aỹem qaua'axache, da qaua'aqtaxañim nam netaña na Jerusalén, qataq nam netaña ye 'alhua Judea qataq ye Samaria, qataq choche qaviyeeta'a ca ỹataqta pa'atec ana 'alhua.

Hechos 4:13

Nache so nta'alpi co'ollaq ila'a da so Pedro qataq so Juan ỹataqta sa ñe'erelec da ltaxaỹaxa'c, qataq ila'a da soomaye saishet da paxaguenaxaiqa, qataq nachena nam shiỹaxauapi maye choche huesoxoic, nache huo'o da la'aalaxa. Qataq qananomalo da soomaye ca'attrague' co'ollaxa So Jesús.

Lucas 24:47

Nataqa'en iuen da qaỹa'aqtaxanem na ỹotta'a't shiỹaxauapi Aỹem, yaqto' 'enauac namayepi ỹe'egueloqot Ñim Lo'onatac 'Enauacna, qaq Ñimaye ỹapalaxat na lasouaxashetpi. Qaq chegoqchiguiña na Jerusalén,

Proverbios 10:9

Ca ilotague' da llecỹaxac camaye qaica ca ñe'etaique, qaq ca qauem da llecỹaxac qalaq qauem ca loga't.

Eclesiastés 12:14

Cha'aye Ñim Lo'onatac 'Enauacna nmit qome 'enauac nam no'onatacpi, nam 'onaxaic qataq nam qauem, qataq ivira'a cam qoỹoxottañi da qaỹo'ot.