Mateo 10:2 - La'aqtaqa Ñim Lo'onatac 'Enauacna 2013

² Qaq 'enaua naua le'enaqa'ate soua doce lapaxaguenataqa So Jesús maye lca'aua'alo da ỹauo'oi lamaxa'she: Simón da le'enaxat lỹa Pedro, qataq so lqaỹa Andrés; nataqa'en so Santiago qataq so lqaỹa Juan, maye llalqa so Zebedeo;

Nuevo Testamento Toba Sur

² Qaq 'ena na l'enaxatpi soua doce lamaxa'shi: Simón da l'enaxat lÿa Pedro, qataq so lqaÿa Andrés; Santiago qataq so lqaÿa Juan, soomayi llalqa so Zebedeo;

Nuevo Testamento Toba Sombrero Negro

² Naajo' mach'e lenaqa'te joga'me doce 'me lamaĝa's: 'uaechiñe ñe'me Simón (da'me lenaĝat laqaya Pedro), Andrés jo'ne laqaya ñe'me Simón, Santiago nataq'aen laqaya Juan mach'e c'oqo'te ñe'me Zebedeo,

Mateo 10:2 Referans Kwoze

Hechos 1:13

Qaq co'ollaq ivildeua'a ye Jerusalén, nache taresheguemec ca pa'asheguem ca nỹec maye lanataqa't. Qaq na le'enaqa'ate soomaye: Pedro, Santiago, Juan, Andrés, Felipe, Tomás, Bartolomé, Mateo qataq so Santiago maye Alfeo llalec, qataq so Simón maye chegaqaigui nam dataỹa'aguet naxa na nta'alpi, qataq so Judas maye lqaỹa so Santiago.

Mateo 4:21

Qaq So Jesús, nache queto'ot na loigue aso lapel, huaña nache qaltaq ila'alo soua lỹa't dos nqaỹa't maye nataqa'en ya'acoxoiqa: Santiago qataq so Juan soomaye netrangui aso l-llocta', napareeta'ape so lalegue'c nnaictrague' so lta'a' Zebedeo. Nache So Jesús iỹaxanalo soua nqaỹa't.

Juan 12:22

Nache so Felipe jec da da'aqtaxanem so Andrés, nache soomaye je'c da da'aqtaxaarem So Jesús.

Juan 6:8

Nache so Andrés, som 'oonolec soua lapaxaguenataqa So Jesús, maye lqaỹa so Simón Pedro, somaye 'enapego' So Jesús, 'eeta':

Mateo 4:18

Qaq huo'o so na'a'q So Jesús queto'ot so loigue aso lapel late'erai maye huaña ye Galilea. Nache ila'alo soua dos nqaỹa't ya'acoxoiqa: Simón Pedro qataq so lqaỹa Andrés, soomaye ya'acota'ape,

Lucas 11:49

Qaq ỹoqo'oye Ñim Lo'onatac 'Enauacna maye ỹaanaxanaxaic, huo'o da la'aqtac co'ollaxa da qami' ỹa'axatta'agueta 'enapeco': «Aỹem qami' samaxalo qome ca ỹa'aqtaxanaxanecpi qataq ỹamaxashecpi, qalaxaye huo'o na qaualauache, qaq ca laỹepi qalaq qaucañiitac, qaviraxachiỹalo naua lỹa't 'aleu'.»

Apocalipsis 1:9

Aỹem Juan, maye maiche aỹem qarỹai da sa'amaqtenaqtac So Cristo, cha'aye qami' qataq aỹem huo'o da qarpi'iỹaxac Somaye. Qaq souaxat da ỹataqta huo'o da ipi'iỹaxac Somaye, nache ñeuanaua'a da lo'onataxanaxac Ñim Lo'onatac 'Enauacna 'eeta'am 'enauac da qoñiita: Qataq nataqa'en huo'o da ñeqalanaxac da satata'aguet na lqalaic, sheeta'ama qami'. Qalaxaye nataqa'en huo'o da ỹa'añaxac maye aỹem ỹami' Ñim Lo'onatac 'Enauacna da yaqto' ñala'aguet ne'ena que'eenaxacpi. Qataq souaxat da sa'axattac da la'aqtac Ñimaye qataq da sa'axattac So Jesucristo, nache aỹem qaỹamaxauga ana ỹaqa'ata 'alhua maye le'enaxat Patmos.

2 Juan 1:1

Aỹem nataxala' qataq selotague' na 'amqaanataxanaxaicpi. Samaxa ana ỹere na qarqaỹañicpi maye lca'aguishecpi Ñim Lo'onatac 'Enauacna: Aỹem ỹataqta qami' sauoteque qalaxaye saishet da nachaỹemta, nataqa'en 'enauac nam ỹauatton da 'eesa lataxac,

2 Pedro 1:1

Aỹem, Simón Pedro, so'onataxaatacot So Jesucristo, Som aỹem ỹamaq da sa'axatec da la'aqtaxanaxac. Qauacoñiiguet da iquinaxanaxac. So Jesucristo maye ñatamnaqtacot qataq Qarca'alaxaqui, Somaye ỹataqta no'on da lataxac qataq ichoxoren 'enauac da qoñiita, cha'aye qami' ỹo'oteque da qaupi'iỹa'ai Somaye 'eeta'am da qomi' ỹo'oteque da sepi'iỹaqa'a Somaye.

