Mateo 10:20 - La'aqtaqa Ñim Lo'onatac 'Enauacna 2013

²⁰ Cha'aye saishet da nache qami' da qautaqai. Cha'aye som Saqcha'a La'añaxac Ñim Lo'onatac 'Enauacna, nacheso som qami' detaxaiguilo.

Nuevo Testamento Toba Sur

²⁰ Cha'ayi sa ishit da nachiqami' da qautaqai. Cha'ayi som n'Espíritu ñi qadta'ai Dios, nachiso som qami' detaxaiguilo.

Nuevo Testamento Toba Sombrero Negro

²⁰ Qa'a ja naqa'ami da'me auauoyi ga'me adetaĝayaĝaqui dite ñe'me Lepaqal joñe'me Adet'ai nach'eñe ami yojaĝanaĝa'n.

Mateo 10:20 Referans Kwoze

Hechos 6:10

Qalaxaye saishet da nalo'ogueta da dataỹa'aguet somaye, cha'aye da detaqa, qalaq naua laỹaanataxanaxaco chegoqo'oto So Saqcha'a Na'añaxac Qui'itta.

Lucas 21:15

Cha'aye Aỹem qome qami' sanema caua qara'aqtaqalli' qataq ca qaraỹaañiqui, da yaqto' saishet da huo'o ca qami' dataỹa'agueta da qami' ncotaỹapegueto.

Lucas 12:12

Cha'aye qom ivita ca laloqo' da qautaqai, nache som Saqcha'a Na'añaxac Qui'itta qami' ỹapaxagueneque cam iuen da qanasaqaiuec.»

2 Samuel 23:2

«So Saqcha'a La'añaxac Ñim Nataxala', aỹem chegoqchigui naqa'en da sa'axa't naua la'aqtaqa Ñimaye.

2 Pedro 1:21

cha'aye 'enauac som hua'au la'aqtaxanaxanecpi Ñim Lo'onatac 'Enauacna saishet da huo'o ca 'oonolec da maiche nallegoxottela't ca la'aqtaxanaxac. Nachaqrata da 'enauac somayepi ỹa'axattac dam chegoqo'ot Ñim Lo'onatac 'Enauacna, qataq So Saqcha'a Na'añaxac Qui'itta ỹauecta'aguet da lhuennataxac.

Hechos 4:8

Nache so Pedro maye ỹataqta nlaqchigui da la'añaxac So Saqcha'a Na'añaxac Qui'itta, 'enapeco': –Qami' maye qami' lta'alpi na judiopi, qataq qami' nqueroxonecpi maye nataxala'pi.

Hechos 2:4

Nache 'enauac somayepi ỹataqta nlaqchigui So Saqcha'a Na'añaxac Qui'itta. Huaña, nache da'aqtaxanguilo naua ỹaqa'alo na'aqtaqa maye chegoqo'oto Somaye.

2 Corintios 13:3

Qaq damaye so'ot, cha'aye qami' qanmichiitaique cam ichoxot da So Cristo aỹem detaxaigui. Qataq So Cristo saishet da saqca ca la'añaxac da qami' ỹaỹamaxaayiñi, chaqrata da Somaye yo'oq da la'añaxac da qami' huetaiguilo.

1 Pedro 1:12

Qalaxaye Ñim Lo'onatac 'Enauacna ỹaỹaanaxanaxanec somayepi da de'era ỹa'axattac saishet da lalamaxat somayepi, cha'aye damaye qaỹauotaique da qaralamaxache. Qaq 'era dam na'aqtaxanaxac maye qami' ỹanema som qami' da'aqtaxanema da no'on na'axaỹaxac. Qaq somayepi ỹachegoxotchigui da la'añaxac So Saqcha'a Na'añaxac Qui'itta maye chegoqo'ot na piguem. ¡Qaq de'era nachera da huotaique nataqa'en da ỹauaachigui co'ollaxa nam chegaqasheguem lamaxashecpi Ñim Lo'onatac 'Enauacna!

Hechos 28:25

Qaq cha'aye saishet da 'eeta'a't somayepi, nache huo'o na jec. Nache so Pablo 'enapeco': «Ỹataqta tachigui da la'aqtaxanaxac So Saqcha'a Na'añaxac Qui'itta co'ollaq ỹachegoxotchigui so Isaías da 'enapega naqa'en so hua'au qarta'alpi, 'eeta':

Hechos 13:9

Huaña, nache so Saulo maye nataqa'en le'enaxat Pablo, maye ỹataqta nlaqchigui So Saqcha'a Na'añaxac Qui'itta, ỹataqta ilochigui somaye,

Lucas 11:13

Qami' matem qami' qauemaiqa, qalaq qauaỹaañi da qaỹa'añim ca no'on ca qaỹa'alqui, qaq ¿hua'ago' da saq ỹactec ñi Qarta'ai maye Lo'onatac 'Enauacna maye neto'ot na piguem da ishet da ỹanem So Saqcha'a Na'añaxac Qui'itta cam iỹaxanot Ñimaye?»

Marcos 12:36

Qantooñita'ac peta'a co'ollaq da So Saqcha'a Na'añaxac Qui'itta ỹa'aqtaxanaxan so David, nache 'enapeco': ‹Ñim Lo'onatac 'Enauacna 'enapega Ñi Ỹataxala' maye Lca'aguishec, 'eeta': 'Anso'oota'ague qome da aỹoic, nato' qom mashe ñauec na 'am ipa'agueetacpi.›

Mateo 6:32

Cha'aye nam sa ỹauatton Ñim Lo'onatac 'Enauacna maye ỹaquicoqchet da iuennatega de'era. Qalaxaye qami' saishet da qami' ỹaquicoqche't de'era, cha'aye Ñim Qarta'ai maye neta'ague da piguem, Ñimaye ỹaỹaten da qami' qaviñiitac 'enauac ne'enapi.

Éxodo 4:12

Qaq ỹoqo'oye nagui 'aue, qojec, aỹem 'am soota'aguet qome da 'autaqa, qataq 'am sapaxaguenec ca llec ca 'artaxaỹaxac.»

1 Ts 2:13

Qaq nachera da huo'omshe sanaqtacot da qana'achecỹaxac Ñim Lo'onatac 'Enauacna, cha'aye co'ollaq qana'axaỹaxañiỹa da la'aqtac Ñimaye maye qami' sa'aqtaxanaxama, nache qaua'amaqchiñi da ỹataqta 'eesa la'aqtac Ñim Lo'onatac 'Enauacna, qaq saishet qanqa'eñi da la'aqtac ca choche shiỹaxaua. Qaq damaye ỹataqta 'eesa la'aqtac Ñimaye ỹoqo'oye nam ỹa'amaqten damaye, nache ishet da naralaxat da nachaalataxac.