Mateo 10:25 - La'aqtaqa Ñim Lo'onatac 'Enauacna 2013

²⁵ Ỹoqo'oye ca napaxaguenatac ishet qome da machiguiñi da ivi' da 'eeta'am ca napaxaguenaxala', qataq cam choche namaxashec da ivi' da 'eeta'am ca na'aco'. Cha'aye na shiỹaxauapi da huo'otaq Aỹem iỹaxana, qaq 'eetega da Aỹem pa'aguenataxanaxaic, nache, ¿chaq 'eetec ca lỹaxanataxanaxac da qoñiita maye qami' ỹapaxaguenataqa?

Nuevo Testamento Toba Sur

²⁵ Ÿoqo'oyi ca chochi napaxaguenatac ishit qome da machiguiñi da ivi' da 'eeta'am ca napaxaguenaxala', qataq cam chochi nlatac da ivi' da 'eeta'am ca n'aco'. Cha'ayi cam nataxala' cam nma' da huo'otaq qoÿiitega lataxala' na saq cha'api, qaq ¿huá'ago' ca qoÿiitec da qaitaxaÿa cam llalaqpi?

Nuevo Testamento Toba Sombrero Negro

²⁵ Chane'eja qaya'te yepaguejaque laqaya ga'me napaĝaguenatac qom joote ena'am ga'me napaĝaguenoqo't, nataq'aen ga'me nelatac qom joote ena'am ga'me ladipa. Qom qoyenapega Beelzebú ñe'me net'a, ¿jach'e jogamaĝa 'naqataqa jo'ne qoyachalo'te qomle gaa'me 'lachaqadiaĝa'u jo'ne mach'e c'oqo'tolqa?

Mateo 10:25 Referans Kwoze

Lucas 11:15

Qalaxaye somayepi huo'o na 'enapec: «De'era Jesús ỹo'ottapeguec na saqcha'a na'añaxac leguemaxaicpi maye netaigui na shiỹaxauapi, cha'aye som Beelzebú maye lataxala' nam saqcha'a na'añaxacpi, nacheso so ỹami' da la'añaxac da ỹo'ot de'era.»

Mateo 12:24

Qalaxaye huo'o nam ỹalectaigui na fariseopi co'ollaq hua'axaỹa na shiỹaxauapi, nache 'eeta' da lhuennataxac: «De'era Jesús ỹo'ottapeguec na saqcha'a na'añaxac leguemaxaicpi maye netaigui na shiỹaxauapi, cha'aye so Beelzebú maye lataxala' nam saqcha'a na'añaxacpi nacheso so ỹami' da la'añaxac damaye da yaqto' ỹo'ot de'era.»

Mateo 9:34

Qalaxaye nam ỹalectaigui na fariseopi, 'eeta': –De'era ỹale do'otaxaatega da la'añaxac som lataxala' nam saqcha'a na'añaxac qauemaicpi, da ỹo'orauec nam saqcha'a na'añaxac leguemaxaicpi.

Juan 7:20

Nache so shiỹaxauapi 'enapeco': –'Am ỹataqta huo'o da 'oic, cha'aye ¿negue'to' ca nshetaique da 'am ỹalauat?

Marcos 3:22

Qalaxaye huo'o som dapaxaguenataxaatapeguec nam namaxasoxonaxacpi maye chegaqa'a ye Jerusalén somayepi, 'eeta': «De'era ỹale, damaye netaigui ñi Beelzebú ñim lataxala' nam na'añaxacpi leguemaxaic. Qaq nacheñi ñim chegoqo'ot de'era la'añaxac da do'otaxaatega da ỹo'orauec namayepi.»

Juan 8:48

Nache huo'o nam judiopi da 'eetega Somaye, 'eeta': –Qomi' ỹataqta 'eesa de'era qara'aqtac co'ollaq shenaqapec da choche 'am Samaria le'ec qataq huo'o ñi saqcha'a na'añaxac leguemaxaic 'am netaigui.

Juan 10:20

Nache qalota somayepi na 'eeta': –¿Ta'ainco' ye qana'axaỹaxañeetega damaye? Ye huo'o ñi saqcha'a na'añaxac leguemaxaic maye netaigui, qaq ỹoqo'oye huo'o da aloic.

Juan 8:52

Nache soomaye 'enapegalo' So Jesús, 'eeta': –Qomi' nagui ỹataqta saỹaanaqta da 'am huo'o ñi saqcha'a na'añaxac leguemaxaic 'am netaigui. Cha'aye so Abraham qataq 'enauac so la'aqtaxanaxanecpi Ñim Lo'onatac 'Enauacna, somayepi co'ollaxa ileu, qalaq 'am qonapec: «Da ca 'am ỹalaxaguet, nache camaye chochaq tatec da hueta'aguet Ñim Lo'onatac 'Enauacna.»

2 Reyes 1:2

Qaq so Ocozías naañi co'ollaxa, chegoqotcheguema so nalloxoqui, so pa'asheguem so lma' lta'araic, maye naña ye Samaria, nache somaye lta'araic so lque'emaxa. Qaq huaña nache huo'oi soua ỹama'q da yaqto' ichemaxata so Baal Zebub, maye atamnaxala' ye Ecrón, cha'aye somaye ỹauotaique da ỹaỹaten da ivira'a da qaltaq no'oita.

Mateo 12:27

Qami' qoñiitega da so'otteguec na saqcha'a na'añaxac leguemaxaicpi da so'otaxaatega da la'añaxac so pa'aguenataxanaxaic. Qaq taxa da 'eesa de'era, nache ¿negue't ca ỹami' da la'añaxac nam qarapaxaguenataqui, da yaqto' ỹo'orauec na saqcha'a na'añaxacpi? Qaq qami' da qoñiỹapec da nacheñi Ñim Lo'onatac 'Enauacna da chegoqo'ot de'era na'añaxac, nache damaye ỹachaxan da qami' ỹataqta qausomiỹapec.

Lucas 11:18

Qaq nache 'eetec nataqa'en so pa'aguenataxanaxaic da maiche npa'agueela't, nache maiche nlaxaañi da lo'onataxanaxac. Qami' qoñiitega da Aỹem so'otteguec na ne'ecpi leguemaxaicpi da so'otaxaatega da la'añaxac so pa'aguenataxanaxaic.

Lucas 11:19

Qaq da 'eesa de'era, nache ¿negue't ca ỹami' da la'añaxac na qarapaxaguenataqui da yaqto' ỹo'orauec na saqcha'a na'añaxac leguemaxaic? Da qami' da qoñiỹapec da chegoqo'ot Ñim Lo'onatac 'Enauacna de'era na'añaxac, nache damaye ỹachaxan da ỹoqta 'eesa da qausomiỹapec.

Marcos 10:39

Nache soomaye 'ena'apo': –Aja', seshetaq. Nache So Jesús 'enapeco': –Ỹataqta 'eesa qome da qami' lta'araic da qanque'eenaxaqui, qoñiỹa'am Aỹem.