1 Pedro 1:1

Aỹem Pedro, maye aỹem lamaxashec So Jesucristo da sa'axat da na'aqtac, sequiitac 'enauac na ỹa'amaqten Somaye maye 'eeta'am ca ỹaqa'a ca chegaqa'ague maye lma' ye Ponto, Galacia, Capadocia, Asia qataq ye Bitinia. Qaq Ñim Lo'onatac 'Enauacna ipacchigui da maiche lapaqtañi, nache qami' lca'ateua'alo co'ollaxa da yaqto' ỹauo'oi qami' lalamaqa'ate. Qataq ỹachegoxotchigui So Saqcha'a Na'añaxac Qui'itta qataq da l-leuaxa So Jesucristo, da Ñimaye ỹapalaxat 'enauac na qarasouaxashechi da yaqto' qaualaqaiguet. Huo'o da iyaxa da Ñimaye ỹataqta qami' ỹauoteque qataq qami' ỹanema da qarlagaxayiqui.

Hebreos 3:1

Qami' ỹaqaỹa't, Ñim Lo'onatac 'Enauacna qami' iỹaxanalo qataq qami' lca'agui'she da ỹauo'oi qami' lalamaqa'ate. Ỹoqo'oye iuen da ỹataqta qauennataxañiitelec qataq qauloichigui So Cristo: Somaye qomi' qanamaxalo co'ollaxa qataq nacheso so lataxala' nam ntaxaỹaxanaxanecpi da qaitaxaỹapegue' Ñimaye.

Efesios 4:11

Ime, nache ỹanem ca nme ñi 'oonolec na shiỹaxauapi. Nache huo'o na lamaxashecpi naqa'en Somaye, qataq huo'o na la'aqtaxanaxanecpi qataq huo'o na lataxala'pi naqa'en na 'amqaanataxanaxaicpi, qataq na napaxaguenataxanaqpi.

1 Corintios 15:7

Qaq co'ollaq qaỹata'ague qaltaq nachaxana so Santiago, ime qaltaq 'enauac so laỹepi lamaxashecpi.

Hechos 12:2

Nache qaỹalauat so Santiago som lqaỹa so Juan, qairolec na ỹeelonec.

Hechos 3:1

Qaq huo'o so na'a'q, nache so Pedro qataq so Juan taresheguema aso no'onaxanaxaqui late'erai co'ollaq mashe dasheta aso nala', cha'aye nache laloxoqui da qaỹo'ot da qouagaxaunaxac.

Hechos 1:26

Qaq co'ollaq ime de'era, nache qaỹauo'o so alletaxac, qaq se'eso alletaxac taalec so Matías. Huaña, nache somaye qaỹalecnoiguilo se'esoua once namaxa'she.

Juan 21:24

Qaq nacheso se'eso napaxaguenatac, som ỹa'axattac 'enauac de'era, qataq maiche ỹiyiñi. Qaq qomi' saỹaanaq da ỹoqta 'eesa de'era 'enapec.

Juan 21:20

Qaq co'ollaq namatapec so Pedro, nache ila'aguet so napaxaguenaxaua maye ỹataqta nauochaxaua So Jesús, som huetaua'a co'ollaxa na laỹe co'ollaq huo'o so lquia'axa'c so na'a'q le'enaxat Lapascua, som inattac somaye co'ollaq 'eeta': «'Am Ỹataxala', ¿chaq negue't cam taỹa'a da 'am ỹaneuo?»

Juan 21:2

Som lapoota'a'tpi Simón Pedro, Tomás som qaỹamata'ac da huaya', qataq so Natanael maye lma' ye Caná yem huaigui ye 'alhua Galilea, Santiago qataq so Juan maye llalqa so Zebedeo, qataq soua lỹa't dos lapaxaguenataqa So Jesús.

Juan 20:2

Nache asomaye jec, nqalgoqtaua'a ca hueta'a so Simón Pedro qataq so lỹa napaxaguenatac som ỹataqta nauochaxaua So Jesús. Nache 'enapegalo', 'eeta': –So Qarataxala' qanqateeguesop co'ollaxa añi nhuachiqui, qaq qomi' saishet da saỹaanaq ca qaỹacha'ague camaye.

Juan 13:23

Qaq huo'o so 'oonolec soua lapaxaguenataqa So Jesús, som ỹataqta nauochaxaua, qaq somaye nache netaua'a na laỹe da lquia'axaua.

Lucas 22:14

Qaq co'ollaq ivita so laloqo' da nquia'axac, nache So Jesús qataq soua lapaxaguenataqa nso'ooyiñi da dataleguete so nquia'axala'.

Lucas 22:8

Nache So Jesús ỹama'q so Pedro qataq so Juan, nache 'enapegalo', 'eeta': –Qoqui qome, qauqataxañiỹai' cam qonoq na pe maye le'enaxat da Lapascua.

Lucas 9:10

Nache soua lapaxaguenataqa co'ollaq mashe ñe'eguela'q, nache da'aqtaxaatrapeguem So Jesús 'enauac nam ỹo'otpi. Ime, nache So Jesús nnaicapegueto soomaye da nqo'onalo ye nỹecpi ye Betsaida, cha'aye huotaique da ndoteto soomaye.

Marcos 13:3

Ime, nache So Jesús qataq soua lapaxaguenataqa nqo'oora aso qaỹoqotcheguemec 'alhua, maye nanqa' ana Olivo nalotta aso no'onaxanaxaqui late'erai. Nache So Jesús nso'ooñi, qaq co'ollaq mashe nda'a't soomaye, nache so Pedro, Santiago, Juan qataq so Andrés inattrac Somaye, 'eetra':

Marcos 1:29

Ime, nache So Jesús ca'ai aso paxaguenaxaqui, nache nnaicapegueto soua Santiago qataq Juan da nqo'oora ca lma't so Simón qataq so Andrés.

Mateo 26:37

Nache So Jesús ỹauec so Pedro, Santiago qataq so Juan da nnaicapegueto. Huaña, nache ỹataqta nomteguet da lta'araic laquicoxo,

Mateo 20:20

Qaq dos co'ollaxa soua napaxaguenataqa, Santiago qataq Juan nnaicapegueto aso late'e da nqo'ooreua'a So Jesús. Qaq co'ollaq ivildeua'a Somaye, nache aso late'e' soomaye ỹa'aldoto naua l-llectel So Jesús da nachoxonnot, nache So Jesús inat asomaye, 'eeta': –¿Negue't cam qonetapeguec? Nache asomaye 'eeta': –Aỹem 'anqouaguec, da qom ivita ca laloqo' da 'anso'ongui aca 'anso'onaxaqui da 'am Nta'a, nache ne'enaua ỹalqa qome 'oonolec ca neta'ague da 'oic, qaq ca lỹa qalaq neta'ague da 'ane'emaq.

Mateo 17:1

Qaq co'ollaq mashe inoxoore'c soua seis na'axa'te, nache So Jesús ỹauec so Pedro qataq soua nqaỹa't Santiago qataq Juan, ndoqnaxaatre'c soomaye da taresheguemec aso qaỹoqotcheguemec 'alhua.

Apocalipsis 22:8

Qaq aỹem Juan sa'aqchigui qataq sauaachigui 'enauac ne'enapi. Qaq can ime da sa'aqchigui qataq sauaachigui, nache aỹem sa'aroto naua illecte so namaxashec piguem le'ec maye aỹem ỹachaxaatega 'enauac ne'ena da sauotaique da ñatamnot.

Apocalipsis 1:1

Ñim Lo'onatac 'Enauacna ỹachaxana So Jesucristo, nam mashe nayeeta'a da yo'oq da yaqto' Somaye ỹaỹaanaxanaxanec na lo'onataxanaxanecpi. Qaq ỹoqo'oye So Jesucristo da'aqtaxanem so Juan maye lamaxashec, ỹachegoxotchigui so lamaxashec piguem le'ec Ñim Lo'onatac 'Enauacna; qaq so Juan, nache ỹiyiñi 'enauac de'era na'aqtaxanaxac maye ỹataqta 'eesa.

3 Juan 1:1

Aỹem maye aỹem nataxala' qataq selotague' nam ỹa'amaqten So Jesús, samaxa ana ỹere ca ñauochaxaua ỹaqaỹa Gayo:

Apocalipsis 18:20

¡Qantoñiỹapigui' qami' maye qami' qui'itte' maye qoviito'ot na piguem, cha'aye Ñim Lo'onatac 'Enauacna ilaxachigui ye lta'araic nỹecpi! ¡Qantoñiỹapigui' qami' maye qami' namaxa'she, qataq nataqa'en qami' maye qami' la'aqtaxanaxanecpi Ñim Lo'onatac 'Enauacna, cha'aye Ñimaye mashe ỹauo'o da nhuaxanaguec ye Babilonia, souaxat 'enauac nam ỹo'otpi qauem maye qami' ỹo'oteque!»

Marcos 6:30

Qaq co'ollaq ime de'era, nache soua namaxa'she datareguet So Jesús, nache soomaye ỹa'axattrapeguema 'enauac nam ỹo'otpi qataq nam dapaxaguenataxaatrapegue'c.

Juan 6:67

Nache So Jesús inatta'ape soua doce lapaxaguenataqa, 'eeta': –¿Qami' peta'a nataqa'en qansheetaique da qoqui?

Juan 6:70

Nache So Jesús 'enapeco': –¿Saisheto' da qami' doce da qami' ica'agui'she? Ñi 'oonolec da qoñiita netaigui ñi pa'aguenataxanaxaic.

Juan 6:71

Qaq nacheso som Judas maye llalec so Simón Iscariote som detaqtega So Jesús. Cha'aye so Judas, nacheso so 'oonolec soua doce lapaxaguenataqa maye ỹaneuo Somaye.